پشین، تحریک تحفظ آئین کیجانب سے جلسہ عام کا انعقاد
اشاعت کی تاریخ: 3rd, April 2025 GMT
جلسہ عام میں تحریک تحفظ آئین کی اتحادی جماعتوں کے رہنماؤں اور کارکنوں نے شرکت کی اور اپنے مطالبات پیش کئے۔ اسلام ٹائمز۔ تحریک تحفظ آئین پاکستان کی جانب سے بلوچستان کے ضلع پشین میں جلسہ عام کا انعقاد کیا گیا۔ جس میں مجلس وحدت مسلمین کے سربراہ سینیٹر علامہ راجہ ناصر عباس جعفری، پشتونخواں ملی عوامی پارٹی کے سربراہ محمود خان اچکزئی، نواب ایاز جوگیزئی، پاکستان تحریک انصاف کے مرکزی رہنماء برسٹر سلمان اکرم راجہ، لطیف کھوسہ، سنی اتحاد کونسل کے سربراہ صاحبزادہ حامد رضا اور مذکورہ اتحادی جماعتوں کے صوبائی رہنماؤں نے شرکت کیں۔ تحریک تحفظ آئین کے ترجمان اخونزادہ حسین یوسفزئی نے بتایا کہ یہ جلسہ تحریک تحفظ آئین کے شیڈول کے حساب سے اپنے احتجاجی تحریک کا پہلا جلسہ تھا۔ یہ جلسہ اپوزیشن تحریک کی سیاسی حکمت عملی میں نیا سنگ میل ہے۔ اب ہمیں اسے ملک کے وسیع تر عوامی حلقوں تک پہنچانا ہے۔
ترجمان نے بتایا کہ ہمارے مطالبات یہ ہیں کہ ہم آئین کی بالادستی چاہتے ہیں۔ خودمختار پارلیمان کا قیام حقیقی عوامی جمہوریت، چھوٹے صوبوں کی یکساں نمائندگی، ان کے وسائل پر ان کا اختیار اور موثر اور توانا وفاق چاہتے ہیں۔ آٹھ فروری 2024 کا الیکشن پاکستان تحریک انصاف جیت چکی ہے اور موجودہ سیٹ اپ جعلی ہے۔ اس لئے آزاد اور غیر جانبدار الیکشن کمیشن کے تحت نئے عام انتخابات منعقد کئے جائیں۔ خیبر پختونخواہ میں دہشتگردی کے نام پر نئے آپریشنز اور بلوچستان میں قتل و غارت گری ہمیں منظور نہیں ہیں۔ تمام سیاسی قیدیوں بشمول پاکستان تحریک انصاف کے ورکرز اور عمران خان سمیت ماہرنگ بلوچ، علی وزیر اور بلوچ یکجہتی کمیٹی کے اور دوسرے ساتھیوں کی رہائی ہمیں مطلوب ہے۔ انہوں نے کہا کہ ہم فوج کے مخالف نہیں، بلکہ ان کے سیاسی کردار کے مخالف ہیں اور انتخابات میں ان کی سیاسی انجینئرنگ کا خاتمہ ہمیں مقصود ہے۔
ذریعہ: Islam Times
کلیدی لفظ: تحریک تحفظ آئین
پڑھیں:
ماہرنگ بلوچ ہماری قوم کی بیٹی ہے، کوئی بھی غیرت مند معاشرہ اپنی بیٹیوں کیساتھ ایسا سلوک برداشت نہیں کرتا، علامہ راجہ ناصر عباس
