بجلی کمی،وزارت توانائی اورخزانہ نے ملکرپیکیج بنایا
اشاعت کی تاریخ: 3rd, April 2025 GMT
اسلام آباد(طارق محمودسمیر)وزیراعظم شہباز شریف نے ایک بارپھر بجلی کی قیمتوں میں بڑی کمی کا فیصلہ کرلیاہے جس کااعلان وہ آج کریں گے ،بجلی کی قیمتوں میں فی
یونٹ متوقع کمی چھ سے آٹھ روپے بتائی گئی ہے اور اس کی تیاری مکمل کرلی گئی ہے،وزارت توانائی اور وزارت خزانہ نے باہمی مشاورت سے ایک جامع پیکج تیارکیاہے ،اس پیکج کے تحت آئی ایم ایف کے ساتھ معاہدے اور شرائط پر کوئی منفی اثرنہیں پڑے گاکیونکہ جن چھ آئی پی پیزکے ساتھ معاہدوں پر نظرثانی کی گئی تھی،ان سے ہونے والی بچت ، پٹرولیم مصنوعات کی قیمتوں میںکمی کاریلیف اور ایک روپے75پیسے فی یونٹ اس کے علاوہ ریلیف کی گنجائش نکالی گئی ہے جو مجموعی طور پر چھ سے آٹھ روپے تک پہنچ جائے گی ،وزیراعظم کی ملک کے تین سوسے زائد تاجروں سے ملاقات بھی طے ہوچکی ہے جس میں وزیراعظم بجلی کی قیمتوں میںکمی اور صنعتی ترقی،برآمدات میںاضافے اور دیگرامور پر مشاورت کریںگے۔بجلی کی قیمتوں میںگزشتہ چندبرسوں میں بڑی تیزی سے اضافہ کیاگیا تھااور مجموعی طورپرفی یونٹ قیمت 50سے60روپے کے درمیان پہنچ چکی تھی تاہم جب شہبازشریف دوسری مرتبہ وزیراعظم بنے ہیں ،انہوں نے آئی پی پیزکامسئلہ بہترین اندازمیں حل کرنے کے لیے بہت محنت کی،اس سلسلے میں پاک فوج کی قیادت کا بھی مکمل تعاون حاصل رہا،چھ آئی پی پیزکے ساتھ معاہدوں پر نظرثانی کی گئی جس کا فائدہ اب عوام کومنتقل کیاجارہاہے جب کہ مزید7آئی پی پیزکے ساتھ مذاکرات جاری ہیں،حکومتی کوششوں کے نتیجے میںگردشی قرضہ کم ہورہاہے جبکہ جتنی بجلی پیداکی جائے گی اتنی ہی رقم اداہوگی،یہ نہیں کہ بجلی کم پیدا کی جائے اور ادائیگی زیادہ یونٹس کی ہو،اس لیے اس سارے معاملے کوبڑے اچھے طریقے سے ہینڈل کیاگیاہے۔ دوسری جانب عمران خان سے اڈیالہ جیل میں وزیراعلیٰ خیبرپختونخواعلی امین گنڈاپوراورصوبائی مشیراطلاعات بیرسٹرسیف نے اہم ملاقات کی ہے ،ذرائع کاکہناہے کہ ملاقات کے دوران اسٹیبلشمنٹ سے مذاکرات شروع کرنے اور اداروں سے ٹکراؤکی پالیسی پر نظرثانی کرنے پربات چیت کی گئی ،عمران خان نے اسٹیبشلمنٹ سے مذاکرات کے لیے نیم رضامندی ظاہرکی اور مذاکرات کا ٹاسک گنڈاپورکودے دیاگیا ،گنڈاپوراوربیرسٹرسیف نے عمران خان پر زوردیاکہ فوج اور اداروں کے خلاف سوشل میڈیاپر پروپیگنڈا روکنے کی ضرورت ہے بالخصوص بیرون ملک بیٹھے ہوئے بعض رہنمااور یوٹیوبرزکی وجہ سے مسائل پیداہوتے ہیںاور بات چیت کاعمل بھی رک جاتاہے ،عمران خان نے اس تجویزکو توجہ سے سنا۔ذرائع نے یہ بھی بتایاکہ عمران خان نے گنڈاپورکوخیبرپختونخوااسمبلی کے سپیکربابرسلیم سواتی اور سابق سینیٹراعظم سواتی کے درمیان صلح کرانے کی بھی ہدایت کی ،گزشتہ روزاعظم سواتی نے یہ دعویٰ کیاتھاکہ عمران خان نے کرپشن کے مبینہ الزامات پر سپیکرصوبائی اسمبلی سے استعفیٰ مانگ لیاہے۔