جس سے شادی کا یقین ہو، صرف اسے ڈیٹ کروں گی؛ مہوش کا یوزویندر کیساتھ تعلقات پر ردعمل
اشاعت کی تاریخ: 4th, April 2025 GMT
آر جے مہوش نے بھارتی کرکٹر یوزویندر چہل کے ساتھ تعلقات کی افواہوں پر ردعمل میں حیران کن بیان دیا ہے۔
بھارتی میڈیا کے مطابق آر جے مہوش نے کہا کہ فی الحال مکمل طور پر سنگل ہوں اور اس پر بہت خوش بھی ہوں۔
مہوش نے یوٹیوب چینل کو انٹرویو میں کہا کہ مجھے شادی کے موجودہ تصور کو سمجھنے میں مشکل ہوتی ہے اور میں وہ ہوں جو صرف اس کے ساتھ ڈیٹ کروں گی جس کے ساتھ شادی ہونے کا یقین ہو۔
آر جے مہوش نے اپنی بات جاری رکھتے ہوئے کہا کہ میں اس شخص کے ساتھ ڈیٹ پر جاؤں گی جس سے شادی کرنا چاہتی ہوں اور میں کبھی بھی کسی سے غیر ضروری ملاقات کی قائل نہیں ہوں۔
اپنے جیون ساتھی کی خوبیوں کے بارے میں مہوش نے بتایا کہ ایک ہنسنے ہنسانے والے شخص کو پسند کروں گی چاہے مجھے شکل اور صورت پر قربانی دینی پڑے۔
مہوش نے کہا کہ جیون ساتھی کو رومانوی اور فلمی تو بنایا جا سکتا ہے لیکن آپ کسی کو مذاق کرنا نہیں سیکھا سکتے۔
آر جے مہوش نے مشورہ دیا کہ میری خیال میں ہر لڑکی کو مذاق کرنے اور سہنے والے لڑکے کی تلاش کرنی چاہیے۔
جب مہوش سے ان کے سابق تعلقات کے بارے میں پوچھا گیا تو انھوں نے بتایا کہ میں تین سال تک یہ جانتے ہوئے بھی کہم میرا پارٹنر مجھے دھوکا دے رہا ہے اس کے ساتھ رہی۔
آر جے مہوش نے مزید بتایا کہ میں نے ایسا اس لیے کیا تاکہ لوگ مجھے برا نہ کہیں کیوں کہ ہمیشہ عورت کو ہی تعلقات کے ٹوٹنے کا ذمہ دار ٹھہرایا جاتا ہے جو کہ درست نہیں۔
خیال رہے چیمپئنز ٹرافی کا ایک میچ دیکھنے کےلیے مہوش اور یوزویندر اسٹیڈیم میں موجود تھے اور ان کی تصاویر وائرل ہوئی تھی۔
یہ سب اُس وقت ہوا جب بھارتی کرکٹر یوزویندر کی اہلیہ سے طلاق کی خبریں زیر گردش تھیں اور چند دن بعد دونوں کے درمیان طلاق کی تصدیق بھی ہوگئی۔
جس پر یوزویندر چہل اور آر جے مہوش کی خفیہ ملاقاتوں کی مزید تصاویر نے جلتی پر تیل کا کام کیا اور یہ خبریں جنگل کی آگ کی طرح پھیل گئیں کہ دونوں شادی کرنے جا رہے ہیں۔
.
ذریعہ: Express News
کلیدی لفظ: ا ر جے مہوش نے کے ساتھ کہا کہ
پڑھیں:
زینب نے شوہر فیروز خان کے بچوں کیساتھ دل موہ لینے والی ریل شیئر کر دی
فیروز خان کی اہلیہ ڈاکٹر زینب فیروز نے شوہر کے بچوں سلطان اور فاطمہ کے ساتھ دل موہ لینے والی ریل شیئر کر دی۔
پاکستان کے معروف اداکار فیروز خان کی اہلیہ ڈاکٹر زینب فیروز سوشل میڈیا پر خاصی مقبول ہو رہی ہیں، انہوں نے عید الفطر کے موقع پر اپنے شوہر کے بچوں کے ساتھ ایک پیاری سی انسٹاگرام ریل شیئر کر کے مداحوں کے دل جیت لیے۔
ڈاکٹر زینب پیشے کے لحاظ سے ماہرِ نفسیات ہیں، جون 2024ء میں فیروز خان کے ساتھ رشتۂ ازدواج میں منسلک ہوئیں۔
شادی کے بعد وہ نا صرف فیروز کے خاندان کا حصہ بنیں بلکہ سوشل میڈیا پر بھی ایک مثبت اور دلکش شخصیت کے طور پر ابھریں۔
فیروز خان کی پہلی شادی علیزہ سلطان سے ہوئی تھی، اگرچہ علیزہ اور فیروز کی شادی زیادہ دیر قائم نہ رہ سکی، مگر فیروز اپنے بچوں کے ساتھ قریبی تعلق رکھتے ہیں، ان کا بڑا بیٹا سلطان خان اب اپنے والد اور سوتیلی والدہ زینب کے ساتھ رہتا ہے۔
عید کے خاص دن زینب فیروز نے ایک دلکش ٹرانزیشن ریل انسٹاگرام پر شیئر کی، جس میں انہوں نے سلطان اور فاطمہ کے ساتھ خوبصورت لمحات کو قید کیا۔
ریل میں دکھایا گیا ہے کہ کس طرح انہوں نے بچوں کو عید کے لیے تیار کیا، فاطمہ کو گلابی رنگ کے خوبصورت لباس میں ملبوس دکھایا گیا جبکہ سلطان بھی روایتی انداز میں نظر آئے۔
ریل میں بچوں کی خوشی اور زینب کے ساتھ ان کا خوش گوار تعلق صاف دکھائی دے رہا ہے۔
مداحوں نے اس ریل کو بے حد پسند کیا اور کمنٹس میں زینب کے بچوں سے محبت بھرے سلوک کی تعریف کی ہے۔
فیروز خان کی بہن دعا ملک نے بھی پوسٹ پر محبت بھرے ایموجیز کے ساتھ تبصرہ کیا ہے اور زینب کے بچوں کے ساتھ خوبصورت بانڈ کو سراہا ہے۔
Post Views: 1
کراچی کے مختلف علاقوں میں زلزلے کے جھٹکے