سلمان خان نے 37 سالہ کیرئیر کا بدترین ریکارڈ اپنے نام کرلیا
اشاعت کی تاریخ: 2nd, April 2025 GMT
بالی وڈ سپر اسٹار سلمان خان کی رواں سال عید پر ریلیز ہونے والی فلم ’سکندر‘ باکس آفس پر کوئی کمال نہ کرسکی۔
سلمان خان کی رواں سال عید پر فلم ’سکندر‘ ریلیز ہوئی اور اداکار کے سابقہ ریکارڈ کے مطابق فلم باکس آفس پر بڑی کمائی نہیں کرسکی۔ رپورٹس کے مطابق سلمان خان کی فلم نے 3 دن میں باکس آفس پر تقریباً 75 کروڑ بھارتی روپے کا بزنس کیا ہے۔رپورٹس میں بتایا گیا ہے کہ ریلیز کے پہلے روز 26 کروڑ، دوسرے روز 29 کروڑ اور تیسرے روز 19 کروڑ 50 لاکھ بھارتی روپے کا بزنس کیا جو کہ مجموعی طور پر 74 کروڑ بھارتی روپے سے زائد بنتا ہے۔
میڈیا رپورٹس کے مطابق فلم ریلیز کے تیسرے روز بھارت بھر میں سکندر کی کمائی میں 32 فیصد سے زائد کی کمی دیکھی گئی جس کے بعد کئی سنیما گھروں سے فلم ہٹائی جا رہی ہے۔
رپورٹس میں دعویٰ کیا گیا ہے کہ سلمان خان کے 37 سالہ کیرئیر میں پہلی بار ایسا ہو رہا ہے کہ ریلیز کے تیسرے دن ہی ان کی فلم سنیما گھروں سے نقصان کے باعث ہٹائی جا رہی ہو۔بھارت کے کئی شہروں میں سنیما مالکان نے سکندر کے ٹکٹس فروخت نہ ہونے پر مقامی ملیالم انڈسٹری کی فلم ’ایل 2: امپوران‘ کے شوز رکھ لیے ہیں۔لیجنڈری اداکار موہن لعل کی یہ فلم 27 مارچ کو ریلیز کی گئی اور یہ باکس آفس پر 250 کروڑ بھارتی روپے سے زائد کا بزنس کرچکی ہے۔
دوسری جانب فلم کے پروڈیوسر ساجد ناڈیاڈوالا کی جانب سے بھی فلم کی باکس آفس پر کمائی کے اعدادو شمار جاری کیے جا رہے ہیں جس میں دعویٰ کیا گیا ہے کہ سکندر 3 دن میں بھارت سے 102 کروڑ بھارتی روپے، دنیا بھر میں 39 کروڑ بھارتی روپے یعنی مجموعی طور پر 141 کروڑ بھارتی روپے سے زائد کا بزنس کرچکی ہے تاہم ان اعداد وشمار کی فلم انڈسٹری کے آزاد ٹریڈ ماہرین سے تصدیق نہیں ہوسکی۔
.ذریعہ: Daily Ausaf
کلیدی لفظ: کروڑ بھارتی روپے باکس ا فس پر کا بزنس کی فلم
پڑھیں:
لاہور: 11 سالہ بچے سے4 لڑکوں کی اجتماعی جنسی زیادتی، 3 ملزم گرفتار
لاہور میں 11 سالہ بچے سے 4 لڑکوں نے اجتماعی جنسی زیادتی کی جس کے پولیس نے کارروائی کرتے ہوئے 3 ملزمان کو گرفتار کرلیا۔
رپورٹ کے مطابق مغل پورہ میں 11 سالہ بچے سے چاروں لڑکوں نے اجتماعی زیادتی کی، وقوعہ کی اطلاع ملتے ہی لاہور پولیس سرگرم ہوئی اور تین ملزمان کو گرفتار کرلیا۔
ایس ایچ او مغلپورہ نسیم خان نے کہا کہ پولیس نے بچے کے والد کے بیان پر چار وں ملزمان کے خلاف مقدمہ درج کرلیا۔
ایف آئی آر کے متن کے مطابق ملزمان نے بچے کو ڈرایا دھمکایا اور جان سے مارنے کی دھمکیاں بھی دیں، ملزمان میں فرحان،ابراہیم،وقاص اور عبداللہ شامل ہیں۔
ایف آئی آر کے متن کے مطابق ملزمان بچے کو فحش ویڈیوز بھی دکھاتے رہے۔
شردھا کپور کی ان دیکھی جھلک صارفین کو دنگ کرگئی