سمندری راستے لوگوں کو یورپ بھجوانے والے 3 ملزمان گرفتار
اشاعت کی تاریخ: 4th, April 2025 GMT
فیڈرل انوسٹی گیشن ایجنسی (ایف آئی اے) نے سمندر کے راستے شہریوں کو یورپ بھجوانے میں ملوث ریڈ بک کے انتہائی مطلوب ملزم سمیت 3 ایجنٹ گرفتار کرلیے۔
یہ بھی پڑھیں: انسانی اسمگلنگ کا کالا دھندا مکمل طور پر بند کرانے کا پختہ عزم کر رکھا ہے، وزیرِ اعظم محمد شہباز شریف
ایف آئی اے ترجمان کے مطابق ایف آئی اے گوجرانوالہ زون نے بڑی کارروائیاں کرتے ہوئے انسانی اسمگلنگ میں ملوث عناصر کے خلاف گھیرا تنگ کر لیا جس میں سمندر کے راستے شہریوں کو یورپ بھجوانے میں ملوث ریڈ بک کے انتہائی مطلوب انسانی اسمگلرز سمیت 3 ایجنٹ کو گرفتار کر لیا گیا۔
ملزمان کی شناخت محمد عمران، محمد تنویر اور غلام غوث کے نام سے ہوئی ہے۔ ان ملزمان کو گوجرانوالہ اور گجرات کے مختلف علاقوں سے گرفتار کیا گیا ہے۔
گرفتار ملزم محمد عمران نے شہریوں سمندر کے راستے اسپین بھجوانے کے لیے 72 لاکھ روپے سے زائد وصول کیے تھے۔
ملزم نے شہریوں کو کشتی کے ذریعے غیر قانونی طور پر موریطانیہ سے اسپین اسمگل کرنے کی کوشش کی تھی تاہم شہریوں نے کشتی کے ذریعے سفر سے انکار کر دیا تھا اور واپس پاکستان آگئے جبکہ گرفتار ملزم محمد تنویر سال 2019 سے اشتہاری ہے۔
مزید پڑھیے: سمندر کے راستے انسانی اسمگلنگ میں ملوث منظم گینگ بے نقاب
محمد تنویر کا نام ریڈ بک کے انتہائی مطلوب انسانی اسمگلرز میں شامل ہے۔ ملزم کے خلاف متعدد مقدمات درج ہیں۔
ملزم نے شہریوں کو ترکی کے راستے یورپ بھجوانے کے لیے لاکھوں روپے ہتھیائے۔
ملزم غلام غوث نے شہری کو غیر قانونی طریقے سے یونان بھجوانے کی غرض سے 17 لاکھ روپے سے زائد ہتھیائے۔ ملزمان شہریوں کو بیرون ملک بھجوانے میں ناکام رہے اور روپوش ہو گئے۔
ڈائریکٹر گوجرانوالہ زون عبدالقادر قمر کے مطابق انسانی اسمگلنگ کے نیٹ ورک کے خلاف کارروائیاں مزید تیز کر دی گئی ہیں اور معصوم جانوں سے کھیلنے والوں کو انصاف کے کٹہرے میں لایا جائے گا۔
مزید پڑھیں: انسانی اسمگلنگ میں ملوث 436 ملزمان گرفتار کیے جا چکے، وزیر اطلاعات عطااللہ تارڑ
عبدالقادر قمر نے بتایا کہ انسانی اسمگلنگ کے خلاف زیرو ٹالرنس پالیسی پر عمل جاری ہے۔ انہوں نے مزید کہا کہ کشتی حادثات کے ذمہ دار انسانی اسمگلروں کو سخت سزائیں دلوائی جائیں گی اور بین الاقوامی سطح پر انسانی سمگلنگ کے نیٹ ورک کو جڑ سے ختم کیا جائے گا۔
ویزا فراڈ میں ملوث ایجنٹ گرفتارایف آئی اے کے انسداد انسانی اسمگلنگ اسلام آباد سرکل نے بڑی کارروائی کرتے ہوئے ویزا فراڈ میں ملوث ایجنٹ کو گرفتار کر لیا۔
ترجمان ایف آئی اے کے مطابق ملزم زیارات کے نام پر انسانی اسمگلنگ اور ویزا فراڈ میں ملوث ہے۔
گرفتار ملزم کی شناخت محمد عارف کے نام سے ہوئی ہے جس نے شہریوں سے زیارات پر بھجوانے کے نام پر لاکھوں روپے کا فراڈ کیا۔
ملزم نے شہریوں کو زیارات کے لیے عراق پر بھجوانے کا جھانسا دے کر ان سے 45 لاکھ روپے بٹورے۔
یہ بھی پڑھیے: انسانی اسمگلنگ کے خلاف کریک ڈاؤن: ایف آئی اے کے 13 اہلکار برطرف، اہم گرفتاریاں
گرفتار ملزم شہریوں کو بیرون ملک بھجوانے میں ناکام رہا اور رقم وصول کرنے کے بعد بیرون ملک فرار ہو گیا۔
