غزہ کے مسلمانوں کی طرح پاراچنار کے عوام نے بھی عید حصار میں گذاری، علامہ ریاض نجفی
اشاعت کی تاریخ: 2nd, April 2025 GMT
لاہور میں نماز عید کے اجتماع سے خطاب میں وفاق المدارس الشیعہ کے سربراہ کا کہنا تھا کہ حکومت اور سکیورٹی فورسز پاراچنار کے عوام کو ریلیف دلوانے میں ناکام رہیں، پاراچنار سے تعلق رکھنے والے چار ہزار سے زائد طلبا و طالبات عید پر اپنے آبائی گھروں کو نہیں جا سکے، بیت المقدس کی آزادی، دہشتگردی کے خاتمے، فوج اور پولیس کے شہید جوانوں کیلئے دعائے بھی کی گئی۔ اسلام ٹائمز۔ حوزہ علمیہ جامعتہ المنتظر ماڈل ٹاون لاہور میں پہلی نماز عیدالفطر وفاق المدارس الشیعہ پاکستان کے صدر علامہ حافظ سید ریاض حسین نجفی نے پڑھائی۔ انہوں خطبہ عیدالفطر میں رمضان المبارک کے فیوض و برکات سے مستفید ہونے پر نمازیوں کو مبارکباد پیش کرتے ہوئے واضح کیا کہ غریبوں اور مستحقوں کو بھی عید کی خوشیوں میں یاد رکھیں۔ غزہ کے مسلمانوں پر اسرائیلی مظالم اور پاراچنار کے راستے بند ہونے کی وجہ سے عوام کی مشکلات پر افسوس کا اظہار کرتے ہوئے ان کا کہنا تھا کہ حکمرانوں کو بیدار ہونے کی ضرورت ہے۔ بے حسی کی انتہا اور حیرت ہے کہ پورے ملک میں عوام نے عید منائی مگر پارا چنار کا غزہ کی طرح کا حصار جاری رہا۔ حکومت اور سکیورٹی فورسز عوام کو ریلیف دلوانے میں ناکام رہیں۔
حافظ ریاض نجفی نے کہا کہ پاراچنار سے تعلق رکھنے والے ملک کے مختلف تعلیمی اداروں میں زیرتعلیم چار ہزار سے زائد طلبا و طالبات بھی اپنے آبائی گھروں کو عید کے موقع پر راستے بند ہونے کی وجہ سے نہیں جا سکے، جبکہ تقریباً اس سے زیادہ تعداد لوگوں کی پشاور، کوہاٹ، اسلام آباد کے ہوٹلوں میں موجود ہے کہ راستے کھلیں گے تو وہ اپنے گھروں کو واپس جا سکیں گے۔ عوام کا تحفظ حکومت کی ذمہ داری ہے جس میں موجودہ حکومت بری طرح ناکام ہے۔ انہوں نے بیت المقدس کی آزادی، دہشتگردی کے خاتمے اور وطن عزیز کی خاطر بلوچستان اور خیبر پختونخواہ میں جام شہادت نوش کرنیوالے فوج اور پولیس کے جوانوں کیلئے دعائے مغفرت بھی کی۔
ذریعہ: Islam Times
پڑھیں:
مفتاح اسماعیل کا حکومت پر 17 ارب کے ڈاکے کا الزام
سابق وفاقی وزیر خزانہ اور عوام پاکستان پارٹی کے رہنما مفتاح اسماعیل نے حکومت پر پر پیٹرولیم مد میں17 ارب کے ڈاکے کا الزام لگادیا۔
کراچی میں پارٹی کی عید ملن پر میڈیا سے گفتگو میں مفتاح اسماعیل نے کہا کہ حکومت نےپیٹرولیم کی مد میں عوام کی جیب پر 17 ارب روپے کا ڈاکا ڈالا۔
انہوں نے مزید کہا کہ جو لوگ عوام کے ووٹ سے نہیں آئے وہ عوام کو ریلیف کیوں دیں گے، کینالز بنانے کے منصوبے کو موخر کردیں۔
حکومت پی آئی اے کی نجکاری میں سنجیدہ نہیں تھی، مفتاح اسماعیلپروگرام جرگہ میں گفتگو کرتے ہوئے مفتاح اسماعیل نے کہا کہ وزیراعظم کبھی نجکاری کے حامی نہیں رہے۔
سابق وفاقی وزیر خزانہ نے یہ بھی کہا کہ وزراء نے اپنی تنخواہوں میں 186 فیصد اضافہ کیا ہے،پنجاب اور ارکان قومی اسمبلی نے اپنی تنخواہیں میں 900 فیصد اضافہ کیا ہے۔
اُن کا کہنا تھا کہ اللہ سے دعا ہے کہ عام پاکستانی کی تنخواہوں میں بھی اضافہ ہو،حکومت اپنے آپ کو مراعات دیتی رہتی ہے کچھ ہوش کے ناخن لے اور لوگوں کو بھی مراعات دے۔
مفتاح اسماعیل نے کہا کہ عوام کو بجلی اور گیس کے بلوں میں ریلیف دیا جائے،حکومت آج ٹیکس لگانے کی بات کرتی ہے اور کل ریلیف دینے کی بات کرتی ہے۔
سابق وزیر خزانہ مفتاح اسماعیل نے کہا ہے کہ راتوں رات سولر میٹرنگ سے متعلق پالیسی تبدیل کی گئی۔
انہوں نے کہا کہ حکومت نےپیٹرولیم کی مد میں عوام کی جیب پر 17 ارب ر کا ڈاکا ڈالا، ٹیکس لگایا،17 ارب روپے ہم نے ٹیکس دیا ہے اور مزید دیتے رہیں گے بجلی پر ریلیف کا کہا تھا وہ ابھی تک نہیں ملا ۔
سابق وفاقی وزیر خزانہ نے کہا کہ ہم اس حکومت سے امید ہی کرسکتے ہیں توقع نہیں کرسکتے ہیں۔
ان کا کہنا تھا کہ سندھ حکومت کو شرم آنی چاہیے کراچی میں سینکڑوں افراد ٹینکر کی ٹکرسے مرگئے ہیں ،اچھی اور ذمے دار حکومت ہو تو ٹینکر اور ڈمپر کا مسئلہ 3 دن میں حل ہوسکتا ہے۔
سابق وفاقی وزیر خزانہ مفتاح اسماعیل نے کہا ہے کہ پاکستان کو فنانشل ایکشن ٹاسک فورس (فیفٹ) سے نکالنا سلطان علی الانہ کے اہم کارناموں میں سے ایک ہے۔
مفتاح اسماعیل نے کہا کہ ملک کی بد نصیبی ہے کہ پیپلز پارٹی سندھ میں 16سال سے حکومت کررہی ہے، دیگر سہولیات نہیں دے سکتی نہ دے مگر ڈمپر سے لوگوں کو بچائے۔
انہوں نے کہا کہ اگر پیپلزپارٹی والے یہ بھی نہیں کرسکتے تو واپس چلے جاؤ بھائی،یہاں کراچی حیدر آباد کا موٹر وے نہیں ہے سپر ہائی وے کا نام موٹر وے رکھ دیا گیا۔
عوام پاکستان پارٹی کے رہنما نے کہا کہ حیدر آباد سے سکھر موٹر وے نہیں اورانہوں نے پچھلے ہفتے لاہور سے بہاول نگر موٹر وے بنانے کا اعلان کردیا۔
چیف الیکشن کمشنر اور 2 ممبرانِ کمیشن کی تعیناتی میں تاخیر کیخلاف اپوزیشن رہنماؤں کاعدالت سے رجوع