عامر خان کی سابقہ بیویوں کے ایک ساتھ عید منانے کی تصاویر وائرل، مداح حیران
اشاعت کی تاریخ: 1st, April 2025 GMT
فلمساز کرن راؤ نے اپنے سابق شوہر اداکار عامر خان کے اہل خانہ کے ساتھ عید مناتے ہوئے تصاویر شیئر کر دیں۔
کرن راؤ نے اپنے انسٹاگرام ہینڈل پر عامر کی سابقہ اہلیہ رینا دتہ کے ساتھ بھی ایک سیلفی پوسٹ کی جو سوشل میڈیا پر وائرل ہو رہی ہے اور صارفین کی توجہ کا مرکز بنی ہوئی ہیں۔
پہلی تصویر میں عامر کی والدہ زینت حسین کرن راؤ کے ساتھ پوز کر رہی ہیں۔ کرن نے اس کے بعد رینا اور عامر کی بہنوں، نکھت ہیگڑے اور فرحت دتا کے ساتھ تصویر شیئر کیں تاہم عامر خان ان تصاویر میں موجود نہیں تھے۔
View this post on InstagramA post shared by Kiran Rao (@raodyness)
پوسٹ کو شیئر کرتے ہوئے، کرن نے کیپشن میں لکھا ’امی کے ہاں عید! جو سب سے بہترین اور سب سے خوبصورت میزبان ہیں- خاندان، دوستوں اور ہمیشہ بہترین دعوت کے ساتھ جشن ہے! ہم امید کرتے ہیں اور دعا کرتے ہیں کہ یہ سال ہم سب کے لیے امن اور خوشی لائے‘۔
سوشل میڈیا صارفین کی جانب سے کرن راؤ اور ان کے اہلِ خانہ کو عید کی مبارکباد دیتے ہوئے نیک تمناؤں کا اظہار کیا جبکہ کچھ صارفین نے کرن راؤ کو خوش مزاجی کے ساتھ عامر خان کی پہلی بیوی رینا دتہ کے ساتھ تصویر بنوانے اور عید منانے پر حیرت کا اظہار کیا۔
View this post on InstagramA post shared by Instant Bollywood (@instantbollywood)
Post Views: 1.ذریعہ: Daily Mumtaz
کلیدی لفظ: کے ساتھ
پڑھیں:
مریم نواز کے حکم پر ٹرانسپورٹرز کیخلاف گرینڈ آپریشن، 33 لاکھ روپے واپسی پر مسافر حیران، وزیراعلیٰ کا شکریہ
لاہور (نوائے وقت رپورٹ) وزیراعلیٰ پنجاب مریم نواز شریف کے حکم پر صوبہ بھر میں انتظامیہ، پولیس اور محکمہ ٹرانسپورٹ ان ایکشن۔ وزیر اعلیٰ مریم نواز شریف کی زیر نگرانی پبلک ٹرانسپورٹ کے کرایوں کی مد میں اوور چارجنگ کے خلاف گرینڈ آپریشن جاری ہے۔ تمام اضلاع میں گرینڈ آپریشن، مختلف اضلاع میں مسافروں کو 33 لاکھ 40 ہزار روپے سے زائد واپس دلائے گئے۔ اس کے ساتھ ساتھ اوورچارجنگ کرنے والے ٹرانسپورٹرز کو 23لاکھ سے زائد جرمانے عائد کئے گئے اور 1333 سے زائد گاڑیوں پر اوور چارجنگ ثابت ہونے پر چالان کئے گئے جبکہ 264گاڑیاں بند کر دی گئیں۔ کرایوں میں اوورچارجنگ کی مد میں ناجائز طور پر وصول کردہ رقم واپس ملنے پر مسافر حیران ہو گئے۔ مسافر نے تاثرات کا اظہار کرتے ہوئے کہاکہ شکریہ وزیراعلیٰ، پہلی دفعہ عید پر گھر جانے والے پردیسیوں کا کسی کو خیال آیا۔ بزرگ خواتین مسافروں نے وزیر اعلیٰ مریم نواز شریف کو دعائیں دیں۔ مریم نواز شریف کی ہدایت پر مسافروں کے لئے خصوصی ہیلپ لائن 99030222 042 بھی قائم کر دی گئی۔ محکمہ ٹرانسپورٹ کے ملازمین اور افسران کی چھٹیاں منسوخ، عید کے ایام میں محکمہ ٹرانسپورٹ کا سپیشل سکواڈ تمام بڑے بس سٹینڈز پر موجود رہے گا۔ وزیراعلیٰ مریم نواز شریف نے ڈپٹی کمشنرز، پولیس اور روڈ ٹرانسپورٹ اتھارٹی کے افسروں اور سٹاف کو شاباش دی۔ وزیر اعلیٰ نے عوام سے اپیل کی کہ صرف مقررہ کرایہ ہی ادا کریں۔ کرایہ نامے گاڑیوں اور ٹرانسپورٹ اڈوں پر نمایاں آویزاں کر نے کی ہدایت کی۔ علاوہ ازیں وزیراعلیٰ مریم نواز شریف نے ورلڈ زیرو ویسٹ ڈے پر اپنے پیغام میں کہا ہے کہ کرہ ارض کو آلودگی سے پاک کرنا سب کی ذمہ داری ہے۔ ستھرا پنجاب پروگرام کے تحت پنجاب کے ہر شہر کو زیرو ویسٹ کیا جا رہا ہے۔ محمود بوٹی ڈمپنگ سائٹ پر سوا کروڑ ٹن سے زائد کوڑا کرکٹ کا ڈھیر سرسبز جنگل اور سولر پارک میں تبدیل ہو رہا ہے۔ مریم نواز شریف نے کہاکہ پلاسٹک ویسٹ مینجمنٹ کے لیے پلاسٹک بیگز پر پابندی کو یقینی بنایا جا رہا ہے۔ کسانوں کو سبسڈی پر سپر سیڈرز دئیے جا رہے ہیں۔ صوبہ میں فیکٹریوں اور صنعتوں میں ماحولیاتی قوانین کا نفاذ یقینی بنایا جا رہا ہے۔ پہلی کلائمیٹ چینج پالیسی اور جامع پلان ماحولیاتی آلودگی سے نمٹنے کیلئے گیم چینجر ثابت ہو گا۔ ہر شہری کی سماجی ذمہ داری ہے وہ پلاسٹک کا استعمال ترک کرے۔ وزیر اعلیٰ مریم نواز شریف نے شوال المکرم کا چاند نظر آنے پر مبارکباد دی ہے۔ کہا کہ دعا ہے کہ اللہ تعالی ہم پر شوال کا یہ چاند امن، ایمان، سلامتی اور اسلام کے ساتھ طلوع فرمائے۔ روزے، نمازیں، نوافل اور عبادات قبول فرمائے۔ وزیراعلی مریم نوازشریف نے کہاکہ عید الفطرکا چاند ہر گھر میں امن، سکون اور خوشیاں لائے۔ ہر دن اور ہر رات امن وسلامتی کی ہو۔ مریم نوازشریف نے اہل پاکستان کو عید الفطر کی مبارکباد دی۔ کہا اللہ تعالی سے یوم عید پر ہر فرد کی خوشی کے لئے دعا گو ہوں۔ دلی دعا ہے کہ ارض پاک پر اترنے والی خوشیوں کو کبھی زوال نہ آئے۔ عیدالفطر ہر مسلمان کے لئے یوم تشکر اور اللہ تعا لی کا انعام ہے۔ عید الفطر پر یتامیٰ اور مساکین کا احساس اور دلجوئی کرنا سنت نبویؐ ہے۔ عید الفطر کے روز شہداء کے خاندانوں کو بھی یاد رکھا جائے۔ گلی محلے میں ان لوگو ں کا خیال خود کیجئے جن کا دسترخوان عید کے روز بھی خالی ہے۔
بھارتی کرکٹر اور اداکار جوڑی کے ہاں بیٹی کی پیدائش