لاہور: انویسٹی گیشن پولیس کی 3 ماہ کی کارکردگی رپورٹ جاری
اشاعت کی تاریخ: 2nd, April 2025 GMT
---فائل فوٹو
انویسٹی گیشن پولیس کی جانب سے سال 2025ء کے پہلے 3 ماہ کی کارکردگی رپورٹ جاری کر دی گئی۔
ڈی آئی جی ذیشان رضا کے مطابق 3 ماہ کے دوران 15خواتین کے قتل سمیت 40 مقدمات کے ملزمان کو گرفتار کیا گیا۔
ذیشان رضا کے مطابق 103خواتین سے زیادتیوں میں ملوث 110ملزم بھی پکڑے گئے، بچوں کے اغواء کے 129 مقدمات میں سے 144مغوی بچوں کو بازیاب کروایا گیا۔
پنجاب پولیس نے انٹیلی جنس بیسڈ سرچ آپریشنز میں 4 مشتبہ افراد کو گرفتار کرلیا۔
اسی طرح بچوں سے زیادتی کے 41 مقدمات میں 44 ملزمان پکڑے گئے، خواتین سے ہراسگی کے487 مقدمات کے ملزمان کو گرفتار کیا گیا۔
ڈی آئی جی ذیشان رضا کے مطابق ڈکیتی میں ملوث 911 ملزموں کو گرفتار جبکہ ملزموں سے 32 کروڑ 70 لاکھ روپے سے زائد مالیت کا لوٹا ہوا مال برآمد کیا گیا۔
ڈی آئی جی انویسٹی گیشن کا پولیس کارکردگی سے متعلق مزید کہنا ہے کہ اغواء برائے تاوان کے 2 مقدمات کے ملزمان بھی پکڑے گئے ہیں۔
ڈی آئی جی انویسٹی گیشن ذیشان رضا نے کہا ہے کہ شہریوں کے جان و مال کے تحفظ کے لیے انویسٹی گیشن پولیس ہمہ وقت کوشاں ہے۔
.ذریعہ: Jang News
کلیدی لفظ: انویسٹی گیشن کو گرفتار ڈی آئی جی
پڑھیں:
کراچی؛ گاڑیاں چھیننے میں حاضر سروس پولیس اہلکاروں کے ملوث ہونے کا ایک اور واقعہ
کراچی:شہر قائد میں گاڑیوں کی چھینا جھپٹی کی وارداتوں میں حاضر سروس پولیس اہلکاروں کے ملوث ہونے کا تیسرا واقعہ بھی سامنے آگیا۔
اے وی ایل سی پولیس نے ملیر کینٹ تھانے میں تعینات سب انسپکٹر کو گرفتار کر کے مسروقہ کار برآمد کرلی ۔ گرفتار پولیس افسر اپنے بیٹے کے سولنگی کار لفٹنگ گینگ کو تحفظ فراہم کرتا تھا جب کہ اس سے قبل بھی گاڑیوں کی چوری میں ملوث 2 پولیس اہلکار اینٹی وہیکل لفٹنگ سیل پولیس کے ہاتھوں گرفتار ہو چکے ہیں۔
اینٹی وہیکل لفٹنگ سیل پولیس نے ملیر کینٹ تھانے میں تعینات سب انسپکٹر محمد عرس سولنگی کو گرفتار کر کے شارع فیصل تھانے کی حدود سے چوری کی گئی مسروقہ کار برآمد کرلی ۔
ترجمان اے وی ایل سی پولیس کی جانب سے جاری اعلامیے کے مطابق گزشتہ ماہ 30 مارچ کو اے وی ایل سی بلدیہ ڈویژن پولیس نے بدنام زمانہ بین الصوبائی کار سنیچر سولنگی گینگ کے 2 کارندوں قاسم عرف عامر اور شعیب عرف ایس کے کو مقابلے کے دوران زخمی حالت میں گرفتار کیا تھا، اس دوران سولنگی گینگ کا سرغنہ دانش سولنگی عرف میر دیگر 2 ساتھیوں نور خان اور فخر سمیت موقع سے فرار ہوگیا تھا ۔
پولیس نے ملزمان کے قبضے سے 27 مارچ کو فیروز آباد کے علاقے سے چھینی گئی ٹیوٹا کورولا کار اور اسلحہ برآمد کیا تھا ۔ برآمد کی گئی گاڑی ملزمان نے شہید ملت روڈ پر صبح سوا 8 بجے چھینی تھی اور اس دوران ملزمان نے کار میں سوار فیملی کو انتہائی بے دردی سے گھسیٹ کر اتارا تھا ۔
کار میں سوار فیملی نے اسلحہ بردار ملزمان کو دیکھ کر خوفزدہ ہو کر کار کے دروازے اور شیشے لاک کر لیے تھے اور ملزمان سے معافی کے ساتھ ساتھ واردات نہ کرنے کی التجائیں بھی کی تھیں۔
ترجمان کے مطابق مقابلے میں زخمی حالت میں گرفتار ملزمان سے تفتیش کے دوران انکشاف ہوا کہ سولنگی گینگ کا سرغنہ ایک سابق فوجی اہلکار دانش سولنگی عرف میر ہے جو کہ ایک پولیس کے سب انسپکٹر کا بیٹا ہے جب کہ یہ گینگ ایک درجن سے زائد ملزمان پر مشتمل ہے۔
پولیس نے ملزمان کے اس انکشاف پر ملیر کینٹ تھانے میں تعینات پولیس افسر سب انسپکٹر محمد عرس سولنگی کو گرفتار کر کے شارع فیصل تھانے سے چوری کی گئی کار برآمد کرلی۔
واضح رہے کہ اس قبل بھی اے وی ایل سی پولیس کار چوری میں ملوث 2 پولیس اہلکاروں کو گرفتار کرچکی ہے۔
الیکشن کمیشن کا جمشید دستی کیخلاف اسپیکر ریفرنس پرکارروائی چلانے کا فیصلہ