کراچی؛ گاڑیاں چھیننے میں حاضر سروس پولیس اہلکاروں کے ملوث ہونے کا ایک اور واقعہ
اشاعت کی تاریخ: 3rd, April 2025 GMT
کراچی:
شہر قائد میں گاڑیوں کی چھینا جھپٹی کی وارداتوں میں حاضر سروس پولیس اہلکاروں کے ملوث ہونے کا تیسرا واقعہ بھی سامنے آگیا۔
اے وی ایل سی پولیس نے ملیر کینٹ تھانے میں تعینات سب انسپکٹر کو گرفتار کر کے مسروقہ کار برآمد کرلی ۔ گرفتار پولیس افسر اپنے بیٹے کے سولنگی کار لفٹنگ گینگ کو تحفظ فراہم کرتا تھا جب کہ اس سے قبل بھی گاڑیوں کی چوری میں ملوث 2 پولیس اہلکار اینٹی وہیکل لفٹنگ سیل پولیس کے ہاتھوں گرفتار ہو چکے ہیں۔
اینٹی وہیکل لفٹنگ سیل پولیس نے ملیر کینٹ تھانے میں تعینات سب انسپکٹر محمد عرس سولنگی کو گرفتار کر کے شارع فیصل تھانے کی حدود سے چوری کی گئی مسروقہ کار برآمد کرلی ۔
ترجمان اے وی ایل سی پولیس کی جانب سے جاری اعلامیے کے مطابق گزشتہ ماہ 30 مارچ کو اے وی ایل سی بلدیہ ڈویژن پولیس نے بدنام زمانہ بین الصوبائی کار سنیچر سولنگی گینگ کے 2 کارندوں قاسم عرف عامر اور شعیب عرف ایس کے کو مقابلے کے دوران زخمی حالت میں گرفتار کیا تھا، اس دوران سولنگی گینگ کا سرغنہ دانش سولنگی عرف میر دیگر 2 ساتھیوں نور خان اور فخر سمیت موقع سے فرار ہوگیا تھا ۔
پولیس نے ملزمان کے قبضے سے 27 مارچ کو فیروز آباد کے علاقے سے چھینی گئی ٹیوٹا کورولا کار اور اسلحہ برآمد کیا تھا ۔ برآمد کی گئی گاڑی ملزمان نے شہید ملت روڈ پر صبح سوا 8 بجے چھینی تھی اور اس دوران ملزمان نے کار میں سوار فیملی کو انتہائی بے دردی سے گھسیٹ کر اتارا تھا ۔
کار میں سوار فیملی نے اسلحہ بردار ملزمان کو دیکھ کر خوفزدہ ہو کر کار کے دروازے اور شیشے لاک کر لیے تھے اور ملزمان سے معافی کے ساتھ ساتھ واردات نہ کرنے کی التجائیں بھی کی تھیں۔
ترجمان کے مطابق مقابلے میں زخمی حالت میں گرفتار ملزمان سے تفتیش کے دوران انکشاف ہوا کہ سولنگی گینگ کا سرغنہ ایک سابق فوجی اہلکار دانش سولنگی عرف میر ہے جو کہ ایک پولیس کے سب انسپکٹر کا بیٹا ہے جب کہ یہ گینگ ایک درجن سے زائد ملزمان پر مشتمل ہے۔
پولیس نے ملزمان کے اس انکشاف پر ملیر کینٹ تھانے میں تعینات پولیس افسر سب انسپکٹر محمد عرس سولنگی کو گرفتار کر کے شارع فیصل تھانے سے چوری کی گئی کار برآمد کرلی۔
واضح رہے کہ اس قبل بھی اے وی ایل سی پولیس کار چوری میں ملوث 2 پولیس اہلکاروں کو گرفتار کرچکی ہے۔
.ذریعہ: Express News
کلیدی لفظ: کو گرفتار کر سب انسپکٹر پولیس نے
پڑھیں:
کراچی: اہم ادارے کے افسران سمیت عام شہریوں کو اغواء کرنیوالے جعلی پولیس اہلکار گرفتار
کراچی کے علاقے گلشن اقبال میں پولیس نے خفیہ اطلاع پر کارروائی کرتے ہوئے شارٹ ٹرم کڈنیپنگ میں ملوث دو جعلی پولیس اہلکار گرفتار کرلیے۔
ملزمان نے سول ایوی ایشن ملازم، پولیس اہلکار اور اہم ادارے کے دو افسران سمیت عام شہریوں کو بھی اغوا کیا۔
گلشن اقبال بلاک 4 مسکن سگنل کے قریب پولیس نے خفیہ اطلاع پر کارروائی کرتے ہوئے شارٹ ٹرم کڈنیپنگ میں ملوث 2 ملزمان کو گرفتار کرلیا، ملزمان میں سے ایک خود کو پولیس افسر دوسرا پولیس اہلکار ظاہر کرتا تھا۔
جعلی پولیس افسر کی شناخت بلاول خلجی اور جعلی اہلکار کی شناخت وقاص کے ناموں سے ہوئی ہے، ملزمان نے سول ایوی ایشن ملازم، پولیس اہلکار اور اہم ادارے کے دو افسران سمیت عام شہریوں کو بھی اغواء کیا۔
لاہور میں 3 ماہ کے دوران 27 خواتین قتل، 151 سے زیادتی کی گئیپولیس ڈیٹا کے مطابق 3 ماہ میں خواتین کے اغوا کے 11 سو 82 مقدمات درج ہوئے،
ملزمان غیر اخلاقی ویب سائٹ پر دوستی کرکے شہریوں کو پھانستے تھے اور اغواء کرکے ہتھکڑی لگا کر ویڈیوز بھی بناتے تھے، گرفتار ملزمان کے موبائل فون سے مغویوں کی ہتھکڑی لگی متعدد ویڈیوز بھی ملی ہیں، وہ مغویوں کو کئی گھنٹے کار میں گھماکر اے ٹی ایم کارڈ بھی خالی کرواتے تھے۔
گرفتار ملزمان کے قبضے سے 2 پستول، 20 بیگ، پولیس یونیفارم اور درجنوں بیجز، ہتھکڑی، 8 موبائل فونز ،جعلی بلٹ پروف جیکٹ، متعدد گھڑیاں، جدید ترین بڑی ایل سی ڈی برآمد ہوئی ہیں۔
ملزم بلاول خلجی کے خلاف رحیم یار خان اور کراچی میں 5 مقدمات درج ہیں، جبکہ ملزمان کے گروہ میں خواتین بھی شامل ہیں جن کی گرفتاری کیلئے کوششیں جاری ہیں۔
پنجاب میں عید کے موقع پر تھیٹرز میں فحاشی اور عریانی روکنے کیلیے سخت اقدامات