Islam Times:

صیہونی حکمران امریکہ کی شہہ پر جنگی جرائم کا ارتکاب کر رہے ہیں، قائد انصاراللہ یمن

اشاعت کی تاریخ: 4th, April 2025 GMT

یمن میں اسلامی مزاحمت کی تنظیم انصاراللہ کے سربراہ نے اس بات پر زور دیتے ہوئے کہ غاصب صیہونی رژیم امریکہ کی مدد سے اور اس کہ شہہ پر غزہ میں مظلوم فلسطینیوں کے خلاف جنگی جرائم انجام دینے میں مصروف ہے تمام اسلامی ممالک سے مطالبہ کیا کہ وہ متحد ہو کر غزہ کی حمایت کریں۔ اسلام ٹائمز۔ العالم نیوز چینل کے مطابق یمن میں اسلامی مزاحمت کی تنظیم انصاراللہ کے سربراہ سید عبدالملک بدر الدین الحوثی نے خطے کی تازہ ترین صورتحال کے برے میں ٹی وی پر خطاب کرتے ہوئے کہا: "صیہونی حکومت نے نسل کشی دوبارہ شروع کر دی ہے اور وہ خیموں میں فلسطینی خواتین اور بچوں پر بم گرا رہی ہے اور یہ بم امریکہ فراہم کر رہا ہے۔" قائد انصاراللہ یمن نے مزید کہا: "صیہونی رژیم مقبوضہ سرزمین کے اصل مالک فلسطینیوں کو جبری جلاوطن کر دینے کے درپے ہے۔"
صیہونی رژیم نے غزہ میں نسل کشی دوبارہ شروع کر دی ہے
سید بدرالدین الحوثی نے کہا: "بین الاقوامی تنظیمیں غزہ کی پٹی میں بڑے پیمانے پر قحط، گندم کی ترسیل میں کمی اور بیکریوں میں آٹے کی کمی کی اطلاع دے رہی ہیں۔ ایک ماہ سے زائد عرصے سے اسرائیلی دشمن فلسطینی عوام کو غذائی قلت اور ادویات سے محروم کرنے کے جرم کا ارتکاب کر رہا ہے۔" انہوں نے کہا: "اسرائیلی دشمن نے گذشتہ دو ہفتے سے ایک بار پھر اسی سفاکیت کے ساتھ مجرمانہ اقدامات دوبارہ شروع کر دیے ہیں جس کا ہم گذشتہ 15 مہینوں میں مشاہدہ کر چکے ہیں۔ اسرائیلی دشمن کسی قسم کے قوانین، معاہدوں، اقدار اور اخلاقیات کی پاسداری نہیں کرتا اور انتہائی وحشیانہ انداز میں بدترین جرائم کا ارتکاب کر رہا ہے۔"
 
صیہونی حکمران امریکہ کہ شہہ پر مجرمانہ اقدامات انجام دے رہے ہیں
انصاراللہ یمن کے سربراہ نے کہا: "صیہونی دشمن امریکہ کی حوصلہ افزائی سے غزہ میں جرائم کا ارتکاب کر رہا ہے۔ امریکہ صیہونی مجرم رژیم کو بچوں اور عورتوں کو قتل کرنے کے لیے ضروری ہتھیار فراہم کرنے میں مصروف ہے۔" سید بدرالدین الحوثی نے کہا: "امریکی حکام کھلے عام اور واضح طور پر صیہونی رژیم کے تمام اقدامات کی حمایت کرنے میں مصروف ہیں اور جب غاصب رژیم نے غزہ پر دوبارہ جارحیت شروع کی تو وائٹ ہاؤس نے اس کے ہر اقدام کی حمایت کا اعلان کیا۔" انہوں نے کہا کہ فلسطین میں جو کچھ ہو رہا ہے وہ امریکہ کی مکمل حمایت سے ہو رہا ہے۔ قائد انصاراللہ نے مزید کہا: "دشمن کس رضاکارانہ ہجرت کی بات کرتا ہے؟ جبکہ وہ غزہ میں مہاجرین کے خیموں پر بم اور میزائل برسا رہا ہے۔"
 
