ڈاکٹر ثنا اظہر کی آٹزم پر تحقیق اور آگاہی مہم
اشاعت کی تاریخ: 2nd, April 2025 GMT
رہورٹ: افق چوہان
آٹزم پر تحقیق اور اس کے علاج کے لیے سرگرم عمل ڈاکٹر ثنا اظہر اس بیماری سے متعلق آگاہی پھیلانے میں اہم کردار ادا کر رہی ہیں۔ ان کا اس میدان میں کام ذاتی تجربے سے جڑا ہے، کیونکہ ان کے اپنے بچے پیدائش سے ہی آٹزم کا شکار ہیں۔ اسی لیے وہ آٹزم کے چیلنجز اور متاثرہ افراد کی منفرد صلاحیتوں کو قریب سے سمجھتی ہیں اور اس حوالے سے مؤثر حکمت عملیوں کی وکالت کر رہی ہیں۔
آٹزم ایک نیورولوجیکل بیماری ہے جو بچوں کی سماجی تعلقات، رویے اور گفتاری صلاحیتوں کو متاثر کرتی ہے۔ اس کی شدت ہر فرد میں مختلف ہو سکتی ہے۔ کچھ بچے سماجی میل جول میں مشکلات کا شکار ہوتے ہیں، جبکہ کچھ غیر معمولی ذہانت رکھتے ہیں۔ ڈاکٹر ثنا کے مطابق اس بیماری کی جلد تشخیص انتہائی ضروری ہے، جو عام طور پر 18 ماہ سے 3 سال کی عمر میں ممکن ہوتی ہے۔ اس کے لیے رویے کا تجزیہ اور ماہرین کا تفصیلی معائنہ کیا جاتا ہے۔
آٹزم کا کوئی مستقل علاج نہیں، لیکن بروقت توجہ اور تھراپی سے مریضوں کی زندگی بہتر بنائی جا سکتی ہے۔ علاج کے مختلف طریقوں میں بیہیویئر تھراپی، گفتار اور جسمانی تھراپی، خصوصی تعلیمی پروگرام اور بعض صورتوں میں ادویات شامل ہیں جو بے چینی، نیند کے مسائل اور ہائپر ایکٹیویٹی کو کنٹرول کرنے میں مدد دیتی ہیں۔
پاکستان میں آٹزم کے شکار بچوں کے لیے خصوصی مراکز قائم ہیں، جن میں آٹزم ریسورس سینٹر اسلام آباد، لاہور اور کراچی میں خدمات فراہم کر رہا ہے۔ ڈاکٹر ثنا اظہر اپنی ذاتی اور پیشہ ورانہ تجربے کی بنیاد پر آٹزم سے متعلق شعور اجاگر کرنے اور متاثرہ افراد کے لیے بہتر مواقع پیدا کرنے کے لیے سرگرم عمل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آٹزم آگاہی مہم ڈاکٹر ثنا اظہر.ذریعہ: WE News
کلیدی لفظ: آگاہی مہم ڈاکٹر ثنا اظہر ڈاکٹر ثنا اظہر کے لیے
پڑھیں:
صدر زرداری کورونا میں مبتلا، اسپتال میں زیر علاج
صدر مملکت آصف علی زرداری کراچی کے اسپتال میں زیر علاج ہیں، ان کا کورونا ٹیسٹ مثبت آیا ہے، وزیراعظم شہباز شریف نے قوم سے صدر مملکت کی صحت کے لیے دعا کی اپیل کی ہے۔
وزیراعظم شہباز شریف نے اس سے قبل صدر زرداری کو فون کر کے ان کی خیریت دریافت کی تھی۔
صدر کی صحت سے متعلق اظہارِ تشویش کرتے ہوئے وزیراعظم نے ان کی جلد شفایابی کی دعا کی اور صدر مملکت کو بہترین طبی سہولیات فراہم کرنے کی ہدایت کی۔
صدر کے ذاتی معالج ڈاکٹر عاصم حسین نے جیو نیوز کو بتایا کہ کورونا ٹیسٹ مثبت آنے پر صدر کی ملاقاتوں پر پابندی لگادی گئی ہے، انہیں مکمل آئسولیشن میں رکھا جا رہا ہے۔
ڈاکٹر عاصم حسین کے مطابق آصف علی زرداری انفیکشس ڈیزیز کے ماہرین کے زیرِ علاج ہیں، ان کے کئی ٹیسٹ کیے گئے ہیں اور مکمل مانیٹرنگ کی جا رہی ہے۔
دوسری جانب سندھ کے سینئر وزیر شرجیل میمن نے صدر زرداری کو دبئی منتقل کرنے کی خبروں کو مسترد کردیا ہے۔
ان کا کہنا ہے کہ صدر زرداری 4 اپریل کو ذوالفقار علی بھٹو کی برسی کے جلسے میں شرکت نہیں کریں گے، برسی کی تقریب سے بلاول بھٹو زرداری خطاب کریں گے۔
گورنر پنجاب سلیم حیدر، گورنر کے پی فیصل کریم کنڈی اور گورنر سندھ کامران ٹیسوری نے بھی صدر زرداری کی جلد صحت یابی کیلئے دعا کی ہے۔
گورنر ٹیسوری نے صدر زرداری کے لیے اسپتال میں گلدستہ بھی بھجوایا ہے، جبکہ اسپیکر پنجاب اسمبلی ملک احمد خان نے بھی صدر مملکت کی جلد صحت یابی کیلئے دعا کی ہے۔
خیبرپختونخوا پولیس کی تنخواہیں دیگر صوبوں کی پولیس سے کم