بانی پی ٹی آئی نے جنید اکبر کی جانب سے کی گئی تعیناتیاں واپس لینے کی ہدایت کی ہے، اعظم سواتی
اشاعت کی تاریخ: 1st, April 2025 GMT
بانی پی ٹی آئی نے جنید اکبر کی جانب سے کی گئی تعیناتیاں واپس لینے کی ہدایت کی ہے، اعظم سواتی WhatsAppFacebookTwitter 0 1 April, 2025 سب نیوز
راولپنڈی (سب نیوز) بانی پی ٹی آئی سے بشری بی بی، اعظم سواتی اور دیگر نے ملاقات کی، ملاقات کے بعد اعظم سواتی نے کہا کہ بانی پی ٹی آئی نے جنید اکبر کی جانب سے کی گئی تعیناتیاں واپس لینے کی ہدایت کی ہے۔ سردارخان اوراکرام اللہ پر کرپشن کے چارجز ہیں۔ بانی پی ٹی آئی کے فوکل پرسن نیاز اللہ نیازی کا کہنا ہے کہ پی ٹی آئی سیکرٹری جنرل سلمان اکرم راجہ نے کہا ہے کہ اعظم سواتی کی بات پر جنید اکبر سے بات کرونگا۔
راولپنڈی کی اڈیالہ جیل کے باہر میڈیا سے گفتگو میں سابق وزیر، اعظم سواتی کا کہنا تھا کہ میری آج بانی پی ٹی آئی سے دیگر دو لوگوں کے ہمراہ ملاقات ہوئی ہے، بانی پی ٹی آئی کو بتایا کہ سلمان اکرم راجہ آپ کا سودا نہیں کرینگے، سردار خان اور اکرام اللہ نیازی پر کرپشن کے چارجز کے باوجود انہیں عہدے دیئے گئے ہیں۔
انھوں نے کہا کہ میں نے بانی کو مانسہرہ کی کرپشن کے معاملات بارے بتایا اور کہا کہ کمیٹی کے معاملات سامنے لایا جائے، انھوں نے کہا ہے کمیٹی نے فیصلہ کیا ہے تو اسپیکر کے پی اسمبلی کو مستفی ہو جانا چاہیئے، جنید اکبر کے بارے بھی بانی پی ٹی آئی کو بتایا۔
اعظم سواتی کا کہنا تھا کہ بانی نے کہا ہے ان کی کی گئی تعیناتیوں کو فوری واپس کیا جائے، پنجاب کے معاملات پر بھی بانی کو بریف کیا بتایا عالیہ حمزہ کا راستہ روکا جارہا ہے، ہم نے بانی پی ٹی آئی کو ہر صورت جیل سے نکالنا ہے، علی امین گنڈا پور کرپشن کے معاملات پر خاموش نہیں۔
انھوں نے مزید کہا کہ ہم نے بانی کو ہر صورت جیل سے نکالنا ہے، علی امین گنڈا پور کرپشن کے معاملات پر خاموش نہیں بیٹھے اور علی امین گنڈا پور کی اجازت سے ہی میں بانی سے ملنے آیا ہوں۔
پی ٹی آئی سیکرٹری جنرل سلمان اکرم راجہ نے کہا ہے کہ اعظم سواتی کی بات پر جنید اکبر سے بات کرونگا،،پنجاب میں اگر کوئی مسئلہ ہے تو اس پر بھی گفت شنید ہوسکتی ہے،پارٹی میں کوئی لڑائی نہیں چھوٹے موٹے معاملات چلتے رہتے ہیں۔
اڈیالہ جیل راولپنڈی کے باہر سلمان اکرم راجہ سمیت دیگر پارٹی رہنماؤں کے ہمراہ میڈیا سے گفتگو میں بانی پی ٹی آئی کے فوکل پرسن نیاز اللہ نیازی کا کہنا تھا کہ اسلام آباد ہائیکورٹ کے لارجر بنچ کے فیصلے کے مطابق آج ملاقات نہیں کرائی گئی، سلمان اکرم راجہ کی مرتب کردہ فہرست کے مطابق صرف اعظم سواتی کی ملاقات کرائی گئی۔
نیاز اللہ نیازی نے کہا کہ ہم اسلام آباد ہائیکورٹ کے فیصلے کے ساتھ کھڑے ہیں، ان احکامات کی خلاف ورزی کی جارہی ہے، ہم توہین عدالت کی درخواست دائر کر رہے ہیں، مبشر مقصود اعوان نے میڈیا سے گفتگو میں کہا کہ بانی کہتے ہیں انہیں کتابیں نہیں دی جا رہی، سات ماہ سے بچوں سے فون پر بات بھی نہیں کرائی گئی اور سیاسی ملاقاتیں بھی نہیں کرنے دی جا رہی ہیں۔
ذریعہ: Daily Sub News
کلیدی لفظ: سلمان اکرم راجہ بانی پی ٹی آئی اعظم سواتی کے معاملات اللہ نیازی جنید اکبر نے کہا ہے کرپشن کے کا کہنا کہا کہ کی گئی
پڑھیں:
اگلے ہفتے خیبر پی کے سے احتجاجی تحریک کا آغاز ہو گا: جنید اکبر
پشاور (نوائے وقت رپورٹ) پی ٹی آئی خیبر پی کے کے صدر جنید اکبر نے کہا ہے کہ اگلے ہفتے پورے صوبے میں احتجاجی تحریک کا آغاز ہو گا۔ احتجاج کیلئے جو حکم ہو گا وہ کریں گے۔ وزیراعلیٰ علی امین گنڈا پور کو ہٹانے کی کوئی بات نہیں ہوئی۔ علی امین گنڈا پور کو بانی پی ٹی آئی نے وزیراعلیٰ بنایا ہے، وزیراعلیٰ کے وکٹ کے دونوں طرف کھیلنے پر تبصرہ نہیں کروں گا۔ پارٹی کی سینئر قیادت نے وزیراعلیٰ کے بیان کا نوٹس لیا ہے۔ دونوں فریقین کو صبر اور تحمل کا مشورہ دیا گیا ہے۔ پولیٹیکل کمیٹی معاملے کو جلد حل کر لے گی ۔ میرے اور وزیراعلیٰ کے درمیان بھی اختلاف تھا، پارٹی میں اختلافات ہوتے ہیں اس کا پارٹی پر کوئی اثر نہیں پڑتا۔ عاطف خان بطور پشاور ریجن صدر‘ وزیراعلیٰ کے ساتھ نہیں چل سکے۔ عاطف خان میرے ساتھ چل رہے ہیں۔
ہارورڈ لاء سکول انٹرن شپ سے کوئی تعلق نہیں‘ سپریم کورٹ