جبری گمشدگیوں کا مسئلہ عالمی توجہ کا متقاضی، انسانی حقوق چیف
اشاعت کی تاریخ: 2nd, April 2025 GMT
اسلام آباد (اُردو پوائنٹ ۔ UN اردو۔ 02 اپریل 2025ء) اقوام متحدہ کے ہائی کمشنر برائے انسانی حقوق وولکر ترک نے لاپتہ افراد کے بحران پر قابو پانے کے لیے عالمی سطح پر فوری اقدامات کے لیے زور دیتے ہوئے کہا ہے کہ اپنے عزیزوں کی گمشدگی کا دکھ دل سے کبھی محو نہیں ہوتا اور کسی بھی فرد کے لیے یہ بہت بڑی تکلیف ہے۔
اقوام متحدہ کی جنرل اسمبلی میں لاپتہ افراد کے مسئلے پر اجلاس سے خطاب کرتے ہوئے انہوں نے کہا ہے کہ لوگوں کے لیے اپنے گمشدگہ پیاروں کی اطلاع نہ ہونے اور انہیں انصاف کی فراہمی کے بغیر تکلیف کا یہ سلسلہ آئندہ نسلوں تک جاری رہتا ہے۔
ہائی کمشنر کا کہنا تھا کہ لوگوں کو جبراً لاپتہ کیا جانا بین الاقوامی انسانی قانون کے تحت جرم ہے جس کے ذمہ داروں کا محاسبہ ہونا چاہیے۔
(جاری ہے)
انصاف نہ ہونے کی صورت میں مزید جرائم کی حوصلہ افزائی ہوتی ہے۔ رکن ممالک کو چاہیے کہ وہ اس جرم کا خاتمہ کرنے کے لیے ٹھوس اقدامات کریں۔
انہوں نے رکن ممالک کو لاپتہ افراد کے بارے میں سیکرٹری جنرل کی تازہ ترین رپورٹ سے آگاہ کرتے ہوئے بتایا کہ 2024 کے دوران 56,559 افراد لاپتہ ہوئے جو گزشتہ دو دہائیوں میں کسی برس ریکارڈ کی جانے والی ایسی سب سے بڑی تعداد ہے۔
بڑے پیمانے پر تنازعات اور ان میں بین الاقوامی انسانی قانون کی پامالی اس جرم میں اضافے کے بڑے اسباب ہیں۔دوران جنگ لاپتہ ہونے والے لوگوں کو تشدد، بدسلوکی اور ناجائز حراست کا سامنا کرنا پڑتا ہے اور کئی مواقع پر انہیں ہلاک کر دیا جاتا ہے جبکہ جنگ سے فرار ہونے والوں کو حراست میں لے کر لاپتہ کیے جانے کے واقعات بھی عام ہیں۔ جنگوں کے علاوہ حکومتی جبر، انسداد دہشت گردی کی کارروائیوں اور مہاجرت یا انسانی سمگلنگ کے دوران بھی لوگ لاپتہ کیے جاتے ہیں۔
سیکرٹری جنرل کی رپورٹ کے مطابق، مختلف ممالک میں چند ہزار سے لے کر ایک لاکھ تک لوگ لاپتہ ہیں۔ جبری یا غیررضاکارانہ گمشدگیوں پر اقوام متحدہ کے ورکنگ گروپ نے گزشتہ 45 سال کے دوران 115 ممالک میں شہریوں جبری لاپتہ کیے جانے کے 62 ہزار واقعات کی تفتیش کر کے لوگوں کو بازیاب کرایا یا ان کے بارے میں مصدقہ اطلاعات حاصل کی ہیں۔
تین ضروری اقداماتوولکر ترک نے بتایا کہ اس مسئلے کے متاثرین کی خاطر بالخصوص تین سمتوں میں کام کرنا بہت ضروری ہے۔
سب سے پہلے، انسانی حقوق کے نظام کو مضبوط بنانا اور اس پر عملدرآمد کرنا ضروری ہے۔ انہوں نے رکن ممالک سے کہا کہ وہ تمام لوگوں کو جبری گمشدگی سے تحفظ دینے کے بین الاقوامی کنونشن کی توثیق کریں اور اسے اپنے ملکی قوانین کا حصہ بنا پر اس پر فعال طور سے عملدرآمد یقینی بنائیں۔
اس کے بعد، ہائی کمشنر نے انصاف اور احتساب کو لازمی قرار دیتے ہوئے کہا کہ لاپتہ افراد کے بارے میں ان کے عزیزوں اور دیگر کو یہ معلوم ہونا چاہیے کہ وہ کہاں ہیں یا ان کے ساتھ کیا بیتی۔
