بھارتی فاسٹ بولر جسپریت بمراہ سے متعلق اہم خبر!
اشاعت کی تاریخ: 4th, April 2025 GMT
بھارتی فاسٹ بولر جسپریت بمراہ کی انڈین پریمیئر لیگ (آئی پی ایل) میں واپسی تاحال مشکوک ہے۔
جمعے کے روز لکھنؤ سپر جائنٹس کے خلاف ممبئی انڈینز کی ٹیم کا حصہ نہ بن پانے والے گیند باز کا رائل چیلنجرز کے خلاف 7 اپریل کو ہونے والا اگلا میچ کھیلنا بھی مشکوک ہوگیا ہے۔
تاہم، ای ایس پی این کرک انفو کے ماطبق جنوری میں کمر کی انجری کا شکار ہونے والے جسپریت بمراہ اس وقت ری ہیب میں ہیں اور جلد ہی ایکشن میں دِکھائی دیں گے۔
وہ اس وقت بنگالورو میں بی سی سی آئی کے سینٹر آف ایکسیلینس میں ہیں اور فٹنس ٹیسٹ کے حتمی مراحل سے گزر رہے ہیں اور بی سی سی آئی کی میڈیکل ٹیم کی جانب سے تصدیق کے بعد ہی ممبئی انڈینز کی جانب سے آئی پی ایل کا حصہ بن سکیں گے۔
.ذریعہ: Express News
پڑھیں:
سری لنکا میں بھارتی وزیر اعظم کا دورہ، کتوں کے خلاف کریک ڈاؤن
اسلام آباد (اُردو پوائنٹ ۔ DW اردو۔ 03 اپریل 2025ء) سری لنکا کے جانوروں کے حقوق کے کارکنوں نے جمعرات کو بھارتی وزیر اعظم نریندر مودی کے دورے سے ایک دن قبل آوارہ کتوں کی پکڑ دھکڑ کے خلاف احتجاجی مارچ کیا۔
کولمبو اور بدھ مت یاتریوں کے شہر انورادھا پورہ میں حکام نے مبینہ طور پر مودی کے دورے سے قبل کتے پکڑنے کے لیے ٹیم تعینات کی گئی ہے تاکہ نریندر مودی کی جمعے کو کولمبو آمد سے پہلے آوارہ کتے اس علاقے میں نہ نظر آئیں۔
بھٹ شاہ کے کتے: پطرس بخاری کے سوال کا جواب
آوارہ کتوں کو یہاں ''کمیونٹی کینائن‘‘ کہا جاتا ہے اور لوگ انہیں باضابطہ طور پر گھر نا رکھنے کے باوجود ان کی دیکھ بھال کرتے ہیں۔
ریلی فار اینیمل رائٹس اینڈ انوائرمنٹ (RARE) سے منسلک جانوروں کے حقوق کے لیے سرگرم مظاہرین نے کولمبو میں صدر انورا کمارا ڈسانائیکے کے دفتر کے باہر بھارتی ہائی کمیشن کو ایک درخواست جمع کروانے کے بعد پلے کارڈز اُٹھائے ہوئے مظاہرہ کیا۔
(جاری ہے)
اس پر درج تھا،''ہماری کمیونٹی کے کتوں کو ظالمانہ طریقے سے اٹھانا بند کرو۔‘‘بے ضمیر معاشرے میں جانوروں کے حقوق کا تحفظ ایک لطیفہ
مظاہرین کا کہنا تھا کہ عوامی پارکوں میں موجود کتوں میں سے بہت سے کتوں کو ٹیکے لگائے گئے تھے اور ان کی دیکھ بھال مقامی افراد اور جانوروں کی فلاح و بہبود کے گروپ کر رہے تھے۔ مظاہرین نے ایک اور پلے کارڈ اُٹھا رکھا تھا جس پر درج تھا،'' جانوروں پر ظلم کے لیے مشہور ملک ہوتے ہوئے سری لنکا سیاحت کو کیسے فروغ دے سکتا ہے؟‘‘
ترکی میں آوارہ کتوں کی آبادی پر قابو پانے کے لیے بل منظور
بھارتی وزیر اعظم مودی کے کولمبو کے آزادی اسکوائر پر سرکاری خیرمقدم کی تیاریاں ہو رہی ہیں۔
جہاں کتے پکڑنے والی ٹیمیں رواں ہفتے بہت مصروف دکھائی دیں۔پاکستان: جانوروں پر بے رحمی کا نیا واقعہ، گدھی کے کان کاٹ ڈالے
بھارتی وزیر اعظم نریندر مودی سری لنکا کے دورے پر دارالحکومت کے شمال میں 200 کلومیٹر کے فاصلے پر واقع انورادھا پورہ کا بھی دورہ کریں گے۔ خاص طور سے وہاں موجود ایک انجیر کے درخت کی زیارت کرنے کے لیے جس کے بارے میں خیال کیا جاتا ہے کہ یہ درخت ایک ایسے درخت کے تراشے ہوئے تنے سے اگایا گیا ہے جس کے نیچے بدھا نے 2,500 سال سے بھی پہلے روحانی بصیرت حاصل کی تھی۔ یہ درخت 22 ملین کی آبادی والے بُدھ مت کے پیروکاروں کی اکثریت پر مشتمل جزیرے کے لیے عبادت کا مرکز اور قومی خود مختاری کی علامت دونوں سمجھا جاتا ہے۔
مریخ پر اب تک کا سب سے بڑا نامیاتی مالیکیول دریافت