چیٹ جی پی ٹی کے متعلق بڑی خبر، رواں سال کا اہم ریکارڈ بنا دیا
اشاعت کی تاریخ: 4th, April 2025 GMT
چیٹ جی پی ٹی کے متعارف کرائے گئے امیج ٹول سے بنائے جانے والے گیبلی-اسٹائل اے آئی آرٹ کے رجحان نے گزشتہ ہفتے چیٹ جی پی ٹی صارفین کی تعداد میں بڑا اضافہ کر دیا، جس کی وجہ سے اوپن اے آئی کے سرورز پر دباؤ آیا اور عارضی طور پر رسائی کو محدود کردیا گیا۔
Similarweb کے مطابق رواں برس پہلی بار پیلٹ فارم پر فعال صارفین کی تعداد 15 کروڑ تک پہنچی گئی۔ جبکہ اوپن اے آئی کے سی ای او سیم آلٹمن پہلے ہی بتا چکے ہیں پلیٹ فارم پر ایک گھنٹے کے دوران 10 لاکھ صارفین کا اضافہ ہوا ہے۔
اوپن اے آئی کی جانب سے جی پی ٹی-4 او ماڈل کی بہتر تصاویر بنانے کے فیچرز کی اپ ڈیٹ متعارف کرانے کے بعد دیگر اعشاریے جیسے کہ فعال صارفین، اِن ایپ ریوینیو اور ایپ ڈاؤن لوڈز نئی بلندیوں پر پہنچ گئے ہیں۔
SensorTower ڈیٹا کے مطابق عالمی سطح پر ڈاؤن لوڈ میں 11 فی صد جبکہ ہفتہ وار فعال صارفین میں 5 فی صد اور ریوینیو میں 6 فی صد کا اضافہ دیکھنے میں آیا ہے۔
.ذریعہ: Express News
کلیدی لفظ: جی پی ٹی
پڑھیں:
ڈالر اوپن مارکیٹ میں سستا، انٹربینک مارکیٹ میں مہنگا ہوگیا
کراچی:انٹر بینک میں روپے کے مقابلے ڈالر مزید مہنگا ہو گیا جبکہ اوپن مارکیٹ میں ڈالر سستا ہو گیا۔
فاریکس ایسوسی ایشن آف پاکستان کی رپورٹ کے مطابق جمعے کو انٹر بینک مارکیٹ میں 10 پیسے اضافے سے ڈالر کی قدر 280.68 روپے ہو گئی۔
دوسری جانب اوپن مارکیٹ میں ڈالر کی قدر ایک پیسے گھٹ کر 281.98 روپے ہوگئی۔
فاریکس رپورٹ کے مطابق یورو کی قدرمیں 88 پیسے کا اضافہ ریکارڈ کیا گیا، جس کے نتیجے میں یورو کی قدر 310.45روپے پر جا پہنچی تاہم برطانوی پونڈ 1.29 روپے سستا ہو کر 368.20 روپے کا ہو گیا۔