لاہور: بارات والے دن 23 سالہ لڑکی کو سر میں گولی مار کر قتل کردیا گیا
اشاعت کی تاریخ: 3rd, April 2025 GMT
پنجاب کے دارالحکومت لاہور میں بارات والے دن 23 سالہ لڑکی کو سر میں گولی مار کر قتل کردیا گیا۔
ایدھی ترجمان کی جانب سے جاری بیان کے مطابق سندر موہلنوال عزیز کالونی میں فائرنگ سے لڑکی جاں بحق ہوگئی، نامعلوم افراد نے 23 سالہ لڑکی کو سر میں گولی مار کر قتل کیا۔
ایدھی ترجمان نے کہا کہ مقتولہ کی شناخت 23 سالہ عائشہ دختر حبیب کے نام سے ہوئی، عائشہ کی آج شادی طے تھی اور بارات کا دن تھا۔
پولیس اور فرانزک ٹیم نے شواہد اکٹھے کر کے مختلف پہلوؤں پر تحقیقات کا اغاز کر دیا۔
ایدھی ترجمان نے کہا کہ پولیس اور تحقیقاتی اداروں کی کاروائی کے بعد ایدھی ایمبولینس کے ذریعے لاش مردہ خانہ منتقل کردیا گیا۔
.ذریعہ: Express News
پڑھیں:
عید کے دن نئے کپڑے پہننے والے معصوم بچے اسرائیلی حملوں میں شہید، تصاویر نے دل دہلا دیئے
غزہ: فلسطین میں عیدالفطر کے دنوں بھی اسرائیلی حملے جاری رہے، جس کے نتیجے میں کئی معصوم بچے شہید ہوگئے۔ یہ بچے نئے کپڑے پہن کر عید منانے کے لیے تیار بیٹھے تھے کہ ان پر بمباری کی گئی۔
خبر رساں ادارے ایسوسی ایٹڈ پریس (اے پی) نے عید کے کپڑوں میں ملبوس شہید بچوں کی تصاویر جاری کیں، جنہیں دیکھ کر ہر آنکھ اشکبار ہوگئی۔
View this post on InstagramA post shared by AJ+ (@ajplus)
شہید ہونے والے زیادہ تر بچے 10 سال سے کم عمر کے تھے، جو والدین اور بہن بھائیوں کے ساتھ عید کی خوشیاں منانے کی تیاری کر رہے تھے۔
ان شہداء میں 10 سالہ دانا ابو سلطان بھی شامل ہیں، جو اپنی سات سالہ بہن حبیبا، چار سالہ بھائی حسن اور دیگر اہل خانہ کے ساتھ شہید ہو گئیں۔ تصاویر میں دانا کو عید کے نئے کپڑوں اور ہاتھوں میں چوڑیاں پہنے دیکھا جا سکتا ہے۔
اقوام متحدہ کے ادارہ برائے اطفال (یونیسیف) کے مطابق گزشتہ 10 دنوں میں اسرائیلی حملوں کے نتیجے میں 322 بچے شہید اور 609 زخمی ہو چکے ہیں۔ فلسطینی عوام نے حملوں کے سائے میں عید نماز ادا کی، جبکہ اسرائیلی فوج کی بمباری عید کے دوسرے دن بھی جاری رہی۔
ایف بی آئی کے ایجنٹ کے قتل میں ملوث ہونے کا الزام، امریکا کی تین ایرانی عہدیداروں پر پابندی