بجلی نرخ میں کمی کے بعد اب گھریلو، کمرشل اور انڈسٹریل صارفین کے بلز کس شرح سے آئیں؟
اشاعت کی تاریخ: 3rd, April 2025 GMT
وزیراعظم پاکستان شہباز شریف کے اعلان کے بعد اوسط ٹیرف میں 7 روپے 41 پیسے فی یونٹ کمی کی گئی ہے، جس کے نتیجے میں قومی اوسط ٹیرف 37 روپے 64 پیسے مقرر ہو گیا ہے۔
یہ بھی پڑھیں:بجلی نرخ اور مہنگائی میں کمی نے اسٹاک ایکسچینج کو تگڑا کردیا
ایسے میں سوال یہ کہ فی یونٹ بجلی کے نرخ میں کمی کے اعلان کے بعد گھریلو، کمرشل، صنعتی اور جنرل سروسز کے صارفین کو نمایاں کس شرح سے فائدہ پہنچے گا۔
گھریلو صارفین کے لیے ریلیفمیڈیا رپورٹ کے مطابق گھریلو صارفین کو اس پیکیج سے بڑی سہولت ملے گی، تاہم 50 یونٹ تک استعمال کرنے والے لائف لائن صارفین کا بل 239 روپے اور 51 سے 100 یونٹ والوں کا بل 937 روپے برقرار رہے گا۔
ایک سے 100 یونٹ استعمال کرنے والے نان پروٹیکٹڈ صارفین کا بل 1467 روپے سے کم ہو کر 852 روپے ہو گیا۔ جب کہ200 یونٹ استعمال کرنے والوں کا بل 3530 روپے سے کم ہو کر 2302 روپے، 300 یونٹ والوں کا 12 ہزار 378 روپے سے 10 ہزار 209 روپے، اور 400 یونٹ سے زائد استعمال کرنے والوں کا بل 22 ہزار 280 روپے سے کم ہو کر 19 ہزار 384 روپے ہو گیا۔
یہ بھی پڑھیں:وزیراعظم محمد شہباز شریف نے بجلی کی قیمتوں میں 7 روپے 41 پیسے فی یونٹ کمی کا اعلان کردیا
کمرشل صارفین کے لیے فائدہرپورٹ کے مطابق کمرشل صارفین کے لیے فی یونٹ قیمت میں 8 روپے 58 پیسے کی کمی کی گئی ہے جس کے بعد نرخ 71 روپے 6 پیسے سے کم ہو کر 62 روپے 47 پیسے فی یونٹ ہو گیا۔ ایک ہزار یونٹ استعمال کرنے والے کمرشل صارفین کا بل اب 71 ہزار روپے کے بجائے 62 ہزار 470 روپے آئے گا۔
میڈیا رپورٹ کے مطابق صنعتی صارفین کے لیے بجلی کی قیمت میں 7 روپے 69 پیسے فی یونٹ کمی کے بعد نرخ 40 روپے 51 پیسے فی یونٹ مقرر ہوا۔ 12 یونٹس استعمال کرنے والے صنعتی صارفین کا بل 57 ہزار 828 روپے سے کم ہو کر 48 ہزار 612 روپے ہو گیا۔
رپورٹ کے مطابق جنرل سروسز کے لیے بجلی کی قیمت میں 7 روپے 18 پیسے کی کمی کی گئی جس کے بعد فی یونٹ قیمت 49 روپے 48 پیسے ہو گئی۔ 15 سو یونٹس استعمال کرنے والوں کا بل 84 ہزار 990 روپے سے کم ہو کر 72 ہزار 735 روپے ہو گا۔زرعی صارفین کے لیے 1600 یونٹس کا بل 66 ہزار 816 روپے سے کم ہو کر 55 ہزار 328 روپے کر دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بجلی بل ٹیرف پاکستان صنعتی صارفین کمرشل صارفین گھریلو صارفین.ذریعہ: WE News
کلیدی لفظ: بجلی بل ٹیرف پاکستان صنعتی صارفین کمرشل صارفین گھریلو صارفین استعمال کرنے والے روپے سے کم ہو کر رپورٹ کے مطابق صارفین کے لیے کمرشل صارفین صنعتی صارفین صارفین کا بل پیسے فی یونٹ والوں کا بل میں 7 روپے روپے ہو ہو گیا کے بعد
پڑھیں:
بجلی کی قیمت میں کمی کے اعلان کے بعد نئے نرخ کیا ہوں گے؟ تفصیلات سامنے آگئیں
اسلام آباد(نیوز ڈیسک)وزیراعظم شہباز شریف کی جانب سے بجلی قیمتوں میں بڑے ریلیف اعلان کے بعد مختلف کیٹگریز کے صارفین کے لیے موجودہ ریٹس اور نئی قیمتوں کا تعین کر دیا گیا، قومی سطح پر مجموعی ٹیرف 45 روپے 5 پیسے سے کم کر اوسطاً فی یونٹ 37 روپے 64 پیسے مقرر کیا گیا ہے جبکہ مختلف کیٹیگریز کے لیے قیمتوں میں 6 روپے 14 پیسے سے 8 روپے 58 پیسے تک کی کمی کی گئی ہے۔