جنین میں سانحہ
سید بدرالدین الحوثی نے مغربی کنارے میں صہیونیوں کے جرائم کا ذکر کرتے ہوئے کہا: "اسرائیلی دشمن مغربی کنارے میں جو کچھ کر رہا ہے اس کا مقصد لوگوں کو بے گھر کرنا ہے اور جنین میں جو کچھ ہو رہا ہے وہ مکمل تباہی ہے۔" انصاراللہ کے سربراہ نے مزید کہا: "مسجد الاقصی کو مسلسل حملوں کا نشانہ بنایا جاتا ہے، اور بن گویر (نیتن یاہو کی کابینہ میں انتہا پسند وزیر) کے اقدامات اسلامی مقدسات کے خلاف کشیدگی میں اضافے کی نشاندہی کرتے ہیں۔" انہوں نے مزید کہا: "امت مسلمہ اسرائیلی دشمن کے مجرمانہ اقدامات کے خطرے سے روبرو ہے جس کا مقصد امریکہ کی مکمل حمایت سے فلسطین کاز کو ختم کرنا ہے۔"
بیروت پر بمباری
سید بدرالدین الحوثی نے کہا: "صیہونی دشمن لبنان میں جنگ بندی معاہدے کی خلاف ورزی کر رہا ہے، اس کے حملے اور جارحیت ابھی تک نہیں رکی اور بیروت پر بمباری جاری ہے جس کا ہدف اسلامی سرزمینوں پر غاصبانہ قبضہ جمانا اور لبنانیوں کا خون بہانا ہے۔"
شام پر فضائی حملوں کا تسلسل
انصاراللہ کے سربراہ نے مزید کہا: "اسرائیلی دشمن نے دمشق اور شام کے باقی صوبوں میں فضائی جارحیت اور بمباری جاری رکھی ہوئی ہے اور جنوبی شام کو تین حصوں میں تقسیم کر دیا ہے۔ دوسری طرف امریکی حکام بھی مقامی مسلح عناصر کی مدد سے دمشق کی طرف پیشقدمی کر رہے ہیں۔"
 
تکفیری گروہوں کے ہاتھوں شامی شہریوں کا قتل
انہوں نے کہا: "شام میں تکفیری گروہوں کے پاس بے بس اور بے دفاع شہریوں کو قتل کرنے کے علاوہ کوئی کام نہیں ہے۔ وہ صہیونیوں کی قتل و غارت، لوٹ مار اور تباہی کے اقدامات کو دیکھتے ہیں لیکن صرف خاموش تماشائی بنے ہوئے ہیں اور اس سلسلے میں کوئی عملی یا سنجیدہ اقدام نہیں کرتے۔"
فلسطین کے بارے میں عرب ممالک کی خاموشی اور بے حسی
انصاراللہ یمن کے سربراہ نے زور دیتے ہوئے کہا: "فلسطین کے حالات پر عرب ممالک کی خاموشی اور بے حسی تمام اصولوں، اقدار، اخلاقیات، قوانین اور شریعت کے خلاف بغاوت کے مترادف ہے۔" انہوں نے فلسطینی عوام کی حمایت کرنے والوں کے خلاف امریکی حکومت کی کارروائیوں کی جانب اشارہ کرتے ہوئے کہا: "امریکہ سرکاری طور پر فلسطینی عوام سے اظہار یکجہتی اور ہمدردی کے لیے اٹھنے والی انسانیت کی ہر آواز کو دبانے کی کوشش میں مصروف ہے۔" سید بدرالدین الحوثی نے کہا کہ امریکہ اور غاصب صیہونی رژیم انسانی معاشرے کو جنگل کے قانون اور حیوانی طرز عمل کی جانب دھکیل رہے ہیں۔ انہوں نے مزید کہا: "امریکہ فلسطین کے حامی یونیورسٹی طلبہ اور اساتید پر دباؤ ڈال رہا ہے اور ان میں سے کچھ کو امریکہ سے نکال باہر کرنے کا ارادہ رکھتا ہے۔ یورپی ممالک میں بھی فلسطین کے حامی طلبہ اور  کارکنوں پر اسی طرح کا دباؤ ڈالا جا رہا ہے۔" انہوں نے سلامتی کونسل اور اقوام متحدہ پر کڑی تنقید کرتے ہوئے کہا: "اقوام متحدہ صہیونی دشمن کو اس ادارے سے نکال کیوں نہیں دیتی؟"
 
