ملک میں گرمی بڑھنے سے گلیشیئر پگھلنے، جھیلیں نمودار ہونے کا امکان
اشاعت کی تاریخ: 1st, April 2025 GMT
---فائل فوٹو
محکمۂ موسمیات نے گرمی میں اضافے کا امکان ظاہر کرتے ہوئے بتایا ہے کہ کراچی سمیت سندھ میں فی الحال بارش کا کوئی امکان نہیں، البتہ رواں ماہ اپریل تا جون ملک کے بیشتر مقامات پر معمول کے مطابق بارش کا امکان ہے۔
ترجمان محکمۂ موسمیات انجم نذیر کے مطابق آنے والے دنوں میں ملک کے بالائی و شمالی علاقوں میں گرمی کی شدت میں اضافے کا امکان ہے جس کے باعث گلیشئیرز پگھلنے کا عمل تیز ہو گا۔
انہوں نے بتایا ہے کہ اس سے دریاؤں میں پانی کا بہاؤ بڑھے گا اور خشک سالی کا خدشہ کچھ کم ہو گا تاہم گلیشیئرز پگھلنے سے جھیلیں نمودار ہونے کے واقعات میں بھی اضافہ ہو سکتا ہے۔
کراچی میں آج عید کے دوسرے دن بھی موسم گرم ہے۔
ترجمان محکمۂ موسمیات انجم نذیر نے بتایا ہے کہ کراچی میں آئندہ چند روز کے دوران موسم گرم اور خشک رہنے کا امکان ہے۔
کراچی شہر کا درجۂ حرارت 38 ڈگری سینٹی گریڈ تک جا سکتا ہے۔
ان کا یہ بھی کہنا ہے کہ شہرِ قائد میں نمی کا تناسب کم ہونے کے باعث درجۂ حرارت کی شدت زائد محسوس نہیں ہو گی۔
.ذریعہ: Jang News
کلیدی لفظ: کا امکان
پڑھیں:
غذر: تحصیل پھنڈر کا زمینی رابطہ آج چھٹے روز بھی منقطع
— فائل فوٹوبرفانی تودے گرنے سے گلگت بلتستان کے ضلع غذر کی بالائی تحصیل پھنڈر کا زمینی رابطہ آج چھٹے روز بھی منقطع ہے۔
شدید برف باری کے بعد پھنڈر اور گرد و نواح میں موصلاتی نظام بھی درہم برہم ہو گیا ہے۔
کراچی میں آج عید کے دوسرے دن بھی موسم گرم ہے۔
سابق صوبائی وزیر عبدالجہاں کا کہنا ہے کہ پھنڈر کے عوام گزشتہ 6 روز سے برف میں محصور ہیں، رابطہ بھی نہیں ہو رہا۔
ان کا کہنا ہے کہ صوبائی حکومت ایمرجنسی لگا کر پھنڈر کے سڑکیں بحال کرے۔
ملک میں 62 فیصد تک معمول سے کم بارشیں، خشک سالی کا الرٹ جاری