وفاقی وزیر توانائی نے بجلی کی مد میں مزید ریلیف کی خوشخبری سنا دی
اشاعت کی تاریخ: 3rd, April 2025 GMT
اسلام آباد:وزیر توانائی اویس لغاری نے بجلی کی مد میں مزید ریلیف دینے کی خوشخبری سنا دی۔
نجی ٹی وی سے گفتگو کرتے ہوئے اویس لغاری کا کہنا تھا کہ چینی پلانٹس سمیت 68 پلانٹس کے ساتھ بات چیت آج بھی جاری ہے اورچائنیز کے ساتھ ڈیٹ ری پروفائلنگ پر بھی کام ہو رہا ہے جبکہ ونڈ ، سولر اور حکومت کے کچھ پلانٹس سے بھی گفتگو ہو رہی ہے اور جب ان کے ساتھ معاہدوں پر نظرثانی مکمل ہوجائے گی تو جو فائدہ ہوگا اسے عوام تک پہنچائیں گے۔
وزیر توانائی نے کہا کہ ہمارا فرض ہے کہ ذمہ داری سے آگے چلیں، ہمارا فرض ہے جو بوجھ اُٹھا سکتے ہیں اُٹھائیں ، اپنا گھر خود ٹھیک کریں، ریلیف دینے کیلئے ہمارے پاس مالی وسائل نہیں ہیں، وزیراعظم کی قیادت میں ایک سال میں اصلاحات شروع کیں، ہم نے آئی پی پیز کے ساتھ معاہدوں پر نظرثانی شروع کی، ہماری آج بھی کئی آئی پی پیز کے ساتھ معاہدوں پر نظرثانی جاری ہے، معاہدوں پر نظرثانی سے بجلی کی قیمت میں 7 روپے 41 پیسے کمی ہوئی۔
اویس لغاری کا کہنا تھا کہ معاہدوں پر نظرثانی کرنا آسان ہے ، اصل بات اعتماد کی ہے اور اصل بات ہے کہ بجلی سستی کرنے کاعمل جاری رہے گا یا نہیں، ہمارے اصلاحاتی عمل سے عالمی پارٹنرز کو اعتماد ملا، پاور ڈویژن میں اصلاحات سے آئی ایم ایف کو قائل کر سکے۔
انہوں نے کہا کہ ہم بینکوں کے ساتھ ایک معاہدے کے قریب ہیں، آئی پی پیز کے ساتھ لیٹ پیمنٹ چارجز میں ہمیں کئی سو ارب کی بچت ہوئی، ہم نے عوام پر سے بجلی کی قیمتوں کا بوجھ ہٹا کر دکھایا، ہم آئی پی پیز سے مہنگی بجلی خریدتے تھے جس کا بوجھ عوام پرپڑا، ہم تمام اسٹیک ہولڈرز کے ساتھ اگلے ہفتے سے بات چیت شروع کریں گے۔
ذریعہ: Daily Mumtaz
کلیدی لفظ: معاہدوں پر نظرثانی ا ئی پی پیز بجلی کی کے ساتھ
پڑھیں:
مفتاح اسماعیل کا شہباز حکومت پر 17 ارب کے ڈاکے کا الزام
میڈیا سے گفتگو میں مفتاح اسماعیل نے کہا کہ جو لوگ عوام کے ووٹ سے نہیں آئے وہ عوام کو ریلیف کیوں دیں گے، کینالز بنانے کے منصوبے کو مؤخر کر دیں۔ اسلام ٹائمز۔ سابق وفاقی وزیر خزانہ اور عوام پاکستان پارٹی کے رہنما مفتاح اسماعیل نے شہباز حکومت پر پر پیٹرولیم مد میں17 ارب کے ڈاکے کا الزام لگا دیا۔ کراچی میں پارٹی کی عید ملن پر میڈیا سے گفتگو میں مفتاح اسماعیل نے کہا کہ وفاقی حکومت نے پیٹرولیم کی مد میں عوام کی جیب پر 17 ارب روپے کا ڈاکا ڈالا۔ انہوں نے کہا کہ جو لوگ عوام کے ووٹ سے نہیں آئے وہ عوام کو ریلیف کیوں دیں گے، کینالز بنانے کے منصوبے کو مؤخر کر دیں۔ سابق وفاقی وزیر خزانہ نے یہ بھی کہا کہ وزراء نے اپنی تنخواہوں میں 186 فیصد اضافہ کیا ہے، پنجاب اور ارکان قومی اسمبلی نے اپنی تنخواہیں میں 900 فیصد اضافہ کیا ہے۔ اُن کا کہنا تھا کہ اللہ سے دعا ہے کہ عام پاکستانی کی تنخواہوں میں بھی اضافہ ہو، حکومت اپنے آپ کو مراعات دیتی رہتی ہے، کچھ ہوش کے ناخن لے اور لوگوں کو بھی مراعات دے۔
مفتاح اسماعیل نے کہا کہ عوام کو بجلی اور گیس کے بلوں میں ریلیف دیا جائے، حکومت آج ٹیکس لگانے کی بات کرتی ہے اور کل ریلیف دینے کی بات کرتی ہے۔ انہوں نے کہا کہ حکومت نے پیٹرولیم کی مد میں عوام کی جیب پر 17 ارب کا ڈاکا ڈالا، ٹیکس لگایا،17 ارب روپے ہم نے ٹیکس دیا ہے اور مزید دیتے رہیں گے، بجلی پر ریلیف کا کہا تھا وہ ابھی تک نہیں ملا۔ سابق وفاقی وزیر خزانہ نے کہا کہ ہم اس حکومت سے امید ہی کر سکتے ہیں، توقع نہیں کر سکتے ہیں۔ ان کا کہنا تھا کہ سندھ حکومت کو شرم آنی چاہیے کہ کراچی میں سینکڑوں افراد ٹینکر کی ٹکر سے مر گئے ہیں، اچھی اور ذمہ دار حکومت ہو تو ٹینکر اور ڈمپر کا مسئلہ 3 دن میں حل ہو سکتا ہے۔ مفتاح اسماعیل نے کہا کہ ملک کی بدنصیبی ہے کہ پیپلز پارٹی سندھ میں 16 سال سے حکومت کر رہی ہے، دیگر سہولیات نہیں دے سکتی نہ دے، مگر ڈمپر سے لوگوں کو بچائے۔
پاک بھارت جنگ کی صورت میں امریکا پاکستان کا ساتھ دے گا، 17فیصد پاکستانیوں کی توقع