زینت امان کا امیتابھ کیساتھ ’سمندر میں نہا کر‘ کی شوٹنگ سے متعلق حیران کن انکشاف
اشاعت کی تاریخ: 3rd, April 2025 GMT
بولڈ لباس اور سین کے لیے مشہور ماضی کی بے باک ہیروئن زینت امان نے امیتابھ بچن کے ساتھ کچھ یادیں انسٹاگرام پوسٹ میں تازہ کی ہیں۔
زینت امان ان دنوں فلم انڈسٹری سے دور ایک خوشگوار اور خوشحال زندگی گزار رہی ہیں تاہم وہ مداحوں کے ساتھ سوشل میڈیا کے ذریعے رابطے میں رہتی ہیں۔
اپنی سوشل میڈیا پوسٹوں کے ذریعے زینت امان نہ صرف ماضی کی یادوں کو تازہ کرتی رہتی ہیں بلکہ آف دا سین وہ باتیں بھی بتاتی ہیں جو اب تک منظرعام پر نہیں آسکی تھیں۔
اپنی ایک تازہ پوسٹ میں اداکارہ زینت امان نے فلم پکار کے مشہور زمانہ نغمے "سمندر میں نہا کے" شیئر کیا جس میں ان کے ساتھ امیتابھ بچن ہیں۔ اداکارہ نے اس شوٹنگ سے متعلق اہم انکشافات بھی کیے۔
اداکارہ زینت امان نے بتایا کہ امیتابھ بچن کو " قُلی" کے سیٹ پر شوٹنگ کے دوران چوٹ لگ گئی تھی اور زندگی و موت کی جنگ لڑ رہے تھے۔
زینت امان نے بتایا کہ پوری قوم امیتابھ بچن کے لیے دعاگو تھی۔ صحت یابی کے بعد امیتابھ بچن نے جو پہلا فلمی سین ریکارڈ کروایا وہ یہی گانا تھا۔
اداکارہ زینت امان نے بتایا کہ جب اس شوٹنگ کی خبر مداحوں کو ملی تو سب بہت پُرجوش تھے۔ کسی کی خوشی کا ٹھکانہ نہیں تھا۔
View this post on InstagramA post shared by Zeenat Aman (@thezeenataman)
فلم پکار کے نغمے ’’سمندر میں نہا کے‘‘ کی شوٹنگ گووا کے ایک پُرسکون ساحل پر ہوئی تھی جس میں زینت امان جل پری کا کردار ادا کر رہی تھیں۔
زینت امان نے پوسٹ میں لکھا کہ گانے کی شوٹنگ میں مجھے زیادہ پیچیدہ رقص یا نغمے کے بول پر لب نہیں ہلانے پڑے تھے بلکہ ہدایت کار نے صرف خوبصورت دکھائی دینے کا کہا تھا۔
اداکارہ زینت امان نے بتایا کہ وہ تیراکی نہیں جانتی تھیں لہذا شوٹنگ کے دوران کئی بار سمندری پانی نگلنا پڑا اور کئی بار وہ لہروں میں گر بھی گئی تھیں۔
.
ذریعہ: Express News
کلیدی لفظ: اداکارہ زینت امان امیتابھ بچن نے بتایا کہ
پڑھیں:
’بشریٰ انصاری کو نہیں جانتا‘، ڈکی بھائی کی اداکارہ پر جوابی تنقید
پاکستانی یوٹیوبر سعد الرحمٰن جو ڈکی بھائی کے نام سے مشہور ہیں ان کا کہنا ہے کہ وہ اداکارہ بشریٰ انصاری کو نہیں جانتے۔
ڈکی بھائی نے حال ہی میں ایک پوڈکاسٹ میں شرکت کی جس میں انہوں نے مختلف موضوعات پر کھل کر بات کی۔
دوران شو میزبان نے ڈکی بھائی کو بشریٰ انصاری کا کلپ سنوایا جس میں انہوں نے یوٹیوبرز کو آڑے ہاتھوں لیتے ہوئے کہا تھا کہ یہ پتہ نہیں کون سی مخلوق ہیں۔ یہ کلپ سننے کے بعد ڈکی بھائی کا کہنا تھا کہ میں بشریٰ انصاری کو نہیں جانتا، مجھے ان کے بس چہرے سے معلوم ہے کہ یہ اداکارہ ہیں۔
ڈکی بھائی کا کہنا تھا کہ اداکار صرف احساسِ کمتری کا شکار ہیں، دنیا ٹی وی سے باہر آ چکی ہے آپ کسی کے بارے میں یہ نہیں کہہ سکتے کہ اس کو کیوں دیکھا جا رہا ہے۔
یوٹیوبر کا کہنا تھا کہ ’مجھے تو ان لوگوں کی بھی سمجھ نہیں آتی جو 20 سال سے ایک جیسے ڈرامے دیکھے جا رہے ہیں تو کیا اب میں ان کو گالیاں دینا شروع کر دوں اور یہ کہوں کہ ان میں عقل ہی نہیں ہے یہ بہت بری بات ہے‘۔