صیہونی دشمن کے خلاف حملوں کے باعث یمن پر امریکی جارحیت
سید بدرالدین الحوثی نے کہا: "ہمارے ملک پر امریکی جارحیت اسرائیلی دشمن کے خلاف ہماری لڑائی کا حصہ ہے۔ ہمارے ملک پر جارحیت کی وجہ یہ ہے کہ امریکی حکمران چاہتے ہیں کہ پورا خطہ اسرائیلیوں کے سامنے ہتھیار ڈال دے۔" انہوں نے مزید کہا: "یمن پر امریکی جارحیت بڑھ رہی ہے لیکن یہ جارحیت ناکام ہوئی ہے اور اس سے ہماری فوجی صلاحیت متاثر نہیں ہوئی۔"
یمن پر جارحیت کے مذموم مقاصد حاصل نہیں ہوں گے
انصاراللہ کے سربراہ نے کہا: "امریکی حکمران یمن پر جارحیت میں اپنے مذموم مقاصد ہر گز حاصل نہیں کر سکیں گے اور غزہ کی حمایت میں ہماری کارروائیوں کو بھی کبھی روک نہیں پائیں گے۔" انہوں نے مزید کہا: "اہم بات یہ ہے کہ ہم اسرائیلی اور امریکی دشمن کے ساتھ براہ راست تصادم کے مرحلے پر پہنچ چکے ہیں اور یہ ہماری لڑائی کا حصہ ہے۔" انہوں نے مزید کہا: "اگلے ہفتے سے غزہ کے حق میں یمنی عوام کا ملین مارچ دوبارہ شروع ہو جائے گا۔" انہوں نے کہا: "ہم نے اسرائیل مخالف موقف اپنا رکھا ہے اور امریکہ نے اسرائیلی دشمن کا اتحادی ہونے کی وجہ سے ہمارے ملک پر جارحیت کا آغاز کر رکھا ہے۔" سید بدرالدین الحوثی نے کہا: "یمن پر امریکی جارحیت مکمل بربریت اور جرائم کے ہمراہ ہے اور وہ اپنے حملوں میں اسٹیلتھ جنگی طیاروں اور بمبار طیاروں کا استعمال کرتے ہوئے شہری اہداف کو نشانہ بنا رہے ہیں۔ وہ اپنے حملوں کو تیز کرنے کی کوشش کر رہے ہیں۔"

.

ذریعہ: Islam Times

کلیدی لفظ: سید بدرالدین الحوثی نے کہا انصاراللہ کے سربراہ نے انہوں نے مزید کہا پر امریکی جارحیت اسرائیلی دشمن انصاراللہ یمن کرتے ہوئے کہا انہوں نے کہا کا ارتکاب کر صیہونی رژیم فلسطین کے پر جارحیت میں مصروف امریکہ کی کر رہا ہے جرائم کا کی حمایت کے خلاف رہے ہیں دشمن کے اور اس ہے اور

پڑھیں:

