قصور، کم عمر لڑکے سمیت دو ڈاکو شہریوں کے ہتھے چڑھ گئے
اشاعت کی تاریخ: 4th, April 2025 GMT
قصور کے علاقے چونیاں میں کم عمر لڑکے سمیت دو ڈاکو شہریوں کے ہتھے چڑھ گئے، لوگوں نے درگت بنا کر پولیس کے حوالے کردیا۔
اہل علاقہ کے مطابق چونیاں کے تھانہ الہ آباد کی حدود ارزانی پور میں ایک جوان اور ایک کم سن ڈاکو نے کریانہ اسٹور لوٹنے کی کوشش کی۔
دکاندار کی مزاحمت پر ڈاکوؤں نے فائرنگ شروع کردی، اتنے میں اہل علاقہ بھی جمع ہوگئے اور فائرنگ کے تبادلے کے بعد دونوں ڈاکوؤں کو دبوچ لیا۔
اہل علاقہ نے ڈاکوؤں کی خوب درگت بنائی اور پولیس کے حوالے کردیا۔
پولیس کا کہنا ہے کہ ڈاکوؤں کو تحویل میں لیکر کاروائی کا آغاز کر دیا گیا ہے۔
.ذریعہ: Jang News
پڑھیں:
امریکی سرکاری ملازمین پر چینی شہریوں کے ساتھ ’رومانوی تعلق‘ رکھنے پر پابندی
عالمی خبر ایجنسی کے مطابق امریکی ادارے رومانوی تعلق کے حوالے سے سخت ضوابط رکھتے تھے، جس کو ایک غیر قربتی پالیسی کے طور پر دیکھا جاتا ہے تاہم سرد جنگ کے بعد سے عوامی سطح پر اس پر بات نہیں ہوتی۔ اسلام ٹائمز۔ امریکی حکومت نے چین میں موجود سرکاری حکام اور ان کے رشتہ داروں کو چینی شہریوں کے ساتھ رومانوی اور جنسی تعلق قائم کرنے سے روک دیا ہے۔ خبر رساں ادارے ایسوسی ایٹڈ پریس کے مطابق اس معاملے سے براہ راست واقفیت رکھنے والے چار افراد میں سے دو نے اے پی سے بات کی ہے۔ ان کا کہنا ہے کہ یہ پالیسی امریکی سفیر نکولس برنز کے چین سے روانہ ہونے سے کچھ دیر پہلے نافذ کی گئی تھی۔ اس پالیسی میں یہ بھی شامل ہے کہ اس نئے ہدایت نامے کی تفصیلات کے حوالے سے جو بھی بات کرے گا وہ اپنی شناخت ظاہر نہیں کرے گا۔
اگرچہ بعض امریکی ادارے رومانوی تعلق کے حوالے سے سخت ضوابط رکھتے تھے، جس کو ایک غیر قربتی پالیسی کے طور پر دیکھا جاتا ہے تاہم سرد جنگ کے بعد سے عوامی سطح پر اس پر بات نہیں ہوتی۔ دوسرے ممالک میں امریکی سفارت کاروں کی مقامی لوگوں کے ساتھ ڈیٹنگ یا شادی کرنا معمول کی بات نہیں ہے۔ ایسی ہی پابندی کا نسبتاً محدود ورژن پچھلے موسم سرما میں بھی نافذ کیا گیا تھا، جس میں امریکی سفارت خانے اور پانچ قونصلیٹس میں کام کرنے والے گارڈز اور عملے کے دیگر افراد کو چینی شہریوں کے ساتھ رومانوی یا جنسی تعلقات بنانے سے روکا گیا تھا، تاہم موجودہ پالیسی سفیر نکولس برنز کی رخصتی کے وقت لاگو کی گئی۔
صحافی فرحان ملک کا غیر ملکیوں سے فراڈ کے مقدمے میں 5 روزہ جسمانی ریمانڈ