وقف بل سازش کیساتھ لایا گیا اسکے خلاف ملک گیر احتجاج ہوگا، مسلم پرسنل لاء بورڈ
اشاعت کی تاریخ: 2nd, April 2025 GMT
مولانا خالد سیف اللہ رحمانی کا کہنا ہے کہ اس بل سے وقف املاک پر سرکاری اور غیرسرکاری سطح پر غیرقانونی دعوؤں میں اضافہ ہوجائے گا، جس سے کلکٹر اور ضلع مجسٹریٹ کیلئے انہیں ضبط کرنا آسان ہوجائے گا۔ اسلام ٹائمز۔ وقف ترمیمی بل 2024 آج پارلیمنٹ میں پیش کیا گیا۔ آل انڈیا مسلم پرسنل لاء بورڈ مسلسل اس بل کی مخالفت کررہا ہے۔ مسلم پرسنل لاء بورڈ کے جنرل سکریٹری مولانا فضل الرحیم مجددی نے پریس کانفرنس کرکے کہا کہ یہ بل پہلے سے زیادہ قابل اعتراض ہوگیا ہے۔ انہوں نے کہا کہ اسے ایک منصوبہ بندی کے ساتھ لایا گیا ہے۔ انہوں نے کہا کہ بل کی مخالفت میں 5 کروڑ ای-میل حکومت کو موصول ہوئیں لیکن کسی پر بھی حکومت نے غور نہیں کیا۔ مولانا فضل الرحیم مجددی نے نئی دہلی واقع پریس کلب آف انڈیا میں منعقدہ پریس کانفرنس میں کہا کہ آج وقف بل پارلیمنٹ میں پیش کیا گیا ہے لیکن ایک منصوبہ بندی کے ساتھ یہ بل لایا گیا ہے۔ انہوں نے کہا کہ مخالفت میں 5 کروڑ ای-میل آئے، کسی پر بھی غور نہیں کیا گیا۔ انہوں نے کہا کہ اب یہ بل پہلے سے زیادہ قابل اعتراض ہوگیا ہے۔ انہوں نے کہا کہ وقف کا انتظام اب مسلمانوں کے ہاتھوں سے لے کر حکومت کے ہاتھوں میں سونپ دیا گیا ہے۔ مسلم پرسنل لاء بورڈ نے یہ بھی کہا کہ وقف بل کو لیکر ہم خاموش نہیں بیٹھیں گے بلکہ ملک گیر سطح پر احتجاج کریں گے۔
اس سے پہلے آل انڈیا مسلم پرسنل لاء بورڈ نے بی جے پی کی اتحادی پارٹیوں سمیت سبھی سیکولر سیاسی پارٹیوں اور اراکین پارلیمنٹ سے اپیل کی تھی کہ وہ وقف بل کی سخت مخالفت کریں اور کسی بھی حال میں اس کے حق میں ووٹنگ نہ کریں۔ انہوں نے کہا کہ یہ بل نہ صرف بھید بھاؤ اور نا انصافی پر مبنی ہے بلکہ ترمیم کے آرٹیکل 25 ,14 اور 26 کے تحت یہ بنیادی حقوق کی دفعات کے بھی خلاف ہے۔ مسلم پرسنل لاء بورڈ کے صدر مولانا خالد سیف اللہ رحمانی کا کہنا ہے کہ اس بل کے ذریعہ بی جے پی کا ہدف قوانین کو کمزور کرنا ہے اور وقف جائیدادوں کو ضبط کرنے اور برباد کرنے کا راستہ تیار کرنا ہے۔ انہوں نے کہا کہ عبادت گاہوں کے قانون کے موجود ہونے کے باوجود ہر مسجد میں مندروں کی تلاش کا مسئلہ مسلسل بڑھ رہا ہے۔ انہوں نے کہا کہ اس بل سے وقف املاک پر سرکاری اور غیرسرکاری سطح پر غیرقانونی دعوؤں میں اضافہ ہوجائے گا، جس سے کلکٹر اور ضلع مجسٹریٹ کے لئے انہیں ضبط کرنا آسان ہوجائے گا۔
ذریعہ: Islam Times
کلیدی لفظ: مسلم پرسنل لاء بورڈ انہوں نے کہا کہ ہوجائے گا گیا ہے
پڑھیں:
دریائے سندھ سے کینالز نکالنے کیخلاف ریلیاں و احتجاج
---فائل فوٹودریائے سندھ سے مجوزہ 6 کینالز نکالنے کے خلاف میہڑ میں قومی عوامی تحریک کی جانب سے ریلی نکالی گئی۔
ریلی کے شرکاء نے 5 کلو میٹر پیدل مارچ کیا اور بعد ازاں گھنٹہ گھر چوک پر دھرنا دیا۔
دوسری جانب ٹھٹہ میں بھی دریائے سندھ سے مزید 6 کینال نکالنے کے خلاف احتجاج کیا گیا۔
’دریا بچاؤ تحریک‘ کی جانب سے ایدھی سینٹر سے پریس کلب تک ریلی بھی نکالی گئی۔
اڈیالہ جیل: بابر اعوان کو بانی پی ٹی آئی، بشریٰ بی بی سے ملاقات کی اجازت ملنے پر تنازع