وزیراعظم شہباز شریف اور صدر آزاد کشمیر کا عیدالفطر پر رابطہ، باہمی مبارکباد اور نیک خواہشات کا تبادلہ
اشاعت کی تاریخ: 1st, April 2025 GMT
اسلام آباد: وزیراعظم پاکستان محمد شہباز شریف نے عیدالفطر کے موقع پر صدر آزاد جموں و کشمیر بیرسٹر سلطان محمود چوہدری سے رابطہ کیا اور انہیں عید کی مبارکباد پیش کی۔
صدر آزاد کشمیر نے بھی وزیراعظم کو عید کی مبارکباد دی اور ان کے لیے نیک خواہشات کا اظہار کیا۔ دونوں رہنماؤں نے عید کے پرمسرت موقع پر امت مسلمہ، خصوصاً پاکستان اور آزاد کشمیر کے عوام کی ترقی و خوشحالی کے لیے دعا کی۔
وزیراعظم شہباز شریف نے آزاد جموں و کشمیر کی ترقی، خوشحالی اور عوامی فلاح و بہبود کے لیے مل کر کام کرنے کے عزم کا اعادہ کیا اور کہا کہ حکومت آزاد کشمیر کے عوام کی بہتری کے لیے ہر ممکن تعاون جاری رکھے گی۔
Post Views: 1.ذریعہ: Daily Mumtaz
کلیدی لفظ: کے لیے
پڑھیں:
وزیر اعظم شہباز شریف اور ملائیشین وزیر اعظم انور ابراہیم کا ٹیلیفونک رابطہ، دوطرفہ تعلقات پر تبادلہ خیال
لاہور(نیوز ڈیسک) وزیر اعظم پاکستان محمد شہباز شریف اور ملائیشیا کے وزیر اعظم داتو سری انور ابراہیم کے درمیان آج ٹیلیفونک رابطہ ہوا، جس میں دونوں رہنماؤں نے ایک دوسرے کو عید الفطر کی مبارکباد دی اور دوطرفہ تعلقات پر تبادلہ خیال کیا۔
وزیر اعظم شہباز شریف نے ملائیشیا کے عوام اور حکومت کو دلی عید مبارک پیش کرتے ہوئے دونوں ممالک کے درمیان قریبی تعلقات کو مزید مستحکم بنانے کے عزم کا اعادہ کیا۔ انہوں نے گزشتہ اکتوبر میں ملائیشیا کے وزیر اعظم کے دورہ پاکستان کو یاد کرتے ہوئے دوطرفہ تعاون میں ہونے والی مثبت پیشرفت پر اطمینان کا اظہار کیا۔
ملائیشین وزیر اعظم انور ابراہیم نے رواں سال مئی میں وزیر اعظم شہباز شریف کے متوقع دورۂ کوالالمپور کی اہمیت پر زور دیتے ہوئے کہا کہ اس دورے کی کامیابی کو یقینی بنانے کے لیے بھرپور تیاریاں جاری ہیں۔
وزیر اعظم شہباز شریف نے اپنے ملائیشین ہم منصب کا شکریہ ادا کرتے ہوئے امید ظاہر کی کہ ان کا آئندہ دورہ ملائیشیا دونوں ممالک کے درمیان تعلقات کو مزید وسعت دے گا اور دوطرفہ تعاون کو مزید فروغ حاصل ہوگا۔
علاوہ ازیں، ملائیشیا کے وزیر اعظم نے سابق وزیر اعظم محمد نواز شریف سے بھی مختصر ٹیلیفونک گفتگو کی، جس میں دونوں رہنماؤں نے ایک دوسرے کو عید کی مبارکباد دی اور نیک خواہشات کا اظہار کیا۔
Post Views: 1
ٹینکر نے میاں اور حاملہ بیوی کو کچل دیا، موقع پر بچے کی پیدائش، تینوں چل بسے