شکاگو میں پاکستانی قونصل جنرل طارق کریم کی رہائش گاہ پر شاندار عید اوپن ہاؤس میگا ایونٹ کا انعقاد
اشاعت کی تاریخ: 1st, April 2025 GMT
شکاگو(نیوز ڈیسک) شکاگو میں پاکستان کے قونصل جنرل جناب طارق کریم نے عید الفطر کے پرمسرت موقع پر اپنی رہائش گاہ پر ایک شاندار عید اوپن ہاؤس میگا ایونٹ کا انعقاد کیا۔
اس تقریب میں 400 سے زائد مہمانوں نے شرکت کی، جن میں پاکستانی نژاد امریکی کمیونٹی کے ارکان، مقامی معززین، منتخب عہدیداران، ججز، پیشہ ور افراد، کاروباری شخصیات، قونصلر کور کے نمائندے، اور میڈیا کے افراد شامل تھے۔ منتخب عہدیداروں میں امریکی کانگریس کے رکن جوناتھن جیکسن، مختلف کاؤنٹیز کے حکام، بشمول DuPage County Sheriff اور ریاستی اٹارنی، عدالتوں کے ججز، اور کئی میئرز شامل تھے۔ مختلف ممالک کے قونصل جنرلز نے بھی اس تقریب میں شرکت کی۔
قونصل جنرل جناب طارق کریم اور ان کی اہلیہ، محترمہ عاصمہ طارق نے مہمانوں کا ذاتی طور پر استقبال کیا اور انہیں خوش آمدید کہا۔
حاضرین نے قونصل جنرل طارق کریم کی تعریف کی کہ انہوں نے یو ایس مڈویسٹ ریجن سے کمیونٹی کے افراد، ان کے اہل خانہ، اور مقامی عہدیداروں کو عید منانے کے لیے اکٹھا کیا۔ قونصل جنرل کی رہائش گاہ کو پاکستانی فنون اور دستکاری سے سجایا گیا تھا اور مہمانوں کے لئے مختلف قسم کے لذیذ پاکستانی کھانے موجود تھے، جس سے مہمانوں کو ایسا محسوس ہوا جیسے وہ پاکستان میں ہوں۔
اپنے استقبالیہ کلمات میں
قونصل جنرل طارق کریم نے کمیونٹی کے افراد کو عید کی مبارکباد دی۔ انہوں نے عید کو خوشیوں کی تقسیم، ہم آہنگی، اتحاد، اور ایک دوسرے کے لیے ہمدردی کے اظہار کا موقع قرار دیتے ہوئے کہا کہ عید کا مشترکہ جشن پرامن اور خوشحال دنیا کی تعمیر کے عزم کا مظہر ہے۔
قونصل جنرل نے کمیونٹی کے ارکان اور منتخب عہدیداروں پر زور دیا کہ وہ پاک-امریکہ شراکت داری کو فروغ دینے میں فعال کردار ادا کریں۔
منتخب عہدیداروں نے بھی دو طرفہ تعلقات کی اہمیت اور پاکستانی امریکن کمیونٹی کے اہم کردار پر بروشنی ڈالی۔
تقریب کا اختتام پاکستان کی سلامتی اور خوشحالی کے لیے دعا پر ہوا۔
ذریعہ: Daily Mumtaz
کلیدی لفظ: کمیونٹی کے
پڑھیں:
وزیراعلی کے پی سے حقیقی پی ٹی آئی جلد یوم نجات منائے گی، فیصل کریم کنڈی
وزیراعلی کے پی سے حقیقی پی ٹی آئی جلد یوم نجات منائے گی، فیصل کریم کنڈی WhatsAppFacebookTwitter 0 1 April, 2025 سب نیوز
ڈیرہ اسماعیل خان (سب نیوز) گورنر خیبر پختون خوا نے کہا ہے کہ جیل میں بانی پی ٹی آئی کو چیئرمین والی سہولیات عام قیدیوں کو بھی دی جائیں، اب تو چیخیں پشاور آ رہی ہیں، پھر کراچی تک سنائی دیں گی، وزیراعلی کے پی سے سے حقیقی پی ٹی آئی جلد یوم نجات منائے گی۔
ڈیرہ اسماعیل خان میں گورنر خیبر پختون خوا فیصل کریم کنڈی نے غیر رسمی گفتگو کرتے ہوئے کہا کہ کے پی حکومت امن و امان قائم کرنے میں ناکام ہو چکی ہے، ہمارا فوج پر اور ریاست پر مکمل اعتماد ہے۔ آرمی چیف کا ڈی آئی خان کا دورہ اچھا اقدام ہے، خیبر پختونخوا اور جنوبی اضلاع میں انٹیلی جنس بیس آپریشنز ہو رہے ہیں۔
