گنڈاپورمذاکرات کیلئےبانی پی ٹی آئی کونہیں اسٹیبلشمنٹ کوقائل کریں،عرفان صدیقی
اشاعت کی تاریخ: 3rd, April 2025 GMT
اسلام آباد:مسلم لیگ ن کے سینئر رہنما اورسینیٹ میں پارلیمانی پارٹی کے سربراہ سینیٹرعرفان صدیقی نے کہاہے کہ وزیراعلیٰ خیبرپختونخواعلی امین گنڈاپور اڈیالہ جیل کی لمبی لمبی ملاقاتوں میں بانی پی ٹی آئی کو اسٹیبلشمنٹ سے مذاکرات پر قائل کرنے کی بجائے انہیں قائل کریں جن سے بات چیت کرناچاہتے ہیں۔نجی ٹی وی سے گفتگو کرتے ہوئے عرفان صدیقی نے کہاکہ عمران خان تو گزشتہ ڈیڑھ سال سے چھت پر کھڑے ہوکر اسٹیبلشمنٹ کو آوازیں دے رہے ہیں کہ خداکے لئے میری بات سن لو لیکن ادھرسے ایک ہی جواب آرہاہے کہ سیاست دان ،سیاستدانوں سے بات کریں،اس طرح کے بیانات کاکوئی تعلق اسٹیبلشمنٹ سے ہے نہ حکومت سے،یہ سب کچھ پی ٹی آئی کی اندرونی کھینچاتانی کا شاخسانہ ہے،جس کی بھی اڈیالہ جیل تک رسائی ہوتی ہے وہ اپنی اہمیت بنانے کے لئے کوئی نیاشوشہ چھوڑدیتاہے۔عرفان صدیقی نے کہاکہ پی ٹی آئی کی اندرونی لڑائیاں شدت اختیارکرگئی ہیں،کسی کو نہ تو بانی سے ہمدردی ہے اور نہ ہی پارٹی سے،ہرایک اپناذاتی ایجنڈالئے پھرتاہے۔انہوں نے کہاکہ اس وقت پی ٹی آئی کے معاملات ایک بڑے سرکس کاتماشابن چکے ہیں۔انہوں نے کہاکہ پہلے سے قائل بانی پی ٹی آئی کو قائل کرنے والی بات مضحکہ خیزہے،علی امین گنڈاپورانہیں قائل کریں جن سے بات چیت کا راستہ تلاش کرنے کےلئے بانی پی ٹی آئی گزشتہ ڈیڑھ سال سے جتن کررہے ہیں۔
Post Views: 1.ذریعہ: Daily Mumtaz
کلیدی لفظ: بانی پی ٹی ا ئی نے کہاکہ
پڑھیں:
عمران خان سے جیل میں علی امین اور بیرسٹرسیف کی ملاقات، اندرونی کہانی سامنے آ گئی
سابق وزاعظم و پاکستان تحریک انصاف کے بانی عمران خان سے اڈیالہ جیل میں صوبہ خیبرپختونخوا کے وزیراعلیٰ علی امین گنڈاپور اور ان کے مشیر برائے اطلاعات بیرسٹرسیف نے ملاقات کی۔
علی امین گنڈاپور اور بیرسٹرسیف کی بانی پی ٹی آئی سے ملاقات ڈھائی گھنٹے جاری رہی جس میں سیاسی صورتحال اور پارٹی امورپر گفتگو ہوئی۔
علی امین گنڈا پور کی ڈیڑھ ماہ سے زائد عرصے کے بعد بانی پی ٹی آئی سے ملاقات ہوئی ہے۔
دوسری جانب اڈیالا جیل کے اطراف سکیورٹی سخت اور اضافی نفری بھی تعینات ہے۔خیال رہے کہ گزشتہ روز بھی پی ٹی آئی رہنماؤں نے عمران خان سے جیل میں ملاقات کی تھی۔
فرحان ملک دوسرے کیس میں ریمانڈ پر ایف آئی اے کے حوالے