اگر آپ سوشل میڈیا پر بہت زیادہ وقت گزارنے کے عادی ہیں تو یہ عادت ذہنی صحت کے لیے تباہ کن ثابت ہوسکتی ہے۔

سوشل میڈیا سے ذہنی وابستگی سے جوان افراد میں ڈپریشن اور انزائٹی جیسے عام دماغی امراض سے متاثر ہونے کا خطرہ بڑھ جاتا ہے۔یہ بات امریکا میں ہونے والی ایک طبی تحقیق میں سامنے آئی۔یونیورسٹی آف ٹیکساس ساؤتھ ویسٹرن میڈیکل سینٹر کی تحقیق میں ڈپریشن کے شکار 40 فیصد جوان افراد نے سوشل میڈیا کے بہت زیادہ استعمال رپورٹ کیا۔

ان افراد کے مطابق جب وہ سوشل میڈیا استعمال نہیں کرتے تو دنیا سے کٹ جانے، مایوسی یا پریشانی جیسے احساسات کا سامنا ہوتا ہے۔ان نوجوانوں کی جانب سے اسکرینوں کے سامنے زیادہ وقت گزارنے کو بھی رپورٹ کیا گیا جبکہ ڈپریشن کی زیادہ علامات، انزائٹی اور خودکشی کے بارے میں سوچنے جیسے مسائل کو بھی رپورٹ کیا۔محققین نے بتایا کہ کافی عرصے سے یہ خیال ظاہر کیا جا رہا تھا کہ سوشل میڈیا کا بہت زیادہ استعمال جوان افراد کی ذہنی صحت کو متاثر کرتا ہے اور اس کے باعث ہی ان میں خودکشی کے خیالات کی شرح بڑھ رہی ہے مگر اب تک اس کی وجہ کو مکمل طور پر سمجھا نہیں جاسکا تھا۔اس تحقیق میں 8 سے 20 سال کی عمرکے ایسے 489 مریضوں کو شامل کیا گیا تھا جن کا ڈپریشن یا خودکشی سے متعلق رویوں کا علاج ہو رہا تھا۔

محققین نے بتایا کہ یہ کہنا تو مشکل ہے کہ سوشل میڈیا کو کتنے وقت تک استعمال کرنا مناسب ہے کیونکہ ہر فرد مختلف ہوتا ہے مگر ہم نے دیکھا ہے کہ اکثر افراد میں یہ عادت اس وقت مسئلہ بن جاتی ہے جب وہ لت کی شکل اختیار کرلیتی ہے۔انہوں نے مزید بتایا کہ جب سوشل میڈیا کے استعمال کے باعث روزمرہ کے کام اور سرگرمیاں متاثر ہونے لگے تو اس کا مطلب ہے کہ یہ عادت مسائل کا باعث بن سکتی ہے۔

.

ذریعہ: Daily Ausaf

کلیدی لفظ: سوشل میڈیا

پڑھیں:

صدر مملکت سے متعلق سوشل میڈیا پر نازیبا پوسٹ کرنے پر پولیس افسر کیخلاف مقدمہ درج

صدر مملکت سے متعلق سوشل میڈیا پر نازیبا پوسٹ کرنے پر پولیس افسر کے خلاف مقدمہ درج کر لیا گیا۔پولیس حکام کے مطابق پولیس افسر کے خلاف مقدمہ پیکا ایکٹ کے تحت سکھن تھانے کے ڈیوٹی افسر یعقوب کی مدعیت میں درج کیا گیا۔حکام کا کہنا ہے کہ پولیس نے ایس آئی او ابرار شاہ کو گرفتار کر لیا، صدر مملکت کے خلاف پوسٹ کرنے والا افسر ایس آئی او ابراہیم حیدری میں تعینات ہے۔مقدمے کے متن کے مطابق ایس آئی او ابرار شاہ نے 2 اپریل کو سوشل میڈیا پر نازیبا الفاظ پوسٹ کئے، ابرار شاہ کی پوسٹ سے میری اور دیگر شہریوں کی دل آزاری ہوئی۔

متعلقہ مضامین

  • صدر مملکت سے متعلق سوشل میڈیا پر نازیبا پوسٹ کرنے پر پولیس افسر کیخلاف مقدمہ درج
  • کراچی: صدر مملکت کیخلاف نازیبا پوسٹ پر پولیس افسر گرفتار
  • کیا سوشل میڈیا الگورتھمز ہماری دنیا محدود کر رہے ہیں؟
  • چیٹ جی پی ٹی صارفین کیلئے کیا مشکلات پیدا کر رہا ہے؟
  • ایبٹ آباد،سوشل میڈیا پر اسلحہ کی نمائش کرنے والا ملزم گرفتار
  • 2025 کیلئے فوربز کی امیر ترین افراد کی فہرست جاری، سب سے زیادہ دولتمند کون قرار پایا؟جانیں
  • ویزا دینے سے پہلے امریکا درخواست دہندگان کا سوشل میڈیا اکاؤنٹس بھی چیک کرے گا
  • ٹک ٹاکر مناہل ملک کی ایک اور نازیبا ویڈیو لیک
  • کس کی گرفتاری ہونے والی ہے؟ پیغام جاری کردیا