آسٹریلیا میں جَلد ڈومیسٹک کرکٹ کھیلتا دکھائی دوں گا: عثمان قادر
اشاعت کی تاریخ: 1st, April 2025 GMT
پاکستان کے سابق انٹرنیشنل کرکٹر عثمان قادر نے کہا ہے کہ آسٹریلیا منتقلی کے بعد معاملات کنٹرول میں ہیں، جَلد یہاں ڈومیسٹک کرکٹ کھیلتا دکھائی دوں گا۔
میڈیا سے گفتگو کے دوران انہوں نے کہا ہے کہ میں اپنے اور اپنی فیملی کے بہتر مستقبل کے لیے آسٹریلیا منتقل ہوا، سب کچھ پلان کے ساتھ آگے بڑھ رہا ہے۔
عثمان قادر کا کہنا ہے کہ میرے والد کی خواہش تھی کہ میں پاکستان کی طرف سے کھیلوں، تاہم میں آسٹریلیا کی طرف سے کھیلتا ہوں یا نہیں لیکن میں اپنا پورا زور لگاؤں گا۔
انہوں نے یہ بھی کہا کہ پاکستان میں رمضان کا اپنا ہی مزہ ہے، خوشی کے موقع پر فیملی سے دور نہیں رہا جاتا۔
واضح رہے کہ ماضی کے عظیم لیگ اسپنر عبدالقادر کے بیٹے اور پاکستان کے انٹر نیشنل کرکٹر عثمان قادر آسٹریلیا میں قسمت آزما رہے ہیں۔
عثمان قادر نے گزشتہ ماہ پاکستان سے گلے شکوے کیے تھے۔
ان کا کہنا تھا کہ شاداب خان، محمد نواز اور اسامہ میر کی طرح مجھے بھی مسلسل مواقع ملتے تو میں کچھ مختلف کر پاتا، پہلی دو سیریز اچھی کرنے کے باوجود مجھے باہر بٹھا دیا گیا، پسند ناپسند زیادہ ہوتی ہے، میں نے اب آسٹریلیا میں ہی رہنے کا فیصلہ کیا ہے، یہاں رہوں گا اور کھیلوں گا۔
عثمان قادر نے یہ بھی کہا تھا کہ ہو سکتا ہے کہ آئندہ سال آپ مجھے میلبرن کرکٹ گراؤنڈ میں کھیلتا ہوا دیکھیں۔
Post Views: 1.ذریعہ: Daily Mumtaz
پڑھیں:
مجھے پہلی دفعہ 10 روپے عیدی ملی تھی، صوبائی وزیر صحت خواجہ عمران نذیر
پنجاب کے صوبائی وزیر صحت خواجہ عمران نذیر نے عید کے حوالے سے بتایا کہ وہ کس طرح اپنی عید مناتے تھے اور اب کیسے منا رہے ہیں۔
وی نیوز کو خصوصی انٹرویو دیتے ہوئے خواجہ عمران نذیر نے بتایا کہ عید کے دن سب سے پہلے وہ اپنی والدہ کو عید ملتے ہیں اس کے بعد وہ قبرستان اور پھر دوست احباب سے ملاقاتیں کرتے ہیں۔
انہوں نے بتایا کہ مجھے یاد پڑتا جب مجھے تھوڑا بہت ہوش تھا مجھے اپنے والد سے 10 روپے عیدی ملی تھی، اس 10 روپے میں بھی اتنی خوشی تھی کہ میں آپ کو بتا نہیں سکتا۔ 10 روپے جو عیدی کے ملے تھے اس وہ سب کچھ آجاتا جس کی آپ خواہش کر رہے ہوتے تھے۔ اس وقت زیادہ خوشی کولڈ ڈرنک پینے کی ہوتی تھی۔ اب میں اپنے بچوں کو 10 ہزار روپے عیدی دیتا ہوں۔
عید پر اپنی ڈریسنگ خود کرتا ہوں پچھلے کئی سالوں سے کوئی سوٹ اپنی جیب سے نہیں خریداایک سوال کا جواب دیتے ہوئے صوبائی وزیر صحت خواجہ عمران نذیر کا کہنا تھا کہ مجھے ڈریسنگ کا شوق ہے، جوتے اچھے برانڈز کے پہنتا ہوں، پچھلے کئی برسوں سے میں نے اپنی جیب سے کوئی سوٹ نہیں لیا، مجھے میرے دوست گفٹ کر دیتے ہیں، اس طرح جوتے بھی مجھے گفٹ مل جاتے ہیں۔
رمضان میں جتنا ہو سکے صدقہ خیرات کرتا ہوںصوبائی وزیر صحت خواجہ عمران نذیر نے کہا کہ میں نے وزیر اعلیٰ پنجاب مریم نواز سے کہا ہوا ہے کہ 11 مہینے جتنا مرضی کام کروائیں، ایک رمضان کے مہینے میں ہمیں جلدی چھٹی دے دیا کریں۔ رمضان المبارک میں آفس سے جلد گھر چلا جاتا ہوں، افطاری میں اپنے گھر میں کرتا ہوں۔ پورا سال صدقہ خیرات بانٹا جاتا ہے لیکن رمضان المبارک کے مہینے میں زیادہ صدقہ خیرات کیا جاتا ہے اس مہینے ہم نے 5 کروڑ روپے کا راشن غریب لوگوں میں تقسیم کیا ہے۔
کھانے میں چکن پسند ہےایک سوال کا جواب دیتے ہوئے صوبائی وزیر صحت کا کہنا تھا کہ عید والے دن گھر میں سوئیاں بنائی جاتی ہیں، جسے شوق سے کھایا جاتا ہے۔ باقی میں مٹن اتنا پسند نہیں کرتا جتنا میں چکن پسند کرتا ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خواجہ عمران نذیر رمضان صوبائی وزیر صحت عید مریم نواز
بھارتی کرکٹر اور اداکار جوڑی کے ہاں بیٹی کی پیدائش