ڈیڈ لائن گزر گئی، امریکا میں داخلے کے قانون پر عملدرآمد نہ ہوسکا
اشاعت کی تاریخ: 1st, April 2025 GMT
ٹرمپ حکومت نے امریکا میں داخلے سے متعلق سفری پابندیوں کا پلان غیر معینہ مدت کے لیے ملتوی کر دیا۔
یہ بھی پڑھیں:ایران پر بمباری کی گئی تو امریکا کو سخت ضرب کا سامنا کرنا پڑے گا، آیت اللہ علی خامنہ ای
میڈیا رپورٹ کے مطابق امریکی محکمہ خارجہ کی ترجمان ٹیمی بروس کا کہنا ہے کہ فی الوقت سفری پابندیوں پر براہ راست کام نہیں ہو رہا، توجہ امریکا میں داخلے کے لیے سیکیورٹی شرائط کو بہتر بنانے پر مرکوز ہے۔
یاد رہے کہ امریکی صدر ڈونلڈ ٹرمپ کے ایگزیکٹو آرڈر میں دی گئی ابتدائی ڈیڈ لائن گزر چکی ہے اور نئی ڈیڈ لائن کا کوئی اعلان نہیں کیا گیا۔
امریکی محکمہ خارجہ کی ترجمان واضح کیا کہ پابندیوں سے متعلق رپورٹ کب تک تیار ہوگی، اس بارے میں کچھ نہیں کہا جا سکتا۔
یہ بھی پڑھیں:امریکی صدر ٹرمپ کی متنازع پالیسیاں، امریکی سائنسدان ملک چھوڑنے پر مجبور
ترجمان کے مطابق ایگزیکٹو آرڈر میں بیان کردہ ہدایات پر عمل جاری ہے لیکن یہ عمل سفری پابندیوں کے نفاذ سے متعلق نہیں، بلکہ دیگر ممالک کے سیکیورٹی معیارات کا جائزہ لینے سے متعلق ہے۔
ان کا کہنا تھا کہ اس جائزے کا مقصد یہ طے کرنا ہے کہ آیا یہ ممالک امریکا میں داخلے کے لیے ضروری سیکیورٹی تقاضوں پر پورا اترتے ہیں یا نہیں۔
ترجمان کے مطابق ڈیڈ لائن کا نہ ہونا اس بات کا اشارہ نہیں کہ اس منصوبے پر کام نہیں ہو رہا، بلکہ صدر ٹرمپ کے احکامات پر عمل درآمد کے لیے اقدامات جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ترجمان دفترخارجہ ڈونلڈٹرمپ سفری پابندیاں.ذریعہ: WE News
کلیدی لفظ: امریکا ترجمان دفترخارجہ ڈونلڈٹرمپ سفری پابندیاں امریکا میں داخلے ڈیڈ لائن کے لیے
پڑھیں:
اسلام آباد پولیس کی قانون شکنوں کیخلاف کارروائی، 36 افراد گرفتار
اسلام آباد پولیس نے جرائم پیشہ اور قانون شکن افراد کیخلاف کارروائی میں 36 کو گرفتار کرلیا، جب کہ ایک ڈاکو زخمی حالت میں فرار۔
یہ بھی پڑھیں:اسلام آباد پولیس پر فائرنگ کرنے والے 2 ڈاکو زخمی حالت میں گرفتار
اسلام آباد پولیس ترجمان کے مطابق فیض آباد پل پر موٹرسائیکل سوار ڈاکوؤں نے واردات کی کوشش کی، تاہم پولیس کے بروقت اقدام پر واردات ناکام بنا دی گئی۔
پولیس ترجمان کے مطابق ڈاکوؤں نے پولیس کو دیکھتے ہی فائرنگ کردی۔ فائرنگ کے تبادلے میں ڈاکو زخمی حالت میں موٹرسائیکل چھوڑ کرفرار ہوگئے۔
پولیس ترجمان کے مطابق زخمی ڈاکوؤں کا تعاقب جاری ہے، جلد گرفتار کرلیا جائے گا۔ آئی جی اسلام آباد سید علی ناصر رضوی کی پولیس جوانوں کو شاباش دی ہے۔
ون ویلرز کے خلاف ایکشندوسری جانب اسلام آباد پولیس نے ہلڑبازی کرنے والے منچلوں اور ون ویلرز کے خلاف ایکشن لیتے ہوئے مختلف تھانوں میں 116 سے زائد موٹرسائیکل اور متعدد گاڑیاں بند کر دی ہیں۔
ون ویلنگ کرنے والے 36 ویلرز کو بھی گرفتار کرلیا گیا، جب کہ غیرقانونی اقدام کے مرتکب متعدد افراد کے خلاف مقدمات بھی درج کر لیے گئے ہیں۔
ڈی آئی جی اسلام آباد،چیف ٹریفک آفیسر، ایس ایس پی آپریشنز سیکیورٹی و ٹریفک ڈیوٹیز کی نگرانی کررہے ہیں۔ پولیس کے تمام پٹرولنگ یونٹس، آپریشنل و ٹریفک پولیس سڑکوں، پارکوں میں موجود ہے۔
فیمیلیز، بچوں کو تفریحی مقامات پر مکمل سکیورٹی فراہم کی جارہی ہے۔ پولیس نے شہریوں کو کسی بھی ایمرجنسی کے متعلق پکار 15 پر اطلاع دینے کی ہدایت کی ہے۔
مری روڈ پر انڈرپاس کی کنسٹرکشنترجمان اسلام آباد پولیس کے مطابق مری روڈ پر انڈرپاس کی کنسٹرکشن جاری ہے۔ انڈر پاس کنسٹرکشن کی وجہ سے ٹریفک کی روانی سست ہورہی ہے۔
پولیس ترجمان کے مطابق ٹریفک افسران، ٹریفک کی روانی کو برقرار رکھنے کے لیے موجود ہیں۔ شہری مری کی طرف سفر کرنے کے لیے 20 منٹ کا اضافی وقت رکھ کر نکلیں۔
شہری ٹریفک کے متعلق معلومات پکار 15، اسلام آباد پولیس کے سوشل میڈیا پیجز سے حاصل کرسکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس ڈاکو مری روڈ کنسٹریکشن ون ویلنگ
ملک میں 62 فیصد تک معمول سے کم بارشیں، خشک سالی کا الرٹ جاری