بھارت کے لیجنڈری اداکار منوج کمار 87 برس کی عمر میں چل بسے
اشاعت کی تاریخ: 4th, April 2025 GMT
تھرلر، سسپنس، ایکشن اور سماجی مسائل پر بنائی گئی فلموں میں منفرد کردار ادا کرکے شہرت حاصل کرنے والے بھارت کے لیجنڈری اداکار، پروڈیوسر و ہدایت کار منوج کمار 87 برس کی عمر میں چل بسے۔
’ٹائمز آف انڈیا‘ کے مطابق منوج کمار زائد العمری کے باعث طویل عرصے سے مختلف طبی پیچیدگیوں کا شکار تھے جب کہ حالیہ کچھ عرصے میں انہیں عارضہ جگر بھی لاحق ہوا، جس سے ان کی صحت آئے روز بگڑتی رہی۔
منوج کمار کو 3 اپریل کی شب ممبئی کے نجی ہسپتال میں لایا گیا تھا، جہاں وہ 4 اپریل کی علل الصبح ہارٹ اٹیک کے باعث چل بسے۔
بھارتی وزیر اعظم نریندر مودی سمیت متعدد بولی وڈ شوبز شخصیات نے منوج کمار کے انتقال کی خبریں شیئر کرتے ہوئے انہیں خراج تحسین بھی پیش کیا۔
آنجھانی اداکار کے بیٹے کے مطابق ان کے والد کچھ ہفتوں سے زیادہ علیل تھے لیکن شکر ہے کہ انہوں نے پرسکون حالت میں زندگی کو الوداع کہا۔
منوج کمار تقسیم برصغیر سے قبل ہی امرتسر میں 1937 میں پیدا ہوئے اور تقسیم ہند کے بعد فلمی کیریئر کا آغاز کیا۔
ان کا شمار بھارت کی ہندی فلم انڈسٹری کے اولین ہیروز میں ہوتا ہے، انہیں حب الوطنی پر بنائی گئی فلموں میں کردار ادا کرنے کی وجہ سے بھی جانا جاتا ہے۔
منوج کمار کا اصل نام ہری کرشنن گوسوامی تھا اور وہ ہندی فلموں کے 1960 سے 1975 کے مقبول ترین اداکاروں میں سے ایک تھے۔
انہیں دادا بھائی پاٹھک سمیت دیگر بھارتی سرکاری ایوارڈز سے بھی نوازا گیاجب کہ انہوں نے اپنی اداکاری کے باعث متعدد دیگر فلمی ایوارڈز بھی اپنے نام کیے۔
منوج کمار نے اداکاری کے علاوہ فلموں کو پروڈیوس بھی کیا جب کہ انہوں نے ایک درجن کے قریب فلموں کی ہدایات بھی دیں۔
منوج کمار نے بطور اداکار درجنوں فلموں میں کام کیا، ان کی معروف فلموں میں ’وہ کون تھی، شادی، فیشن، سہارا، پنچائت، کانچ کی گڑیا، پیا ملن کی آس، ریشمی رومال، بنارسی ٹھگ، ماں بیٹا، گمنام، پونم کی رات، پتھر کے صنم، آدمی، میرا نام جوکر، روٹی کپڑا اور مکان، کرانتی، مجھے انصاف چاہیے اور سنتوش‘ جیسی فلمیں شامل ہیں۔
بطور اداکار منوج کمار نے آخری بار 1995 میں ریلیز ہونے والی فلم ’میدان جنگ‘ میں کردار ادا کیا تھا۔
Post Views: 1.ذریعہ: Daily Mumtaz
کلیدی لفظ: فلموں میں
پڑھیں:
اسکوئیڈ گیم کے مشہور اداکار کو جنسی زیادتی کے جرم میں ایک سال قید کی سزا
