وزیراعلیٰ کے پی علی امین گنڈاپور کا صوبے سے افغان مہاجرین کو زبردستی نہ نکالنے کا اعلان
اشاعت کی تاریخ: 4th, April 2025 GMT
اسلام آباد:
خیبرپختونخوا (کے پی) کے وزیراعلیٰ علی امین گنڈاپور نے صوبے سے افغان مہاجرین کو زبردستی نہ نکالنے کا اعلان کرتے ہوئے کہا ہے کہ بانی پاکستان تحریک انصاف (پی ٹی آئی) کہتے ہیں ملک میں جاری دہشت گردی کا واحد حل مذاکرات ہیں۔
بانی پی ٹی آئی عمران خان سے ملاقات کے بعد اسلام آباد میں پریس کانفرنس کے دوران وزیراعلیٰ کے پی علی امین گنڈا پور نے کہا کہ چئیڑمین پی ٹی آئی کہتے ہیں ملک میں جاری دہشت گردی کا واحد حل مذاکرات ہیں۔
انہوں نے کہا کہ جب ہماری حکومت تھی اس وقت دہشت گردی نہیں تھی، جب ہماری حکومت ختم کی گئی اس کے بعد ہمارے خلاف کارروائیاں شروع کی گئیں اور یہ لوگ ہمارے خلاف کارروائیوں میں مصروف رہے اور اصل کام پر ان کی توجہ نہیں رہی۔
وزیراعلیٰ کے پی نے کہا کہ میں کہہ رہا ہوں ٹی او آرز بنائیں تاکہ افغانستان کے ساتھ مذاکرات کیے جاسکیں، اس کے بغیر کوئی حل نہیں ہے۔
ان کا کہنا تھا کہ کپیسٹی کی کمی ہے اور اس کی ذمہ دار وفاقی حکومت ہے، ہر چیز میں سیاست نہ کی جائے، افسوس ہے وفاقی حکومت اور وزرا ہمارے علاقے میں واقعات پر سیاست کررہے ہیں۔
انہوں نے کہا کہ وفاقی حکومت کے زیر انتظام اداروں نے ایکشن کیا، جب سے ہماری حکومت آئی ہے سی ٹی ڈی اور دیگر اداروں کو 30 ارب روپے دیے ہیں، صوبائی حکومت کا ایکشن پلان جاری ہے۔
علی امین گنڈاپور نے کہا کہ عوام اپنے فورسز کے ساتھ کھڑے ہیں، وفاقی حکومت کے بیانات خطرناک ہیں، افغانستان میں جب تک امن نہیں ہوگا اس پورے خطے میں امن نہیں ہوسکتا۔
انہوں نے کہا کہ ہماری غلط پالیسیوں کی وجہ سے ان لوگوں نے ہتھیار اٹھایا ہے، اعتماد کا رشتہ بنانا پڑے گا، جب تک افغانستان اور بارڈر ایریاز میں امن نہیں ہوتا حالات ٹھیک نہیں ہوگا۔
ان کا کہنا تھا کہ کے پی میں ہم زبردستی لوگوں کو افغانستان سے نہیں بھجوائیں گے، صوبے کی پولیس اور صوبے کی انتظامیہ کسی کو بھی زبردستی نہیں نکالے گی، ہم کیمپ لگائیں گے جو رضاکارانہ طور پر جانا چاہیں ان کو بھجوائیں گے۔
انہوں نے کہا کہ این ایف سی نہ دینا 58لاکھ آبادی کے ساتھ زیادتی ہے، میرے ساتھ اپریل میں این ایف سی بلانے کا وعدہ کیا گیا تھا، اپریل کا مطلب اپریل ہے، آئینی حق کے لیے میں نکلوں گا۔
ان کا کہنا تھا کہ میں پورے صوبے، پولیس اور سرکاری ملازمین کو لے کر نکلوں گا، ہمیں 75ارب روپے نہیں دیا گیا یہ بجلی کے ڈیٹ کے علاوہ ہے، ہم پاکستان کا حصہ ہیں ہمیں یہ دیا جائے۔
