دانانیر مبین نے احد رضا میر سے شادی سے متعلق خاموشی توڑ دی
اشاعت کی تاریخ: 4th, April 2025 GMT
دانانیر مبین کی خاموشی ٹوٹ گئی، احد رضا میر سے شادی کی خبروں پر واضح اور دو ٹوک ردِعمل سامنے آ گیا۔
حالیہ دنوں میں اداکارہ دانانیر مبین اور احد رضا میر کا ڈرامہ میم سے محبت عوام کی توجہ کا مرکز بنا ہوا ہے، جیسے ہی اس کے ٹیزرز جاری ہوئے مداحوں میں جوش و خروش دیکھنے کو ملا اور شوٹنگ کے دوران ان دونوں کی خوش گوار تصاویر اور ویڈیوز بھی وائرل ہوئیں۔
مداحوں نے ان دونوں کی کیمسٹری کو خوب پسند کیا اور اسکرین کے ساتھ ساتھ حقیقی زندگی میں بھی ان کی جوڑی بنانے کی خواہش کا اظہار کرنے لگے، خاص طور پر جب احد رضا میر کی والدہ ثمرہ رضا میر نے دانانیر کے لیے اپنی محبت کا اظہار کیا۔
انہوں نے دانانیر کے لیے خود کھانا پکایا، جب کہ احد اور ان کے والد آصف رضا میر نے ان کی گریجویشن کے موقع پر انہیں ہار پہنائے۔
ان تمام خوبصورت لمحات نے مداحوں کو یقین دلا دیا کہ شاید دونوں جلد شادی کے بندھن میں بندھنے والے ہیں۔
مگر اب دانا نیر مبین نے ایک انٹرویو میں اس معاملے پر خاموشی توڑ دی ہے، انہوں نے ایک انٹرویو میں کہا ہے کہ میں ایک اداکارہ ہوں اور مجھے خوشی ہوتی ہے کہ لوگ میرے کرداروں کو پسند کرتے ہیں، لیکن میری ذاتی زندگی کو میرے اسکرین پارٹنرز سے جوڑنا مناسب نہیں۔
انہوں نے کہا کہ میں صرف ایک کردار نبھا رہی ہوتی ہوں، جو اصل شخصیت سے بہت مختلف ہوتا ہے، اسی لیے مجھے آف اسکرین جوڑیاں بنانے کا رجحان کچھ خاص پسند نہیں۔
دانانیر نے اپنے مداحوں سے گزارش کی کہ آپ صرف میرے کام کو سراہیں لیکن ذاتی زندگی کا احترام بھی کریں، میں ایک اداکارہ کی حیثیت سے کرداروں میں حقیقت کا رنگ ضرور بھرتی ہوں، مگر اس کا مطلب یہ نہیں کہ حقیقی زندگی میں بھی وہی تعلقات رکھتی ہوں۔
Post Views: 1.ذریعہ: Daily Mumtaz
پڑھیں:
’’ابھی تو میں جوان ہوں!‘‘ 89 سالہ دھرمیندر کا سرجری کے بعد پیغام
بالی ووڈ کے لیجنڈ اداکار دھرمیندر نے آنکھ کی سرجری کروانے کے بعد اپنے مداحوں کو ایک طاقتور پیغام دیا ہے۔ 89 سال کی عمر میں بھی ’’ہی مین‘‘ اپنی جوان دلی اور حوصلے سے سب کو حیران کرگئے۔
اسپتال سے باہر نکلتے ہوئے دھرمیندر نے آنکھ پر پٹی باندھے ہوئے شوبز صحافیوں سے بات کی۔ انہوں نے مسکراتے ہوئے کہا، ’’بہت جان ہے مجھ میں ابھی! میں اپنی آنکھ کا علاج کروا کر آیا ہوں۔ محبت ہے آپ سب سے، محبت ہے میرے مداحوں سے، میں مضبوط ہوں۔‘‘ انہوں نے دونوں ہاتھ اوپر اٹھا کر اپنی توانائی کا مظاہرہ کیا۔
دھرمیندر کو حال ہی میں فلم ’راکی اور رانی کی پریم کہانی‘ میں کنول رندھاوا کے کردار میں دیکھا گیا تھا۔ اب وہ سری رام رگھوان کی ہدایت کاری میں بننے والی فلم ’اکیس‘ میں ایم ایل کھیتاڑ پال کا کردار ادا کریں گے، جہاں ان کے ساتھ اگاستیا نندا مرکزی کردار میں نظر آئیں گے۔
اپنے طویل کیریئر پر بات کرتے ہوئے دھرمیندر نے ایک انٹرویو میں کہا تھا کہ انہیں اپنی عمر پر یقین نہیں آتا۔ ان کا کہنا تھا کہ وقت بہت تیزی سے گزر گیا۔ انہوں نے اپنے کیریئر کے ابتدائی دنوں کو یاد کرتے ہوئے بتایا کہ انہیں پہلی فلم ’دل بھی تیرا ہم بھی تیرے‘ میں کام کرنے کا موقع ملا تو انہیں یہ تک نہیں معلوم تھا کہ کیمرے کے سامنے کہاں دیکھنا ہے۔
دھرمیندر کی صحت یابی کی خبروں پر ان کے مداحوں نے سوشل میڈیا پر خوشی کا اظہار کیا ہے۔ کئی نوجوان اداکاروں نے بھی ان کے لیے نیک خواہشات کا اظہار کیا ہے۔
’شعلے‘، ’چپکے چپکے‘ اور ’ان پڑھ‘ جیسی یادگار فلموں میں کام کرنے والے دھرمیندر کا کہنا ہے کہ وہ اب بھی نئے کرداروں کےلیے تیار ہیں۔
پنجاب: بارشوں کی کمی سے خشک سالی کا الرٹ جاری