نیٹ فلکس سیریز ’اسکوئیڈ گیم‘ میں پلیئر 001 کے کردار سے شہرت پانے والے جنوبی کوریائی اداکار او یونگ سو کو جنسی زیادتی کے جرم میں ایک سال قید کی سزا سنائی گئی ہے۔
80 سالہ اداکار پر الزام تھا کہ انہوں نے ایک خاتون کے ساتھ دو مواقع پر نازیبا حرکتوں کا ارتکاب کیا، جبکہ وہ اپیل ٹرائل کے دوران بھی اپنی بے گناہی پر قائم رہے۔
3 اپریل کو پیش ہونے والے حتمی دلائل میں پراسیکیوشن نے او یونگ سو کو تھیٹر کے ایک تجربہ کار اداکار کے طور پر پیش کیا جس نے ’’تھیٹر ٹروپ کے ایک کمزور رکن کے ساتھ جنسی ہراسانی کی‘‘۔
کوریائی میڈیا رپورٹس کے مطابق، پراسیکیوٹرز کا کہنا تھا کہ متاثرہ خاتون واقعات کے بعد سے ’’کام اور روزمرہ کی زندگی میں خوف میں مبتلا رہی‘‘۔ انہوں نے یہ بھی نوٹ کیا کہ اداکار نے متاثرہ سے معافی مانگنے کے بجائے یہ کہہ کر مزید نقصان پہنچایا کہ ’’میں نے یہ ایک باپ کے دل سے کیا تھا‘‘۔
او یونگ سو کے وکلاء نے تمام الزامات کو چیلنج کیا، یہ دلیل دیتے ہوئے کہ متاثرہ کا بیان ہی ان کے خلاف واحد ثبوت ہے اور ان کا بیان ’’خصوصیت، استحکام اور منطقی ہم آہنگی سے محروم ہے‘‘۔ ان کے وکلاء نے یہ بھی تجویز کیا کہ جب الزامات سامنے آئے تو او یونگ سو کو ’اسکوئیڈ گیم‘ کی وجہ سے عالمی توجہ حاصل ہوئی تھی اور انہوں نے صرف رسمی طور پر جواب دیا تاکہ ڈرامے پر کوئی منفی اثر نہ پڑے۔
عدالت میں بات کرتے ہوئے او یونگ سو نے اپنی صورت حال پر افسوس کا اظہار کرتے ہوئے کہا، ’’میں اس عمر میں عدالت میں کھڑے ہونے پر شرمندہ ہوں۔ اگر میرے الفاظ یا اعمال غلط تھے تو میں نتائج قبول کروں گا۔ تاہم، غور کرنے کے بعد بھی مجھے یقین نہیں کہ میں نے کوئی ایسا عمل کیا جسے زیادتی سمجھا جا سکے۔‘‘
اداکار نے مزید کہا، ’’اگر میرے لاپرواہ الفاظ اور اعمال نے ہماری مختصر واقفیت میں کسی کو تکلیف پہنچائی تو مجھے اس پر افسوس ہے۔ میری 80 سال کی زندگی ایک لمحے میں تباہ ہوگئی ہے، اور میں خالی محسوس کر رہا ہوں۔ میں صرف اپنی جگہ واپس جانا چاہتا ہوں۔‘‘
یہ الزامات 2017 سے متعلق ہیں جب او یونگ سو پر الزام تھا کہ انہوں نے اپنی رہائش گاہ کے قریب متاثرہ کو زبردستی گلے لگایا اور چوما، جسے انہوں نے مسترد کیا تھا۔
ابتدائی طور پر او یونگ کو آٹھ ماہ قید اور دو سال کی پروبیشن کی سزا سنائی گئی تھی، لیکن تازہ فیصلے میں ان کی سزا بڑھا کر ایک سال قید کر دی گئی ہے۔ اس اپیل کیس کا حتمی فیصلہ 3 جون کو سنایا جائے گا۔
پنجاب: بارشوں کی کمی سے خشک سالی کا الرٹ جاری