’میں چنے دے کر پاس ہواہوں‘ وزیراعظم کے مزاح پرہال میں قہقے
اشاعت کی تاریخ: 3rd, April 2025 GMT
اسلام آباد: ’’میں چنے دے کر پاس ہواہوں‘‘وزیراعظم شہبازشریف کے مزاح پرہال میں قہقے لگ گئے۔وزیراعظم کی طرف سے بجلی ریلیف پیکج کے اعلان کے موقع پر جب وہ آئی پی پیز کے ساتھ کامیاب مذاکرات کے نتیجے میں قومی خزانے کو ہونے والی بچت کاذکرکررہے تھے تو اس دوران تقریب میں موجود چیئرمین ایف بی آرراشدلنگڑیال نے سرہلایاجس پر وزیراعظم نے انہیں مخاطب کرتے ہوئے استفسارکیاکہ میں غلط اعدادوشماربتارہوں ،غلطی ہوسکتی ہے انسان خطاکاپتلاہے،انہوں نے کہاکہ دوہزارارب دوکھرب ہی بنتاہے یاتو میں چنے دے کر پاس ہواہوں، جس پر ہال میں قہقے لگے بعدازاں وزیراعظم نے اسی تناظر میں کہا’’ حتیٰ کہ راناثناء اللہ بھی مسکرادیئے ہیں‘‘جس پر ہال میں ایک بارپھرزوردارقہقے لگے اور وزیراعظم خود بھی مسکرادیئے۔
ذریعہ: Daily Mumtaz
پڑھیں:
بجلی کی قیمتوں میں کمی کے اعلان پر تاجر برادری میں خوشی کی لہر
اسلام آباد: وزیراعظم شہباز شریف نے ملک میں بجلی کی قیمتوں میں کمی کا اعلان کردیا، جس پر یونائیٹڈ بزنس گروپ (یو بی جی) کے سرپرست اعلیٰ ایس ایم تنویر کو کہنا ہے کہ حکومت کے اس اقدام سے صنعتی سرگرمیوں کو فروغ ملے گا۔ ایس ایم تنویر نے اس فیصلے کو خوش آئند قرار دیتے ہوئے کہا کہ اس سے صنعت و کاروبار میں تیزی آئے گی۔
اسلام آباد میں صدرایف پی سی سی آئی نے ایف پی سی سی آئی کے عہدیداران کے ہمراہ نیوز کانفرنس کرتے ہوئے کہا کہ بجلی کی قیمتوں میں کمی کا خیرمقدم کرتے ہیں، ہمارا فرض ہے معاشی استحکام کیلئے کام کریں، وزیراعظم کے اعلان پر تاجروں کو آگے آنا چاہئے۔
عاطف اکرام شیخ نے کہا کہ ہمیں پیداواربڑھانے کیلئے کام کرنا ہوگا، پیداواری لاگت میں کمی سے برآمدات میں اضافہ ممکن ہے، بجلی کے نرخوں میں مزید کمی کی گنجائش موجود ہے، ملک اچھی سمت میں جا رہا ہے۔
پیٹرن ان چیف ایف پی سی سی آئی ایس ایم تنویر نے کہا کہ آرمی چیف کا شکریہ ادا کرتا ہوں، ڈسکوز کی نجکاری سے 600 ارب کی چوری رکے گی، جنکوز کی فروخت سے 9 ارب روپے قومی خزانے میں ملے، حکومت نے بند جنکوز کو فروخت کیا، ہم نے ثابت کر دیا آئی پی پیز کے ساتھ معاہدے غلط تھے۔
اس سے قبل فیڈریشن آف پاکستان چیمبرز آف کامرز اینڈ انڈسٹری (ایف پی سی سی آئی) قیادت کو مبارکباد دیتے ہوئے ایس ایم تنویر نے کہا کہ حکومت ملک میں صنعت اور کاروبار کو بحال کرنے میں سنجیدہ ہے اور انہوں نے اس بات کا بھی ذکر کیا کہ ڈاکٹر گوہر اعجاز نے یو بی جی اور ایف پی سی آئی سے مل کر آئی پی پیز کا مسئلہ اٹھایا۔
ایس ایم تنویر نے مزید کہا کہ ملک میں روزگار کے مواقع پیدا کرنے کی اشد ضرورت ہے اور وزیر خزانہ نے یو بی جی کے وفد کو بجلی کے نرخ کم ہونے کی نوید دی تھی۔ انہوں نے گزشتہ دس ماہ سے تواتر سے بجلی کی قیمتوں میں کمی کی وکالت کی اور کہا کہ یو بی جی بزنس یونٹی کی خدمت کا مشن جاری رکھے گی۔
ایس ایم تنویر نے اپنے عزم کا اظہار کیا کہ انشاء اللہ ہم بینکوں کی شرح سود کو بھی سنگل ڈیجٹ کرائیں گے۔
لاہور چیمبر نے وزیراعظم کے بجلی کی قیمتوں میں کمی کے فیصلے کا خیرمقدم کیا۔
صدر لاہور چیمبر میاں ابوذر شاد نے کہا کہ یہ دیرینہ مطالبہ تھا جس کی تکمیل کاروباری طبقے کے لیے خوش آئند ہے۔ میاں ابوذر شاد نے کہا کہ اس فیصلے سے برآمدات اور پیداواری صلاحیت میں اضافہ ہوگا اور نائب صدر شاہد نذیر چودھری نے کہا کہ اس سے مہنگائی میں کمی آئے گی۔
لاہور چیمبر کے رہنماؤں نے کہا کہ حکومت کے کاروبار دوست اقدامات معیشت کی بحالی کے لیے کلیدی ہیں اور وزیراعظم کا یہ اقدام معیشت کی بحالی کی جانب اہم قدم ہے۔ سینئر نائب صدر انجینئر خالد عثمان نے بھی اس فیصلے کو سراہا اور کہا کہ اس سے صنعتی ترقی کو تقویت ملے گی۔
پاکستان بزنس فورم کے خواجہ محبوب نے بیان میں کہا کہ وزیراعظم کے اعلان کردہ بجلی کمی پیکچ کو سراہتے ہیں، مثبت شروعات کی طرف وزیراعظم کا اہم قدم ہے، اس اقدام سےزراعت اورانڈسٹری کو کسی حدتک ریلیف ملے گا۔
خواجہ محبوب نے کہا کہ بزنس کمیونٹی 12روپے یونٹ کمی کی منتظر تھی، امید کرتے ہیں کچھ ماہ بعد بجلی کے نرخ میں کمی کی مزید خوشخبری ملے گی، بجلی بلوں سےغیر ضروری سرچارجز کو بھی ختم کیا جائے، برآمدات کو بڑھانے کے لیے روپیہ کو بھی تگڑا کرنے کی ضرورت ہے۔
پانچواں ٹی20؛ نیوزی لینڈ کیخلاف پاکستان کی پہلی وکٹ جلد گر گئی