تفصیلات کے مطابق وزیراعظم شہباز شریف کی جانب سے بجلی کی قیمتوں میں کمی کے اعلان کے بعد نیا ٹیرف کیا ہوگا؟ بجلی کے نئے نرخ کیا ہوں گے؟ تفصیلات سامنے آگئیں۔
وزیراعظم اعظم شہباز شریف کی جانب سے بجلی کی قیمتوں میں بڑے ریلیف کے اعلان کے بعد مختلف کیٹیگریز کے لیے نئی قیمتوں کا تعین کر دیا گیا، مجموعی طور پر 6 روپے 14 پیسے 8 روپے 58 پیسے تک کی کمی جبکہ اوسطاً ٹیرف 7 روپے 41 پیسے کم کر دیا گیا۔
سرکاری دستاویز کے مطابق 50 یونٹ تک والے لائف لائن صارفین کے لیے بجلی نرخ فی یونٹ 4 روپے 78 پیسے اور 51 سے 100 یونٹ والے لائف لائن صارفین کے لیے فی یونٹ قیمت 9 روپے37 پیسے برقرار رہیں گے جبکہ ایک سے 100 یونٹ والے پروٹیکٹیڈ صارفین کے لیے فی یونٹ قیمت میں 6 روپے 14 پیسے کمی، نرخ 14 روپے 67 پیسے سے کم کر کے 8 روپے 52 پیسے فی یونٹ مقرر کردیے گئے، 101 سے 200 یونٹ والے صارفین کے لیے بجلی 6 روپے 14 پیسے سستی ہوگئی، نرخ 17 روپے 65 پیسے سے کم کرکے11 روپے 51 پیسے فی یونٹ مقرر کر دیے گئے۔
دستاویز کے مطابق 300 یونٹ تک کے نان پروٹیکیڈ صارفین کے لیے بجلی 7 روپے 24 پیسے فی یونٹ سستی اور نرخ 41 روپے 26 پیسے سے کم کرکے 34 روپے 3 پیسے فی یونٹ مقرر کئے گئے ہیں، نان پروٹیکیڈ 300 یونٹ سے زائد والے صارفین کے لیے نرخ 55 روپے 70 پیسے سے کم کرکے 48 روپے 46 پیسے مقرر جبکہ اس کیٹگری کے صارفین کے لیے بجلی فی یونٹ 7 روپے 24 پیسے سستی کی گئی ہے۔
دستاویز کے مطابق ڈومیسٹک صارفین کے لیے بجلی کی فی یونٹ قیمت میں 6 روپے71 پیسے کی کمی جبکہ فی یونٹ قیمت 38 روپے 34 پیسے سے کم کرکے 31 روپے 63 پیسے فی یونٹ مقرر کی گئی ہے۔
اسی طرح سے کمرشل صارفین کے لیے بجلی کی فی یونٹ قیمت 8 روپے 58 پیسے فی یونٹ سستی کردی گئی، نرخ 71 روپے 6 پیسے سے کم کرکے 62 روپے47 پیسے مقرر کئے گئے ہیں، جنرل سروسز کیٹگری کے صارفین کے لیے بجلی نرخوں میں 7 روپے 18 پیسے فی یونٹ کمی جبکہ نرخ 56 روپے 66 پیسے سے کم کرکے 49 روپے 48 پیسے مقرر کیے گئے ہیں۔
وزیر اعظم شہباز شریف کے ریلیف اعلان کے بعد صنعتوں کے لیے بجلی کی فی یونٹ قیمت میں 7 روپے 69 فی یونٹ کی کمی کر دی گئی جبکہ انڈسٹری کے لیے بجلی کی فی یونٹ قیمت 48 روپے 19 پیسے سے کم کرکے 40 روپے 51 پیسے مقرر کی گئی ہے۔
بلک کیٹگری کے صارفین کے لیے بجلی کی فی یونٹ قیمت 7 روپے 18 پیسے کم کردی گئی، فی یونٹ قیمت 55 روپے 5 پیسے سے کم کرکے 47 روپے 87 پیسے مقرر کی گئی ہے۔
زرعی صارفین کے لیے بجلی فی یونٹ 7 روپے 18 پیسے سستی کردی گئی، زرعی صارفین کے لیے فی یونٹ قیمت 41 روپے 76 پیسے سے کم کرکے 34 روپے 58 پیسے مقرر کی گئی ہے۔
دستاویز کے مطابق وزیراعظم اعلان کے بعد آزاد کشمیر اور دیگر کے لیے بجلی کی فی یونٹ قیمت میں 6 روپے 99 پیسے کی کمی کی گئی جبکہ اس دیگر کیٹگری کے صارفین کے لیے نرخ 39 روپے 68 پیسے سے کم کرکے 32 روپے 69 پیسے فی یونٹ مقرر کیے گئے جبکہ قومی سطح پر مجموعی اوسطاً ٹیرف 7 روپے 41 پیسے فی یونٹ کم اور قومی سطح پر ہی مجموعی ٹیرف 45 روپے 5 پیسے سے کم کرکے اوسطاً 37 روپے 64 پیسے فی یونٹ مقرر کئے گئے ہیں۔
لاہور: بارات آنے سے چند گھنٹے پہلے دلہن کو گولی مار کر قتل کردیا گیا
پاک بھارت جنگ کی صورت میں امریکا پاکستان کا ساتھ دے گا، 17فیصد پاکستانیوں کی توقع