بجلی کی قیمتوں میں ریلیف اس سے زیادہ ہونا چاہیے: حافظ نعیم الرحمٰن
اشاعت کی تاریخ: 4th, April 2025 GMT
حافظ نعیم الرحمٰن---فائل فوٹو
امیرِ جماعتِ اسلامی پاکستان حافظ نعیم الرحمٰن نے کہا ہے کہ بجلی کی قیمتوں میں ریلیف اس سے زیادہ ہونا چاہیے، 7 اپریل کو مشاورت کے بعد ایک لائحہ عمل کا اعلان کروں گا۔
کراچی میں پریس کانفرنس میں حافظ نعیم الرحمٰن نے کہا ہے کہ جاگیر دار طبقہ خود اپنی مراعات میں اضافہ کر رہا ہے، عام آدمی اور تنخواہ دار لوگ سب سے بڑے ٹیکس پیئر ہیں۔
انہوں نے کہا کہ ہم نے احتجاج کیا تھا کہ تنخواہ دار طبقے پر کم سے کم ٹیکس ہونا چاہیے، ہم نے حکومت کو بھاگنے نہیں دیا، پُرامن احتجاج کیا اور معاہدہ کیا، ان آئی پی پیز کو فکس کیا جائے اور ان با اثر لوگوں کے نام سامنے لائیں۔
کراچی کے عید گاہ گراونڈ میں مفتی تقی عثمانی کی قیادت میں نماز عید کا اجتماع ہوا، امیر جماعت اسلامی پاکستان حافظ نعیم الرحمان نے عیدگاہ گراونڈ میں نماز ادا کی۔
ان کا کہنا ہے یہ چند 100 لوگ جو ہزاروں ارب کما چکے ہیں، ان سے ٹیکس نہیں لیا جاتا، 2019ء تک ان کا ریکارڈ آتا تھا، پی ٹی آئی کی حکومت میں ریکارڈ آنا بند ہوا، خود حکمران طبقے کا اعمال نامہ سامنے آئے گا اس لئے ایسا نہیں کیا جاتا۔
جماعت اسلامی کے رہنما نے کہا تنخواہ دار طبقہ سب سے زیادہ ٹیکس دے رہا ہے، تنخواہ دار طبقہ 500 ارب روپے ٹیکس جمع کرا ئے گا، جاگیر دار طبقہ صرف 5 ارب روپے ٹیکس جمع کرائےگا، ہم نے دھرنے میں یہ مطالبہ بھی کیا تھا کہ ٹیکس سلیب کو ریوائز ہونا چاہیے، آئی پی پیز ٹیکس بھی ادا نہیں کرتے، آئی پی پیز کو ٹیکس سے استثنا دے دیا جاتا ہے، ہمیں معلوم ہے کہ آئی پی پیز والے کون لوگ ہیں۔
حافظ نعیم نے کہا ساری حکومتوں میں آئی پی پیز کو سہولیات دی جاتی رہیں، کے الیکٹرک کی نجکاری میں ایم کیو ایم بھی شامل رہی، ہر جرم میں نیپرا کی شرکت ہوتی ہے، شہبازشریف سے مطالبہ کرتا ہوں فرانزک آڈٹ کرایا جائے۔
ان کا کہنا ہے کہ پیٹرول کی قیمت میں عالمی سطح پر 7 فیصد کمی ہوئی، جب تک فیول سستا نہیں ہوگا انڈسٹری کیسے چلے گی؟ پیٹرول اور بجلی کی قیمت مزید کم کی جائے، جب قوم کو سستی بجلی ملے گی تو انڈسٹری کی گروتھ ہوگی، معیشت اس وقت مستحکم ہوگی جب انڈسٹری چلے گی۔
.ذریعہ: Jang News
پڑھیں:
بجلی کی قیمتوں پر وزیراعظم کے اعلان کا انتظار کررہے ہیں، حافظ نعیم
امیر جماعت اسلامی حافظ نعیم الرحمان کا کہنا ہے کہ بجلی کی قیمتوں پر وزیراعظم کے اعلان کا انتظار کررہے ہیں۔
حافظ نعیم نے اپنے ایک بیان میں کہا کہ اصولاً بجلی کا بل اوسط لاگت کے مطابق ہونا چاہیے۔
امیر جماعت اسلامی کا کہنا ہے کہ بجلی یونٹ قیمت میں کم از کم اتنی کمی کی جائے کہ عوام کو ریلیف ملے۔
انہوں نے کہا کہ بجلی یونٹ قیمت میں نمایاں کمی ہو تاکہ انڈسٹری کا پہیہ چلے۔
حافظ نعیم کا مزید کہنا تھا کہ وزیر اعظم کے اعلان کے بعد آئندہ کے لائحہ عمل کا اعلان کریں گے۔
واضح رہے کہ وزيراعظم شہباز شریف آج قوم سے خطاب میں عوام کو سرپرائز دیں گے۔
حکومتی ذرائع کے مطابق وزیراعظم کی جانب سے بڑی خوشخبری سنائی جائے گی، شہباز شریف اہم فیصلے کا اعلان کريں گے۔
دوسری جانب ذرائع کے مطابق وزيراعظم کی جانب سے بجلی کی قیمتوں میں بڑی کمی کا اعلان متوقع ہے، شہباز شریف نے کاروباری برادری کے نمائندوں کو ملاقات کے لیے بلالیا، پاور سیکٹر ریفارمز پر اعتماد میں لیں گے۔
Post Views: 1
پنجاب: بارشوں کی کمی سے خشک سالی کا الرٹ جاری