جہاں تک اسٹیبلشمنٹ سے مذاکرات شروع کرنے کی بات آئی ہے تو یہ مذاکرات اس وقت مثبت اندازمیںنہ تو شروع ہوسکتے ہیں اور نہ ہی آگے بڑھ سکتے ہیںجب تک عمران خان نومئی کے واقعہ پرمعافی نہیں مانگتے کیونکہ فوج کے ترجمان کئی باریہ اعلان کرچکے ہیںکہ نومئی کے ملزمان اور سہولت کاروںکوکسی صورت معافی نہیں ملے گی جبکہ تجزیہ نگار رائے دیتے رہتے ہیںکہ عمران خان معافی مانگیں گے تو اسٹیبلشمنٹ سے بات چیت کا راستہ کھلے گادوسری بات سوشل میڈیاپر پروپیگنڈے کی ہے حال ہی میں جعفرایکسپریس کے واقعہ پر جب بھارتی میڈیابے بنیاد اور زہریلہ پروپیگنڈاکیاتو تحریک انصاف کے بعض رہنماؤں اور بیرون ملک بیٹھے یوٹیوبرزنے اس پروپیگنڈے میں اپناحصہ بھی ڈالا۔عمران خان کو چاہیے کہ ان معاملات پرخصوصی توجہ دیں اور پروپیگنڈے کاسلسلہ بند کرائیں ۔
ذریعہ: Daily Mumtaz
کلیدی لفظ: بجلی کی قیمتوں میں کے ساتھ ا ئی پی
پڑھیں:
بانی نے گنڈاپور اور بیرسٹر سیف کو اسٹیبلشمنٹ سے مذاکرات کا ٹاسک دیدیا
عمران خان نے کہا سپیکر بابر سلیم سواتی کا معاملہ خیبر پختونخوا کا اندرونی معاملہ ہے، گنڈاپور حتمی فیصلہ خود کریں۔ ذرائع کا کہنا ہے کہ اڈیالہ جیل میں طویل ملاقات کے دوران بانی پی ٹی آئی عمران خان نے گنڈا پور اوربیرسٹر سیف کو اسٹیبلشنٹ سے مذاکرات کا ٹاسک دیتے ہوئے ہدایت کی کہ کسی پیشرفت تک مذاکرات خفیہ رکھے جائیں۔ اسلام ٹائمز۔ وزیراعلیٰ خیبرپختونخوا علی امین گنڈاپور اور مشیر اطلاعات کے پی کے بیرسٹر ڈاکٹر سیف کی اڈیالہ جیل میں بانی پی ٹی آئی سے اڈیالہ جیل میں طویل ملاقات کی اندرونی کہانی سامنے آگئی ہے۔ ذرائع کے مطابق وزیراعلیٰ خیبر پختونخوا علی امین گنڈا پور کی بیرسٹر سیف کے ہمراہ بانی پی ٹی آئی سے اڈیالہ جیل راولپنڈی میں ملاقات کانفرنس روم میں تقریبا اڑھائی گھنٹے تک جاری رہی۔ طویل ملاقات کا محور اسٹیبلشمنٹ سے مذاکرات تھا۔ بانی پی ٹی آئی نے علی امین گنڈاپور پر مکمل اعتماد کا اظہار کرتے ہوئے انہیں اور بیرسٹر سیف کو اسٹیبلشمنٹ سے بات کرنے کا ٹاسک دیدیا ہے، عمران خان نے گنڈاپور کو خیبرپختونخوا حکومت اپنے طریقے سے چلانے کا بھی سگنل دیا ہے۔ ذرائع کے مطابق گنڈاپور اور بیرسٹر سیف ملاقات کے دوران بانی پی ٹی آئی عمران خان کو مذاکرات کیلئے قائل کرنے میں کامیاب ہو گئے، جس کے بعد بانی پی ٹی آئی نے گنڈاپور اور بیرسٹر سیف کو اسٹیبلشمنٹ سے مذاکرات کا ٹاسک دیدیا ہے۔
ملاقات میں بانی پی ٹی آئی عمران خان نے علی امین گنڈاپور پر مکمل اعتماد کا اظہار کرتے ہوئے کہا کہ خیبرپختونخوا حکومت میرے سب سے بااعتماد اور مجاہد کارکن کے پاس ہے، خیبر پختونخوا حکومت اس وقت ریاست مدینہ کے طرز پر خدمات و سہولیات فراہم کر رہی ہے، انتشاری ٹولہ چاہے اندر ہوں یا باہر کسی بھی صورت کامیاب نہیں ہوگا۔ بانی پی ٹی آئی نے کہا کہ دہشتگردی کیخلاف جنگ نہیں، بلکہ مذاکرات کے مؤقف کی مکمل تائید کی، ملاقات میں افغان باشندوں کی باعزت واپسی کے فیصلے پر بھی بانی چیئرمین کو اعتماد میں لیا گیا، عمران خان نے کہا سپیکر بابر سلیم سواتی کا معاملہ خیبر پختونخوا کا اندرونی معاملہ ہے، گنڈاپور حتمی فیصلہ خود کریں۔ ذرائع کا کہنا ہے کہ اڈیالہ جیل میں طویل ملاقات کے دوران بانی پی ٹی آئی عمران خان نے گنڈا پور اوربیرسٹر سیف کو اسٹیبلشنٹ سے مذاکرات کا ٹاسک دیتے ہوئے ہدایت کی کہ کسی پیشرفت تک مذاکرات خفیہ رکھے جائیں۔
پنجاب میں عید کے موقع پر تھیٹرز میں فحاشی اور عریانی روکنے کیلیے سخت اقدامات