ملزم کو ایران سے پاکستان پہنچنے پر اسلام آباد ایئر پورٹ پر گرفتار کیا گیا۔ ملزم کا نام اسٹاپ لسٹ میں شامل تھا۔ ملزم کو گرفتار کر کے تفتیش کا آغاز کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد انسانی اسمگلرز گرفتار انسانی اسمگلنگ ایف آئی اے بذریعہ سمندر انسانی اسمگلنگ.ذریعہ: WE News
کلیدی لفظ: اسلام اباد انسانی اسمگلرز گرفتار انسانی اسمگلنگ ایف ا ئی اے بذریعہ سمندر انسانی اسمگلنگ انسانی اسمگلنگ سمندر کے راستے یورپ بھجوانے گرفتار ملزم بھجوانے میں ایف ا ئی اے گرفتار کر شہریوں کو نے شہریوں میں ملوث کے خلاف کے نام کے لیے
پڑھیں:
کراچی؛ گاڑیاں چھیننے میں حاضر سروس پولیس اہلکاروں کے ملوث ہونے کا ایک اور واقعہ
کراچی:شہر قائد میں گاڑیوں کی چھینا جھپٹی کی وارداتوں میں حاضر سروس پولیس اہلکاروں کے ملوث ہونے کا تیسرا واقعہ بھی سامنے آگیا۔
اے وی ایل سی پولیس نے ملیر کینٹ تھانے میں تعینات سب انسپکٹر کو گرفتار کر کے مسروقہ کار برآمد کرلی ۔ گرفتار پولیس افسر اپنے بیٹے کے سولنگی کار لفٹنگ گینگ کو تحفظ فراہم کرتا تھا جب کہ اس سے قبل بھی گاڑیوں کی چوری میں ملوث 2 پولیس اہلکار اینٹی وہیکل لفٹنگ سیل پولیس کے ہاتھوں گرفتار ہو چکے ہیں۔
اینٹی وہیکل لفٹنگ سیل پولیس نے ملیر کینٹ تھانے میں تعینات سب انسپکٹر محمد عرس سولنگی کو گرفتار کر کے شارع فیصل تھانے کی حدود سے چوری کی گئی مسروقہ کار برآمد کرلی ۔
ترجمان اے وی ایل سی پولیس کی جانب سے جاری اعلامیے کے مطابق گزشتہ ماہ 30 مارچ کو اے وی ایل سی بلدیہ ڈویژن پولیس نے بدنام زمانہ بین الصوبائی کار سنیچر سولنگی گینگ کے 2 کارندوں قاسم عرف عامر اور شعیب عرف ایس کے کو مقابلے کے دوران زخمی حالت میں گرفتار کیا تھا، اس دوران سولنگی گینگ کا سرغنہ دانش سولنگی عرف میر دیگر 2 ساتھیوں نور خان اور فخر سمیت موقع سے فرار ہوگیا تھا ۔
پولیس نے ملزمان کے قبضے سے 27 مارچ کو فیروز آباد کے علاقے سے چھینی گئی ٹیوٹا کورولا کار اور اسلحہ برآمد کیا تھا ۔ برآمد کی گئی گاڑی ملزمان نے شہید ملت روڈ پر صبح سوا 8 بجے چھینی تھی اور اس دوران ملزمان نے کار میں سوار فیملی کو انتہائی بے دردی سے گھسیٹ کر اتارا تھا ۔
کار میں سوار فیملی نے اسلحہ بردار ملزمان کو دیکھ کر خوفزدہ ہو کر کار کے دروازے اور شیشے لاک کر لیے تھے اور ملزمان سے معافی کے ساتھ ساتھ واردات نہ کرنے کی التجائیں بھی کی تھیں۔
ترجمان کے مطابق مقابلے میں زخمی حالت میں گرفتار ملزمان سے تفتیش کے دوران انکشاف ہوا کہ سولنگی گینگ کا سرغنہ ایک سابق فوجی اہلکار دانش سولنگی عرف میر ہے جو کہ ایک پولیس کے سب انسپکٹر کا بیٹا ہے جب کہ یہ گینگ ایک درجن سے زائد ملزمان پر مشتمل ہے۔
پولیس نے ملزمان کے اس انکشاف پر ملیر کینٹ تھانے میں تعینات پولیس افسر سب انسپکٹر محمد عرس سولنگی کو گرفتار کر کے شارع فیصل تھانے سے چوری کی گئی کار برآمد کرلی۔
واضح رہے کہ اس قبل بھی اے وی ایل سی پولیس کار چوری میں ملوث 2 پولیس اہلکاروں کو گرفتار کرچکی ہے۔
جنوبی کوریا میں خوفناک جنگلاتی آگ، 24 افراد ہلاک، ہزاروں بے گھر