آخر میں، ہائی کمشنر نے کہا کہ اس مسئلے پر قابو پانے کی کوششوں میں متاثرین کو خاص اہمیت دینا ضروری ہے۔ انہوں نے ایسے لوگوں کی بات سننے اور ان سے سیکھنے پر زور دیتے ہوئے واضح کیا کہ خواتین اور بچے اس مسئلے سے غیرمتناسب طور سے متاثر ہوتے ہیں۔
ان کا کہنا تھا کہ اقوام متحدہ کا دفتر برائے انسانی حقوق اس مسئلے کے متاثرین اور حکومتوں کو انسانی حقوق سے متعلق اپنی ذمہ داری پوری کرنے میں مدد دینے کے لیے پرعزم ہے۔
اس موقع پر اقوام متحدہ کی جنرل اسمبلی کے صدر فائلیمن یانگ نے کہا کہ مسلح تنازعات، انسانی حقوق کی پامالیوں اور انسانی بحرانوں کے نتیجے میں لاپتہ افراد کی بڑھتی ہوئی تعداد مشکلات میں کمی لانے کے لیے فیصلہ کن اقدامات کا تقاضا کرتی ہے۔
انہوں نے کہا کہ گزشتہ دو دہائیوں میں جنرل اسمبلی نے اپنی قراردادوں کے ذریعے اس مسئلے سے نمٹنے میں اہم کردار ادا کیا ہے۔ رکن ممالک کو چاہیے کہ وہ لوگوں کی گمشدگی کو روکنے، لاپتہ افراد کے بارے میں اطلاعات کی فراہمی اور متاثرہ خاندانوں کو مدد دینے کے لیے اپنے قانونی نظام کو مضبوط بنائیں۔
فائلیمن یانگ کا کہنا تھا، یہ بات یاد رکھنا ہو گی کہ لاپتہ افراد کے بحران سے نمٹنا انسانی حوالے سے ہی لازمی نہیں بلکہ یہ سبھی کا اجتماعی اخلاقی فریضہ بھی ہے۔ عزم اور یکجہتی کی بدولت دکھ کو انصاف اور غیریقینی کو امید میں تبدیل کیا جا سکتا ہے۔
.ذریعہ: UrduPoint
کلیدی لفظ: تلاش کیجئے لاپتہ افراد کے اقوام متحدہ کے بارے میں ہائی کمشنر رکن ممالک انہوں نے اس مسئلے لوگوں کو کہا کہ اور ان کے لیے نے کہا
پڑھیں:
خیبر پختونخوا: بٹگرام میں زمینی تنازع پر فریقین کے درمیان تصادم، 4 افراد جاں بحق
خیبر پختونخوا کے ضلع بٹگرام میں زمینی تنازع پر دو فریقین کے درمیان تصادم میں ایک ہی خاندان کے 3 افراد سمیت 4 افراد جاں بحق اور 5 زخمی ہوگئے۔
نجی ٹی وی کے مطابق بٹگرام کے نواحی علاقے چھم سیدان ٹکری میں زمینی تنازع پر دو فریقین کے درمیان تصادم میں 4 افراد جاں بحق ہوئے جس میں ایک ہی خاندان کے تین افراد شامل ہیں جب کہ 5 افراد زخمی ہوئے ہیں جنہیں طبی امدادکے لیے ضلعی ہیڈکوارٹر ہسپتال بٹگرام لایا گیا جہاں سے شدید زخمیوں کو ایوب میڈیکل کمپلیکس ایبٹ آباد منتقل کردیا گیا۔
تصادم میں ایک ہی خاندان کے شہزاد باجی، ان کا بیٹا ضیااللہ شاہ اور بھائی مضرب شاہ جب کہ مخالف فریق سے انور علی شاہ جاں بحق ہوئے۔
واقعے کے بعد علاقے میں حالات کشیدہ ہیں اور پولیس کی بھاری نفری پہنچا دی گئی ہے۔
واقعے کی اطلاع ملتے ہی لوگوں کا جم غفیر ضلعی ہیڈکوارٹرز ہسپتال پہنچ آیا۔ اب تک واقعے کی ایف آئی آر درج نہیں کی گئی جبکہ پولیس تفتیش میں مصروف ہے۔
Post Views: 2
غزہ پٹی: حماس کا ایک اور اعلیٰ عہدیدار ہلاک