معصوم بچے کے سامنے خونی منظر؛ ڈکیتی مزاحمت پر ایک اور شہری قتل؛ فوٹیج سامنے آگئی
اشاعت کی تاریخ: 2nd, April 2025 GMT
کراچی:
ڈکیتی میں مزاحمت پر ایک اور شہری کو قتل کردیا گیا جب کہ خونی واردات ایک معصوم بچے کے سامنے ہوئی۔
سندھ حکومت کی بے بسی کے باعث شہر قائد پر پولیس اور دیگر قانون نافذ کرنے والے اداروں سے بے خوف ڈاکوؤں کا راج ہے، جو واردات کے دوران شہریوں کو سرعام قتل کرکے کامیابی سے فرار ہوجاتے ہیں۔
ریسکیو حکام کے مطابق تازہ واقعہ شہر کے علاقے ڈیفنس فیز 1 کے قریب پیش آیا، جہاں ابتدائی اطلاعات کے مطابق نامعلوم مسلح ملزمان نے فائرنگ کرکے ایک شخص کو قتل کردیا۔
بعد ازاں ذرائع کے مطابق بچے کے سامنے قتل کا افسوس ناک واقعہ ڈکیتی کے دوران مزاحمت کا نتیجہ نکلا۔
واقعے کی اطلاع ملتے ہی ڈی آئی جی ساؤتھ اسد رضا اور ایس ایس پی ساؤتھ ظہور علی نفری کے ہمراہ موقع پر پہنچے اور شواہد اکٹھے کرتے ہوئے دیر تفصیلات معلوم کیں۔
واقعے کی سی سی ٹی وی فوٹیج سوشل میڈیا پر وائرل ہو گئی۔
فائرنگ کا واقعہ مونو ٹیرس کمرشل ایریا بی مارکیٹ ڈیفنس فیز ون میں پیش آیا۔ اہل خانہ کے مطابق 38 سالہ عامر اسٹیٹ ایجنسی کا کام کرتا تھا جو گھر سے کسی کام کے لیے نکلا اور گاڑی میں سوار ہونے لگا تو ڈاکو پہنچ گئے۔
اہل خانہ نے بتایا کہ 2 موٹرسائیکلوں پر 3 سے 4 ملزمان آئے۔ اس دوران مزاحمت پر عامر کو ڈاکوؤں نے گولیاں ماریں، جس میں سے 2 گولیاں عامر کو لگیں۔
واقعے کی سی سی ٹی وی فوٹیج میں مقتول عامرکوایک ملزم کودبوچتے دیکھا جاسکتاہے جب کہ ساتھی کوچھڑانے کے لیے ملزم کے دوسرے ساتھی نے گتھم گتھا عامرکوگولیوں سے نشانہ بنایا۔
افسوس ناک واقعے میں مقتول کے ساتھ موجود بچے نے بے بسی کی تصویربن کر پورا خونی منظردیکھا۔
.
ذریعہ: Express News
کلیدی لفظ: کے مطابق
پڑھیں:
ٹانک میں فائرنگ کرکے 3 افراد کو قتل کردیا گیا
پولیس کے مطابق تاحال فائرنگ کر کے قتل کرنے کی وجہ سامنے نہیں آ سکی تاہم واقعے کی تفتیش کی جا رہی ہے۔ اسلام ٹائمز۔ ٹانک کے علاقے اماخیل میں نامعلوم مسلح افراد کی فائرنگ سے 3 افراد جاں بحق ہوگئے۔ پولیس کے مطابق تاحال فائرنگ کر کے قتل کرنے کی وجہ سامنے نہیں آ سکی تاہم واقعے کی تفتیش کی جا رہی ہے۔ ملزمان تین افراد کو قتل کرکے موقع واردات سے فرار ہوگئے۔
مشہور شخصیت کے بیٹے ہونے کا انڈسٹری میں فائدہ نہیں ہوا : شہزاد شیخ