.ذریعہ: Express News
کلیدی لفظ: انہوں نے کہا کہ وفاقی حکومت علی امین
پڑھیں:
’علی امین نے عمران خان سے صوبے میں تنظیم سازی سے متعلق شکایت کی‘، ملاقات کی اندرونی کہانی سامنے آگئی
ویب ڈیسک : پاکستان تحریک انصاف (پی ٹی آئی) کے بانی عمران خان اور وزیراعلیٰ خیبرپختونخوا علی امین گنڈاپور کی ملاقات کی اندونی کہانی سامنے آگئی۔
ذرائع کے مطابق گزشتہ دنوں اڈیالہ جیل میں ہونے والی ملاقات میں علی امین گنڈاپور نے بانی پی ٹی آئی کو صوبے میں پارٹی کی نئی تنظیم سازی سے متعلق شکایت کی۔ ذرائع کا کہنا ہے کہ ملاقات میں عاطف خان اور شیرعلی ارباب کو دوبارہ عہدوں پر رکھنے سے متعلق بھی گفتگو ہوئی۔ علی امین گنڈاپور نے بانی پی ٹی آئی کو کہا کہ آپ کے کہنے پرعہدوں سے ہٹایا گیا تھا، اب دوبارہ شامل کیا گیا، اس پر بانی پی ٹی آئی نے جواب دیا کہ اس معاملے پر متعلقہ قیادت سے پوچھوں گا۔
افغانیوں کا انخلا، لاہور میں افغانی باشندوں کی تعداد کتنی؟
ذرائع نے بتایاکہ وزیراعلیٰ نے دو وزرا کی کارکردگی سے متعلق بھی عمران خان کو شکایت کی جس پر انہوں نے وزیراعلیٰ کو وزرا کے خلاف کارروائی کا اختیار دے دیا۔
ذرائع کا کہنا ہے کہ دونوں وزرا کو کابینہ سے ہٹائے جانے یا قلمدان تبدیل کرنے کا امکان ہے، دونوں پی ٹی آئی کے سینیئر رہنماؤں کے بھائی ہیں۔ ذرائع نے بتایا کہ علی امین گنڈاپور کی بابرسلیم سواتی اور اعظم سواتی کے تنازع پر بھی بات چیت ہوئی، بانی پی ٹی آئی نے علی امین کو معاملہ افہام و تفہیم سے حل کرنے کی ہدایت کی۔ ملاقات میں علی امین نے بانی پی ٹی آئی کو مختلف سطح پرجاری مذاکرات سے بھی آگاہ کیا۔
صدر پاکستان کبڈی فیڈریشن کی اہلیہ کا انتقال،نواز شریف تعزیت کے لئے گھرپہنچ گئے
مرکزی سیکرٹری اطلاعات پی ٹی آئی شیخ وقاص اکرم نے کہا کہ بانی پی ٹی آئی اورعلی امین کی ملاقات سیاسی اور پارٹی امور سے متعلق تھی۔ انہوں نے کہا کہ ملاقات میں صوبائی حکومت سے متعلق بھی گفتگو ہوئی جس پر علی امین کو بانی پی ٹی آئی کی جانب سے اہم احکامات بھی ملے ہیں۔
خیال رہے کہ گزشتہ دنوں عمران خان سے اڈیالہ جیل میں وزیراعلیٰ خیبرپختونخوا علی امین گنڈاپور اور ان کے مشیر برائے اطلاعات بیرسٹر سیف نے طویل ملاقات کی تھی، اس ملاقات میں بانی پی ٹی آئی نے دونوں کو اسٹیبلشمنٹ سے مذاکرات کا ٹاسک دیا تھا۔
پنجاب کے پہلے سرکاری کینسر ہسپتال کو الگ ادارے کی قانونی حیثیت حاصل
مریخ پر اب تک کا سب سے بڑا نامیاتی مالیکیول دریافت