برطانوی تعمیراتی ادارے کا لاہور میں طالبات کی رہائش کیلئے لونا پروجیکٹ پیش
اشاعت کی تاریخ: 3rd, April 2025 GMT
فوٹو: فائل
پاکستان میں متعدد لگژری منصوبے مکمل کرنے والے برطانوی تعمیراتی ادارے ون ہومز نے لاہور میں طالبات کی رہائش کےلیے تمام بنیادی سہولتوں سے آراستہ لونا پروجیکٹ پیش کیا ہے۔
اس حوالے سے لندن میں پریس کانفرنس کرتے ہوئے ون ہومز کے چیف کمرشل آفیسر عاقب حسن کا کہنا تھا کہ ہمارا مستقبل تعلیم سے وابستہ ہے اور یہ منصوبہ خواتین کو محفوظ اور آرام دہ رہائش مہیا کرے گا اور یونیورسٹیز ڈسٹرکٹ پر رائے ونڈ روڈ پر جہاں لونا پروجیکٹ تعمیر کیا جارہا ہے وہاں اطراف میں 12 بڑی یونیورسٹیز ہیں جہاں ایک لاکھ طلبہ زیر تعلیم ہیں اور ان میں نصف طالبات ہیں۔
عاقب حسن نے کہا کہ اس منصوبے کے ذریعے اوورسیز پاکستانیوں کو اپنے وطن میں محفوظ سرمایہ کاری کرنے کا موقع بھی ملے گا، اس منصوبے کو اختتام ہفتہ پر لندن میں فروخت کےلیے پیش کیا جارہا ہے جس کے بعد برطانیہ کے مختلف شہروں کے علاوہ دنیا کے متعدد ممالک میں بھی اس حوالے سے ایونٹس منعقد ہوں گے۔
ایک سوال کے جواب میں انہوں نے کہا کہ یہ منصوبہ 2029 میں مکمل ہوگا اور اس وقت طلبہ رہائش کیلئے جو کرایہ دے رہے ہیں اس کا کرایہ اس سے بھی سستا ہوگا۔
انہوں نے کہا کہ اوورسیز پاکستانیوں کی طرف سے سرمایہ کاری کی غرض سے خریدے جانے والے یونٹس کو کرائے پر دیا جائے گا اور اس ضمن میں مکمل مینجمنٹ بھی فراہم کی جائے گی۔
انکا کہنا تھا کہ بکنگ 7 ہزار پاؤنڈ سے شروع ہوگی اور دو بیڈ رومز کے فلیٹ کی قیمت 30 ہزار پاؤنڈ ہوگی جسے تین برس کی اقساط میں ادا کیا جاسکے گا۔
انہوں نے کہا کہ لونا میں وہ تمام سہولتیں دستیاب ہوں گی جو آکسفورڈ اور کیمبرج یونیورسٹیز کے طلبہ کو دستیاب ہیں، عمارت کے ہر تیسرے فلور پر لائبریری ہوگی اور طالبات کچن اور سماجی سرگرمیوں کیلئے جگہ کو شیئر کرسکیں گی۔ عمارت میں سی سی ٹی وی کے علاوہ اپنی سیکیورٹی ہوگی اور بائیومیٹرک انٹری اور ایگزٹ ہوگا۔
بلڈنگ میں تمام عملہ بھی خواتین پر مشتمل ہوگا، لونا پروجیکٹ کا ڈیزائن تیار کرنے والی کمپنی والٹرز اینڈ کوہن آرکیٹیکٹس کے نمائندوں سنڈے والٹرز اور جیوانی بونفٹی نے کہا کہ یہ ہمارا پاکستان میں پہلا منصوبہ ہے جسے ہم پاکستان میں اپنی مقامی ٹیم کے ہمراہ مکمل کریں گے۔
انکا کہنا ہے کہ یہ منصوبہ خواتین کو محفوظ رہائش کے لیے بہترین سہولتیں مہیا کرے گا اور خاص طور پر دیہی اور دور دراز سے تعلیم کیلئے لاہور آنے والی طالبات کو بہترین اور محفوظ رہائش کی سہولت ملے گی اور اس کی بلڈنگ لاہور کے خوبصورت تاریخی ورثہ میں اضافے کا سبب بنے گی۔
.ذریعہ: Jang News
کلیدی لفظ: لونا پروجیکٹ نے کہا کہ گی اور گا اور
پڑھیں:
لاہور، جماعت اسلامی کا ’’یکجہتی غزہ مارچ‘‘ 11 اپریل کو مال روڈ پر ہوگا
یکجہتی غزہ مارچ جمعتہ المبارک کو شام 4 بجے اسٹیٹ بنک سے شروع ہوگا اور چئیرنگ کراس تک آئے گا۔ انکا کہنا تھا کہ مارچ میں ہزاروں کی تعداد میں مرد و خواتین اور بچے شرکت کریں گے۔ امیرجماعت اسلامی لاہور کا کہنا تھا کہ یکجہتی غزہ مارچ کی قیادت امیرجماعت اسلامی پاکستان حافظ نعیم الرحمن کریں گے۔ اسلام ٹائمز۔ جماعت اسلامی لاہور کے امیر ضیاءالدین انصاری کی زیرصدارت 11 اپریل کو مال روڈ پر ہونیوالے ’’یکجہتی غزہ مارچ ‘‘کی تیاریوں کا جائزہ لینے کیلئے اجلاس منعقد کیا گیا۔ ضیاءالدین انصاری ایڈووکیٹ نے انچارج پروگرام غزہ مارچ عبدالعزیز عابد سے تیاریوں کے حوالے سے بریفنگ لی۔ امیر جماعت اسلامی لاہور نے ذمہ داران کو ڈور ٹو ڈور عوام تک یکجہتی غزہ مارچ کی دعوت پہنچانے کی ہدایات دیں۔ اجلاس میں نائب امیر جماعت اسلامی لاہور خالد احمد بٹ، وقاص احمد بٹ، جبران بٹ، مرزا شعیب یعقوب، مغیث شاہد قریشی، محمد شفیق ملک، عبدالعزیز شگری، محمد وقاص ظفر سمیت غزہ مارچ کی معاون کمیٹیوں کے انچارچز نے شرکت کی۔
ضیاءالدین انصاری کا کہنا تھا کہ اہل لاہور 11 اپریل کو مظلوم فلسطینیوں کیساتھ بھرپور اظہاریکجہتی کیلئے غزہ مارچ میں اپنی فیملی کیساتھ شرکت کریں، جبکہ یکجہتی غزہ مارچ جمعتہ المبارک کو شام 4 بجے اسٹیٹ بنک سے شروع ہوگا اور چئیرنگ کراس تک آئے گا۔ انکا کہنا تھا کہ مارچ میں ہزاروں کی تعداد میں مرد و خواتین اور بچے شرکت کریں گے۔ امیرجماعت اسلامی لاہور کا کہنا تھا کہ یکجہتی غزہ مارچ کی قیادت امیرجماعت اسلامی پاکستان حافظ نعیم الرحمن کریں گے۔
کابل کے سقوط کے بعد کالعدم ٹی ٹی پی کس طرح ایک بڑا سیکیورٹی خطرہ بن گئی