شہید ذوالفقار علی بھٹو کی جمہوریت اور قومی ترقی کیلئے قربانیاں تاریخ میں سنہری حروف سے لکھی جائیں گی، ڈاکٹر طارق فضل چودھری
اشاعت کی تاریخ: 4th, April 2025 GMT
اسلام آباد(اُردو پوائنٹ اخبارتازہ ترین - این این آئی۔ 04 اپریل2025ء)وفاقی وزیر برائے پارلیمانی امور ڈاکٹر طارق فضل چودھری نے سابق وزیرِاعظم شہید ذوالفقار علی بھٹو کی 46ویں برسی کے موقع پر خراجِ عقیدت پیش کرتے ہوئے کہا ہے کہ شہید ذوالفقار علی بھٹو کی جمہوریت اور قومی ترقی کیلئے قربانیاں تاریخ میں سنہری حروف سے لکھی جائیں گی، وفاقی وزیر نے کہا کہ شہید ذوالفقار علی بھٹو کی قیادت میں منظور شدہ 1973 کا متفقہ آئین آج بھی جمہوری نظام کی اساس ہے، ڈاکٹرطارق فضل چودھری نے شہید ذوالفقار علی بھٹو نے عوام کو اپنے حقوق کے لیے آواز بلند کرنے کا حوصلہ دیا، وفاقی وزیرنے کہا ہے کہ شہید بھٹو کی بے خوف قیادت اور عوامی خدمت کا جذبہ آج بھی سیاسی رہنماں کے لیے مشعلِ راہ ہے،انہو ں نے ذوالفقار علی بھٹو کی خارجہ پالیسی نے پاکستان کو عالمی سطح پر ایک خودمختارملک کے طور پر متعارف کرایا۔
.ذریعہ: UrduPoint
کلیدی لفظ: تلاش کیجئے شہید ذوالفقار علی بھٹو کی
پڑھیں:
بریڈفورڈ میں ذوالفقار علی بھٹو کی 46ویں برسی کی تقریب
پاکستان پیپلز پارٹی بریڈفورڈ کے زیر اہتمام سابق وزیر اعظم اور پارٹی کے بانی قائد ذوالفقار علی بھٹو شہید کی 46ویں برسی انتہائی عقیدت و احترام کے ساتھ منائی گئی۔
اس موقع پر پارٹی کے رہنماؤں، کارکنوں اور جیالوں نے بڑی تعداد میں شرکت کی۔
تقریب کا آغاز حاجی چوہدری کرامت حسین کی تلاوتِ قرآن پاک سے ہوا، جس کے بعد برسی کی تقریب کا باقاعدہ آغاز کیا گیا۔ پیپلز پارٹی بریڈفورڈ کے صدر آصف نسیم راٹھور کی صدارت میں ہونے والی اس تقریب کی نظامت کے فرائض پیپلز پارٹی بریڈفورڈ کے سیکرٹری جنرل چوہدری حق نواز نے انجام دیے۔
تقریب سے سابق وزیر حکومت آزاد کشمیر راجہ شوکت خالق، سابق لارڈ مئیر بریڈفورڈ راجہ غضنفر خالق، سابق لارڈ میئر بریڈفورڈ رنگزیب چوہدری، پیپلز پارٹی برطانیہ کے انفارمیشن سیکرٹری زاہد مغل، سینئر رہنما سردار عبدالرحمن خان، تحریک حق خودارادیت انٹرنیشنل کے بانی راجہ نجابت حسین، ملک رحمت اعوان اور پیپلز پارٹی کے دیگر رہنماؤں نے خطاب کرتے ہوئے ذوالفقار علی بھٹو شہید کی سیاسی، عوامی اور دینی خدمات کو خراجِ عقیدت پیش کیا۔
مقررین نے کہا کہ بھٹو شہید نے پاکستان پیپلز پارٹی کی بنیاد رکھ کر عوام کے حقوق کے لیے آواز بلند کی اور ’روٹی، کپڑا اور مکان‘ کا نعرہ دیا، جو آج بھی پسے ہوئے طبقے کی نمائندگی کرتا ہے۔
رہنماؤں نے اس بات پر زور دیا کہ بھٹو شہید نے پاکستان کو 1973 کا متفقہ آئین دیا اور ملک کو ایک نئی سمت میں گامزن کیا۔ ان کا کہنا تھا کہ پیپلز پارٹی نے ملک و قوم کےلیے جو قربانیاں دی ہیں تاریخ میں اس کی مثال نہیں ملتی۔
رہنماؤں نے مزید کہا جب بھی قربانیوں کا ذکر ہوگا تو شہید ذوالفقار علی بھٹو سے لے کر شہید بے نظیر بھٹو تک اس خاندان کی خدمات کو کبھی فراموش نہیں کیا جائے گا، کارکنوں نے اس عزم کا اعادہ کیا کہ پاکستان پیپلز پارٹی اپنے بانی قائد کے نظریات اور مشن کو جاری رکھے گی اور عوامی خدمت کا سفر جاری رہے گا۔
تقریب کے اختتام پر صدر پاکستان آصف علی زرداری کی جلد صحتیابی کے لیے دعا کی گئی۔ اس کے علاوہ ذوالفقار علی بھٹو شہید، محترمہ بے نظیر بھٹو شہید اور دیگر مرحومین کے درجات کی بلندی کے لیے بھی خصوصی دعا کی گئی۔
پنجاب: بارشوں کی کمی سے خشک سالی کا الرٹ جاری