انھوں نے کہا کہ لوگوں کا برا حال ہے، صوبائی حکومت امن و امان قائم کرنے میں ناکام ہو چکی ہے، امن و امان کے حوالے سے پھر ہماری انکھیں فوج کے جوانوں کی طرف ہوتی ہیں، زلزلے اور سیلاب میں بھی پاک فوج صورت حال سنبھالتی ہے، فوج اور ریاست اس ملک اور صوبے میں امن و امان کو قائم کرنے میں کوئی کمی نہیں چھوڑیں گے۔
فیصل کریم کنڈی نے کہا کہ ایک ایشو ہے سندھ اور پنجاب کینال کا اس کو خوش اسلوبی سے حل کرنا چاہیے، چیف ایگزیکٹو فیڈریشن کی ذمہ داری بنتی ہے کہ اس مسئلے کو حل کریں، سی سی ائی وہ فورم ہے جہاں پر مسئلے ڈسکس ہوتے ہیں، سندھ حکومت ہو یا وزیراعلی یا عوامی نمائندے اگر عوام کو مسئلہ ہوگا تو وہ کھڑے ہوں گے۔
گورنر کے پی نے کہا کہ کل بھی اگر کوئی جمہوری طریقے سے حکومت بنائے گا تو پیپلز پارٹی کی ضرورت ہوگی، مسئلہ یہ ہے کہ یہ ایکسٹرا کینال پر رو رہے ہیں،1991 کے بعد خیبر پختون خواہ کا حصہ ہے وہ بھی نہیں دیا گیا، انشاءاللہ جون میں چشمہ لفٹ کنال کا باقاعدہ افتتاح ہو جائے گا۔
فیصل کریم کنڈی نے کہا کہ پی ٹی آئی والے خواب دیکھتے ہیں کہ بانی کو عید نماز نہیں پڑھنے دی گئی، عید پر کسی نے ایپلیکیشن ہی ملاقات کی نہیں دی تو کیسے ملاقات کرائے تھے، عام طور پر ملاقاتیں ہوتی ہیں، اب یہ تو نہیں ہے کہ وہاں پر وہ چوکھٹ لگا کر بیٹھ جائیں جو بھی آ رہا ہوگا وہ ملے گا۔
انھوں نے کہا کہ پرابلم یہ ہے کہ پی ٹی آئی کے پانچ گروپ ہیں، ہر گروپ کی روزانہ ملاقات نہیں ہو سکتی جو طریقہ کار ہے جو پروسیجر ہے اس کے تحت ہوگی، امریکہ کے اسٹیڈیم میں کھڑے ہو کر بانی چیئرمین نے کہا تھا فرج بھی نکال دو، ور اب وہ مرغے مانگتے ہیں، میں کہتا ہوں کہ جیل میں ہیومن رائٹس کی وائلیشن ہو رہی ہے، اڈیالہ میں جو عام قیدی ہیں ان کو جیم اور مرغوں کی سہولت نہیں، جو عام قیدیوں کو سہولت نہیں ہے وہ بانی چیئرمین کو ہے۔
گورنر کے پی نے کہا کہ بانی چیئرمین نے جو تجویز دی تھی کے جیل میں اج اسی تجویز پر عمل کرنا چاہیے حکومت کو وہی تجویز بانی چیئر مین پر لاگو کی جائیں، اب تو چیخیں پشاور تک ا رہی ہیں پھر کراچی تک سنائی دیں گی، ہر ایشو پر چاہے وہ پاکستان کی سلامتی کا ایشو ہو ہیں، نیشنل سیکیورٹی کا ایشو ہو اور وہ چاہتے ہیں کہ ہمیں کسی طریقے این ار او ملے، نیشنل سیکیورٹی کے ایشو میں نہ شرکت کر کے این ار او مانگنے کی کوشش کی ہے۔
انھوں نے کہا کہ جب بانی چیئرمین خود وزیراعظم تھے تو قومی سلامتی کی میٹنگ میں خود غائب ہوتے تھے، بانی چیئرمین ان کو پاکستان سے کوئی غرض نہیں ہے، بانی چیئرمین کو پاکستان سے کوئی غرض نہیں اپنی غرض سے غرض ہے، محترمہ بے نظیر بھٹو جب جیل میں تھی اصف علی زرداری جیل میں تھے، میاں نواز شریف جب جیل میں تھے یہ ائیں گے تو ہم بات کریں گے، یہ تو مولانا فضل الرحمان کو بھی چھوڑ گئے تھے۔
فیصل کریم کنڈی نے مزید کہا کہ 26ویں ائینی ترمیم میں سارا ڈرافٹ پی ٹی ائی نے کیا، اب مولانا فضل الرحمان کو پھر چکمہ دینے کی کوشش کر رہے ہیں، بالکل میں سمجھتا ہوں کہ ڈیرہ جات ایک اہم ایونٹ ہے، صوبائی حکومت امن وامان کی صورت حال سے غافل ہے، وزیراعلی کو نہیں ہے پتہ ہے کہ لائن آرڈر کی کیا سچویشن ہے۔
بھارتی کرکٹر اور اداکار جوڑی کے ہاں بیٹی کی پیدائش