کراچی: کورنگی کریک میں گیس پاکٹ دریافت
اشاعت کی تاریخ: 3rd, April 2025 GMT
کراچی:
ٹی پی ایل پراپرٹیز نے اعلان کیا ہے کہ کراچی کے علاقے کورنگی کریک میں پانی کی تلاش کے لیے ٹیسٹ ویل کی کھدائی کے دوران گیس پاکٹ دریافت کرلیا ہے۔
ٹی پی ایل پراپرٹیز نے پاکستان اسٹاک ایکسچینج (پی ایس ایکس) کو لکھے گئے نوٹس میں کہا ہے کہ ابتدائی تکنیکی جائزوں کے ساتھ ساتھ صنعت کے ماہرین کی جانب سے ظاہر کردہ آزادانہ خیالات کی بنیاد پر یہ اشارہ ملتا ہے کہ یہ گیس کم بائیوجینک میتھین ہو سکتی ہے، جو قدرتی طور پر نامیاتی مادے کے سڑنے کے نتیجے میں پیدا ہونے والی گیس ہے۔
کمپنی کا کہنا تھا کہ چونکہ یہ علاقہ قدرتی گیس کے ذخائر کا حصہ نہیں ہے اس لیے وقت گزرنے کے ساتھ ساتھ گیس کی یہ پاکٹ قدرتی طور پر ختم ہونے کا امکان ہے بشرطیکہ آگ کو جلنے دیا جائے۔
مزید بتایا گیا کہ حالیہ ٹیسٹ معروف قومی اور بین الاقوامی مشاورتی اداروں کے تعاون سے کیے جانے والے وسیع مطالعات کے سلسلے کا حصہ تھا، جس میں جیو ٹیکنیکل اسٹڈیز، مٹی کی ساخت اور آلودگی کے ٹیسٹ، الیکٹریکل ریسسٹیویٹی (ای آر) سروے، ایک جامع ماحولیاتی اور سماجی اثرات کی تشخیص (ای ایس آئی اے) اور دیگر بیس لائن مطالعات شامل ہیں۔
پی ایس ایکس کو آگاہ کیا گیا ہے کہ 28 مارچ 2025 کی رات کو یہ واقعہ پیش آیا اور اس کے بعد کمپنی نے صورت حال پر قابو پانے کے لیے تمام ضروری اقدامات کیے ہیں اور متعلقہ اسٹیک ہولڈرز کو بھی مطلع کیا۔
.ذریعہ: Express News
پڑھیں:
کراچی: پولیس اہلکار کو ملزمان کے تعاقب کے دوران دکان میں چھپنے پر معطل کردیا گیا
کراچی کے علاقے کورنگی میں پولیس اہلکار کو ملزمان کے تعاقب کے دوران دکان میں چھپنے پر معطل کردیا گیا جبکہ محکمانہ کارروائی کا بھی آغاز کردیا گیا ہے۔ واقعے کی سی سی ٹی وی ویڈیو منظر عام پر آگئی ہے۔
کورنگی انڈسٹریل ایریا میں ڈاکوؤں کی پولیس پر فائرنگ کی سی سی ٹی وی ویڈیو جیو نیوز نے حاصل کر لی، ویڈیو میں گودام کے باہر موٹرسائیکل سوار دو ڈاکوؤں کو دیکھا جا سکتا ہے۔
کراچی: اہم ادارے کے افسران سمیت عام شہریوں کو اغواء کرنیوالے جعلی پولیس اہلکار گرفتارملزمان میں سے ایک خود کو پولیس افسر دوسرا پولیس اہلکار ظاہر کرتا تھا۔
واقعہ 31 مارچ کو کورنگی صنعتی ایریا میں پیش آیا جہاں دو ملزمان کا پولیس اہلکار تعاقب کر رہے تھے۔ اس دوران ملزمان نے فائرنگ کردی تو ایک پولیس اہلکار بھاگ کر قریبی دکان میں رکھے ایک ڈرم میں چھپ گیا۔
واقعے کے بعد اعلیٰ پولیس حکام نے دونوں اہلکاروں کو معطل کرکے ان کے خلاف محکمانہ کارروائی کا آغاز کردیا ہے۔
حکام کا کہنا ہے کہ اہلکار کا طرز عمل انتہائی غیر ذمے دارانہ اور غیر پیشہ ورانہ تھا۔ انکوائری رپورٹ کی روشنی میں اگر ضرورت محسوس کی گئی تو دونوں کے خلاف مقدمہ بھی درج کیا جاسکتا ہے۔
پاک بھارت جنگ کی صورت میں امریکا پاکستان کا ساتھ دے گا، 17فیصد پاکستانیوں کی توقع