انہوں نے مزید کہا کہ ’ٹی وی والے تمام لوگ ڈیڈ ہیں اور احساسِ کمتری کا شکار ہیں۔ یہ لوگ کچھ بھی نہیں کرتے، اگر میں یہ بات کہہ دوں تو ان کو برا لگے گا۔ ڈکی بھائی نے کہا کہ آپ کو روزانہ گھر سے گاڑی لینے آتی ہے، میک اپ کوئی اور کرتا ہے، اسکرپٹ کوئی اور لکھتا ہے آپ صرف ڈائریکٹر کے اشاروں پر ناچ رہے ہو‘۔
یہ بھی پڑھیں: ’یہ کونسی مخلوق ہیں؟‘، اداکارہ بشریٰ انصاری بھی ڈیلی وی لاگرز کے خلاف بول پڑیں
انہوں نے کہا کہ ایسا نہیں ہوتا کہ یہ کون لوگ ہیں ان کو کیوں دیکھا جا رہا ہے اور کون لوگ ان کو دیکھ رہے ہیں۔ ڈکی بھائی کا کہنا تھا کہ ’مجھے سمجھ نہیں آتی کہ ٹی وی فنکاروں کے ڈرامے دیکھنے والے کون ہیں، ٹی وی کا دور ختم ہو چکا ہے۔ مجھے تو آپ کی بھی سمجھ نہیں آتی ساس بہو کے ڈرامے چل رہے ہیں اس کے علاوہ کچھ نہیں ہے‘۔
ڈکی بھائی کا کہنا تھا ٹی وی ڈیڈ وہ چکا ہے لوگ اب سوشل میڈیا پر آ رہے ہیں آپ بھی سوشل میڈیا پر آجائیں آپ کو کسی نے روکا نہیں ہے۔ انہوں نے ہانیہ عامر کی مثال دیتے ہوئے کہا کہ وہ بروقت سوشل میڈیا پر آئیں اور لوگ ان کو دیکھتے ہیں ان کی سوشل میڈیا کی آڈینس ہے۔
واضح رہے کہ اداکارہ بشریٰ انصاری نے حال ہی میں ایک نجی ٹی وی کی رمضان ٹرانسمیشن میں شرکت کی تھی جہاں انہوں نے یوٹیوبرز کے حوالے سے گفتگو کرتے ہوئے کہا تھا کہ یہ پتا نہیں کون سی مخلوق ہیں جو کروڑوں اربوں روپے کمارہے ہیں۔ ہم ایک الگ دنیا کے لوگ ہیں۔
یہ بھی پڑھیں: ’فہد مصطفیٰ کون ہیں‘، فیملی وی لاگنگ کی مخالفت پر رجب بٹ کی اداکار پر تنقید
بشریٰ انصاری کا کہنا تھا کہ وہ ایک دو یو ٹیوبرز کو ڈھونڈ رہی تھیں لیکن انہیں معلوم نہیں تھا کہ ان یوٹیوبرز کو کہاں دیکھیں، اداکارہ نے بتایا کہ وہ یو ٹیوبرز کا کانٹینٹ دیکھ کر حیران ہوتی ہیں، انہیں تو بات بھی نہیں کرنی آتی۔ اور یوٹیوبرز سے زیادہ وہ انہیں دیکھنے والوں پر حیران ہوتی ہیں۔
اس سے قبل پروڈیوسر و اداکار فہد مصفطیٰ نے بھی ایک شو میں یو ٹیوبرز پر تنقید کرتے ہوئے کہا تھا کہ ان کے پاس کانٹینٹ نہیں ہے بلکہ سب اپنے خاندان ہی کو یو ٹیوب پر بیچ رہے ہیں۔ حتیٰ کہ لوگ قبرستان تک کو نہیں چھوڑتے اور قبر پر جا کر لوگوں سے دعاؤں کی اپیل کرتے ہیں۔ انہوں نے کہا تھا کہ وہ یو ٹیوب پر اپنا گھر اور اپنا آپ نہیں بیچ سکتے۔
فہد مصفطیٰ کی تنقید پر یو ٹیوبر رجب بٹ نے انہیں آڑے ہاتھوں لیتے ہوئے کہا کہ فہد مصطفیٰ ایک سینئر کے ساتھ بیٹھ کر یہ بات کہہ رہے تھے کہ وہ اپنی فیملی فروخت نہیں کرسکتے۔ انہوں نے تنقید کرتے ہوئے کہا کہ کہ آپ لوگوں کی فیملی فروخت کر سکتے ہیں۔ یوٹیوبر نے کہا کہ ڈراموں میں کام کیسے ملتا ہے یہ بات کسی سے چھپی ہوئی نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بشریٰ انصاری پاکستانی ڈرامے ڈکی بھائی رجب بٹ فہد مصطفی وی لاگنگ یو ٹیوبرز
قلات میں کالعدم بی ایل اے کی سفاکیت کا نشانہ بننے والے مزدوروں کے لواحقین کا سخت مطالبہ سامنے آگیا