کرکٹر ایم ایس دھونی، مودی کی بی جے پی میں شامل ہوگئے؛ حقیقت کیا ہے؟
اشاعت کی تاریخ: 3rd, April 2025 GMT
بھارت کو ورلڈ کپ جتوانے والے کپتان کرکٹر مہندر سنگھ دھونی سے متعلق یہ خبریں گردش کررہی ہیں کہ انھوں نے بھارت کی حکمراں جماعت بی جے پی جوائن کرلی ہے۔
دھونی کی ایک تصویر سوشل میڈیا پر وائرل ہورہی ہے جس میں انھیں بھارتی وزیراعظم نریندر مودی کے ساتھ کنول کے نشان کے ساتھ زعفرانی اسکارف پہنے ہوئے دیکھا جاسکتا ہے۔
کرکٹر اور وزیراعظم کی اس وائرل تصویر کے ساتھ صارفین یہ دعویٰ کررہے ہیں کہ کرکٹر بی جے پی میں شامل ہوگئے ہیں۔ مبینہ تصویر کے پس منظر میں بھگوا پارٹی کا بینر بھی نظر آرہا ہے۔
متعدد فیس بک صارفین نے بھی وزیراعظم مودی کے ساتھ کرکٹر کی مبینہ تصویر شیئر کرتے ہوئے کیپشن لکھا ہے کہ ’’ایم ایس دھونی بی جے پی میں شامل ہوگئے ہیں۔‘‘
کیا یہ حقیقت ہے؟ یا دھونی کی یہ تصویر کسی خاص موقع پر لی گئی ہے۔
فیکٹ چیک کے دوران یہ بات سامنے آئی ہے کہ کسی بھی سرچ انجن میں ’’ایم ایس دھونی‘‘ اور ’’بی جے پی‘‘ کے مطلوبہ الفاظ کی تلاش سے ایسی کوئی معتبر رپورٹ نہیں ملی جس میں کہا گیا ہو کہ کرکٹر نے مذکورہ پارٹی میں شمولیت اختیار کرلی ہے۔ مزید یہ کہ، ہمیں ایسی کوئی معتبر رپورٹ بھی نہیں ملی جس سے پتہ چلتا ہو کہ پی ایم مودی نے حال ہی میں دھونی سے ملاقات کی ہے۔
گوگل لینس پر وائرل امیج کو چیک کرنے پر بھی علم ہوتا ہے کہ وزیراعظم مودی کے ساتھ ایم ایس دھونی کی مبینہ تصویر والی کوئی بھی خبر شائع نہیں ہوئی۔
وائرل تصویر کا بغور جائزہ لینے پر صارفین دیکھ سکتے ہیں کہ وزیراعظم کا چشمہ پوری طرح سے نہیں بنا ہوا بلکہ ان کے چہرے کے ساتھ مل جاتا ہے۔ اس کے علاوہ، زعفرانی اسکارف پر کنول کی علامت کا ایک حصہ بھی دیکھا جاسکتا ہے جسے غیر معمولی طور پر وزیراعظم کے کندھے پر رکھا گیا ہے۔
تصویر کے دھندلے پس منظر اور دیگر خصوصیات بھی اس جانب اشارہ کررہی ہیں اس تصویر کو ممکنہ طور پر آرٹیفیشل انٹیلی جنس کا استعمال کرتے ہوئے بنایا گیا ہے۔
وائرل امیج کو متعدد AI ڈیٹیکشن پلیٹ فارمز پر چیک کرنے کے بعد اس تصویر کے ڈیپ فیک ہونے کا 83 فیصد امکان پایا گیا۔
نتیجہ
تمام تر چیکنگ کے بعد فیکٹ چیک کی ٹیم اس نتیجے پر پہنچی ہے کہ وائرل تصویر جس میں مبینہ طور پر دعویٰ کیا گیا ہے کہ دھونی بی جے پی میں شامل ہوئے ہیں اور پی ایم مودی کے ساتھ تصویر کھنچوائی گئی ہے وہ آرٹی فیشل انٹیلی جنس سے تیار کی گئی ایک ڈیپ فیک تصویر ہے۔
.ذریعہ: Express News
کلیدی لفظ: بی جے پی میں ایم ایس دھونی مودی کے ساتھ تصویر کے
پڑھیں:
غزہ کی جنگ نے دینی طبقے کی حقیقت بے نقاب کر دی، علامہ جواد نقوی
تحریک بیداری امت مصطفیٰ کے سربراہ کا اجتماع سے خطاب میں کہنا تھا کہ بے حسی، کمزوری و خیانت عالمی طاقتوں کو بے خوف کر رہی ہے، اوباش امریکی صدر ایران کو معاہدے پر مجبور کرنے کیلئے دھمکیاں دے رہا ہے، امام حسینؑ کا کردار امت کو ظلم کے خلاف قیام کی تحریک دیتا ہے۔ اسلام ٹائمز۔ تحریک بیداری امت مصطفیٰ کے سربراہ علامہ سید جواد نقوی نے اپنے خطاب میں کہا کہ قرآن مجید نے بنی اسرائیل کے مذہبی طبقے کی حقیقت کو بے نقاب کیا تھا، اور آج کے مسلمانوں کا حال بھی اس سے مختلف نہیں، کیونکہ یہ بھی دین کا صرف ظاہری لبادہ اوڑھے ہوئے ہیں، دین میں جعلسازی کرتے ہیں، اس کی اصل حقیقت کو چھپاتے ہیں اور دنیاوی مفادات کے بدلے اسے بیچ ڈالتے ہیں۔ یہ بھی دین کے احکام کو اپنی من گھڑت آرزوؤں اور قیاسات کے مطابق پیش کرتے ہیں، اور باوجود اس کے کہ انہیں یہ گمان ہے کہ جہنم کی آگ کبھی انہیں نہیں چھوئے گی۔
انہوں نے مزید کہا کہ آج غزہ کی جنگ نے مسلمان دینداروں کی حقیقت کو بے نقاب کر دیا ہے۔ اس بحران نے یہ واضح کر دیا ہے کہ مسلمان عوام اور علماء اپنی دینداری کے بارے میں خوش فہمی کا شکار ہیں، حالانکہ غزہ میں جاری مظالم کیخلاف نہ تو کوئی مؤثر قدم اٹھایا گیا ہے اور نہ ہی ظلم کیخلاف کوئی آواز بلند کی گئی ہے۔ یہی خیانت، بے حسی اور لاتعلقی ہے جس نے ظالموں کو جرات دی ہے، اور یہی کمزوری و خیانت عالمی طاقتوں اور اوباش امریکی صدر کو مزید بے خوف کر رہی ہے، جو ایران کو معاہدے پر مجبور کرنے کیلئے بمباری اور حملے کی دھمکیاں دے رہا ہے۔ انہوں نے کہا کہ جب تک امت میں امام حسینؑ کی طرح ظلم کیخلاف قیام کا جذبہ بیدار نہیں ہوتا، وہ ظالموں کے سامنے ڈٹ کر نہیں کھڑی ہو سکتی۔
عورت، خلا اور خواب