گرمی کی شدت میں اضافہ،محکمہ موسمیات نے خبردار کردیا
اشاعت کی تاریخ: 4th, April 2025 GMT
محکمہ موسمیات نے اپریل میں گرمی کی شدت میں اضافے سے متعلق کراچی والوں کو خبردار کردیا۔
تفصیلات کے مطابق کراچی میں گرمی کا پارہ ہائی ہونے لگا، محکمہ موسمیات نے خبردار کیا ہے کہ اپریل معمول سے زیادہ گرم ر ہے گا اور آج درجہ حرارت اڑتیس سے انتالیس ڈگری تک جانے کا امکان ہے۔
موسم کا حال بتانے والوں کا کہنا تھا کہ شہر میں آج بھی موسم گرم اور خشک رہے گا اور شام میں موسم میں تبدیلی متوقع ہے تاہم شہر میں فی الحال بارش کا کوئی امکان نہیں۔
محکمہ موسمیات نے سندھ، کے بیشترعلاقوں میں اگلے 2 سے 2 روز کے دوران موسم شدید گرم دن کا درجہ حرارت دو سے چار ڈگری سینٹی گریڈ معمول سے زیادہ رہنے کی پیشگوئی کی ہے۔
مٹھی میں آج درجہ حرارت چھایلیس، نوابشاہ پینتالیس،دادو ٹھٹھہ اور حیدرآباد میں تینتالیس ڈگری تک جاسکتا ہے۔
دوسری جانب پنجاب میں بھی گرمی کی شدت میں بتدریج اضافہ ہو رہا ہے لاہورمیں زیادہ سے زیادہ چونتیس ڈگری تک جانے کا امکان ہے۔
.ذریعہ: Daily Ausaf
کلیدی لفظ: محکمہ موسمیات نے
پڑھیں:
لاہور سمیت پنجاب بھر میں خشک موسم برقرار، گرمی کی شدت میں اضافہ
لاہور:پنجاب بھر میں خشک موسم کا سلسلہ جاری ہے جس کے باعث گرمی کی شدت میں بتدریج اضافہ ہو رہا ہے۔
گرمی بڑھنے کے ساتھ ہی گھروں اور دفاتر میں پنکھوں کے ساتھ ساتھ ایئرکنڈیشنرز کے استعمال میں بھی اضافہ ہو گیا ہے۔
محکمہ موسمیات کے مطابق لاہور میں کم سے کم درجہ حرارت 19 ڈگری سینٹی گریڈ جبکہ زیادہ سے زیادہ 32 ڈگری سینٹی گریڈ تک جانے کا امکان ہے۔
محکمہ موسمیات کا کہنا ہے کہ آئندہ ایک دو روز تک بارش کا کوئی امکان نہیں، موسم خشک اور گرم رہے گا۔
جنوبی کوریا میں خوفناک جنگلاتی آگ، 24 افراد ہلاک، ہزاروں بے گھر