گلگت بلتستان کو قائد عوام کے وژن کے مطابق ترقی یافتہ بنائیں گے، ثوبیہ مقدم

سابق صوبائی وزیر نے کہا کہ پاکستان پیپلز پارٹی، چیئرمین بلاول بھٹو زرداری کی قیادت میں اپنے عظیم قائد شہید ذوالفقار علی بھٹو کے مشن کو جاری رکھتے ہوئے ملک اور آئین کی بقاء کیلئے اپنی جدوجہد کو ہمیشہ جاری و ساری رکھے گی۔ اسلام ٹائمز۔ سابق صوبائی وزیر و پیپلز پارٹی گلگت بلتستان کی رہنما ثوبیہ مقدم نے کہا ہے کہ پاکستان کے عظیم رہنما شہید ذوالفقار علی بھٹو کی پاکستان کیلئے خدمات، جدوجہد اور قربانیوں کو سلام عقیدت پیش کرتی ہوں۔ ہم ایک ایسے شخص کو کیسے یاد کریں، کیسے خراج عقیدت پیش کریں جس نے پاکستان میں غریب کو  جینا سکھایا، مزدور کے حقوق کی نشاندہی کرتے ہوئے انہیں اپنا حق لینے کا احساس دلایا۔ میرے الفاظ حق ادا کر نہیں سکتے، جذبات زبان پر منتقل ہو نہیں سکتے۔ شہید بھٹو اپنے اقدامات کے حوالے سے بہت بڑا تھا، شہادت کا رتبہ پا کر تو اور بھی بہت بڑا ہو گیا۔ گلگت میں ذوالفقار علی بھٹو کی برسی کے حوالے سے منعقدہ تقریب سے خطاب کرتے ہوئے ثوبیہ مقدم نے کہا کہ قائد عوام نے ہمیں غلامی کی زنجیریں توڑ ڈالنے اور عزت سے سر اٹھا کر جینے کا درس دیا، وقت کے یزید کے ہاتھوں جرات اور دلیری سے پھانسی کا پھندا چوم کر امر ہو گیا۔ وہ پاکستان کا فخر تھا، اعزاز تھا۔ دنیا اس میں پاکستان کا چہرہ دیکھتی تھی۔ انہوں نے نہ صرف اپنے ہم عصروں کو متاثر کیا بلکہ آنے والی نسلوں کے لیے بھی جدوجہد کی مثال ہیں۔ آج بھی پاکستان کے شہروں، دیہات اور گلی محلوں میں ’’زندہ ہے بھٹو زندہ ہے‘‘ کے نعرے گونجتے ہیں۔

ان کا کہنا تھا کہ میرے قائد کا ایک ہی خواب تھا کہ ہر پاکستانی کو روٹی، کپڑا اور مکان مہیا کرنا، امت مسلمہ کو ایک پلیٹ فارم پر اکٹھا کرنا، پاکستان کو خوشحال اور مضبوط مستقبل کی منزل کی طرف رواں دواں کرنا اور خود انحصاری کی منزل کی طرف گامزن کرنا ان کی زندگی کا مقصد تھا۔ آج کے دن ہم عہد و عزم کرتے ہیں کہ پاکستان پیپلز پارٹی، چیئرمین بلاول بھٹو زرداری کی قیادت میں اپنے عظیم قائد شہید ذوالفقار علی بھٹو کے مشن کو جاری رکھتے ہوئے ملک اور آئین کی بقاء کیلئے اپنی جدوجہد کو ہمیشہ جاری و ساری رکھے گی۔ گلگت بلتستان کو قائد عوام کے وژن کے مطابق ایک ترقی یافتہ، عوام دوست خطہ اور پاکستان کی معاشی سرگرمیوں کا مرکز بنائیں گے۔ گلگت بلتستان کی معاشی ترقی، جمہوریت اور جمہوری اقدار کا فروغ اور عوامی حقوق کے تحفظ کے لئے پیپلز پارٹی گلگت بلتستان امجد حسین ایڈووکیٹ کی سرپرستی میں ہر ممکن اقدام کرے گی۔