چئیرمین ایم ڈبلیو ایم نے سردار اختر مینگل کی زیر قیادت لکپاس کے مقام پر جاری احتجاجی دھرنے سے خطاب کرتے ہوئے کہا کہ دنیا میں ہمیشہ دو طبقے رہے ہیں ایک ظالم اور دوسرا مظلوم۔ ہم ہر مظلوم کے حامی اور ہر ظالم کے خلاف ہیں۔ اسلام ٹائمز۔ مجلس وحدت مسلمین پاکستان کے چیئرمین سینیٹر علامہ راجہ ناصر عباس جعفری نے بلوچستان نیشنل پارٹی کے سربراہ سردار اختر مینگل کی زیر قیادت لکپاس کے مقام پر جاری احتجاجی دھرنے سے خطاب کرتے ہوئے کہا کہ دنیا میں ہمیشہ دو طبقے رہے ہیں ایک ظالم اور دوسرا مظلوم۔ ہم ہر مظلوم کے حامی اور ہر ظالم کے خلاف ہیں۔ مولا علی علیہ السلام کا فرمان ہے کہ ہمیشہ ظالم کے خلاف کھڑے ہو اور مظلوم کے مددگار بنو۔ آج جب دنیا کے تمام ظالم ایک ہو چکے ہیں، تو ہمیں بھی چاہیے کہ ہم سب مظلوم متحد ہوں اور اپنی جدوجہد کو منظم کریں۔ میں آپ کے سامنے ہوں، میرے کئی ساتھی اور دوست گزشتہ دس سال سے لاپتہ ہیں۔ اس لاقانونیت اور ظلم کے خلاف ہمیں مل کر آواز بلند کرنی ہوگی۔ پنجاب سمیت پاکستان بھر کے عوام اپنے بلوچ بھائیوں کے ساتھ کھڑے ہیں اور ان کے دکھ درد کو محسوس کرتے ہیں۔ بلوچستان کے عوام غیرت مند، باشعور اور بہادر ہیں، اور وہ اپنے حقوق کے لیے پرامن جدوجہد کر رہے ہیں۔ بدقسمتی سے ہم پر ایسے عناصر کو مسلط کر دیا گیا ہے جو ظلم و جبر کے ذریعے عوام کے حقوق سلب کر رہے ہیں۔ ان بے بصیرت کرپٹ وطن دشمن حکمرانوں نے ماضی کے سانحات، خصوصاً مشرقی پاکستان کے المیے سے کوئی سبق نہیں سیکھا۔
ان کا مزید کہنا تھا کہ ماہ رنگ بلوچ ہماری قوم کی بیٹی ہے، اور کوئی بھی غیرت مند معاشرہ اپنی بیٹیوں کے ساتھ ایسا سلوک برداشت نہیں کرتا۔ اسلام آباد میں بلوچ بیٹیوں کے ساتھ جو ظلم ہوا، ہم نے اس وقت بھی اس کی مذمت کی، دھرنے میں جا کر ان کے ساتھ اظہارِ یکجہتی کیا اور ان کے سروں پر چادر رکھی۔ ہم آپ کے درد کو محسوس کرتے ہیں، کیونکہ اس وقت پورے پاکستان کے عوام ظلم کا شکار ہیں۔ اب وقت آ چکا ہے کہ وطن عزیز کی بقا کے لیے ہم سب مظلوم ایک ہو جائیں اور ان وطن دشمنوں کا مقابلہ کریں۔ بلوچستان کی ہماری مائیں، بہنیں اور بیٹیاں پورے پاکستان کے لیے ایک مثال ہیں۔ ہمیں اپنے حقوق کے لیے گھروں سے نکلنا ہوگا، ورنہ یہ ظالم باقی ماندہ پاکستان کو بھی برباد کر دیں گے۔ ہمیں اپنے ملک کو بچانا ہے اور ان ظالموں کو روکنا ہے۔ اور اے ظالمو! سن لو، جب کسی تحریک میں خواتین شامل ہو جائیں، تو اسے دنیا کی کوئی طاقت شکست نہیں دے سکتی۔ ہمیں متحد رہنا ہے، کیونکہ بلوچستان پاکستان کا سب سے بڑا صوبہ ہے اور اس کے عوام کا اس پر سب سے زیادہ حق ہے۔ ان شاء اللہ تحریکِ تحفظِ آئینِ پاکستان ان ظالموں کو روکے گی اور وطن عزیز کو امن و انصاف کا گہوارہ بنائے گی۔
فرحان ملک پر ایف آئی اے کا دوسرا کیس کیا ہے؟