ٹنڈوالہ یار : تیز رفتار کار نصیر کینال میں جاگری ، 4 افراد جاں بحق
اشاعت کی تاریخ: 1st, April 2025 GMT
صوبہ سندھ کے ضلع ٹنڈو الہ یار میں کار تیز رفتاری کے باعث نصیر کینال میں گر گئی جس کے نتیجے میں 4 افراد جاں بحق ہوگئے۔
پولیس کے مطابق حادثہ ٹنڈو الہ یار بائی پاس کے مقام پر پیش آیا جہاں تیز رفتار کار نصیر کینال میں جا گری جس کے نتیجے میں کار میں سوار چاروں افراد ڈوب کر جاں بحق ہوگئے۔
پولیس نے تصدیق کی ہے کہ کار تیز رفتاری کےباعث نصیر کینال میں گری جبکہ مرنے والوں کا تعلق کراچی سے ہے۔
مزید برآں پولیس نے میتیں کراچی منتقل کردی ہیں جبکہ مزید کارروائی کی جارہی ہے۔
.ذریعہ: Nawaiwaqt
کلیدی لفظ: نصیر کینال میں
پڑھیں:
کراچی میں عید کا چاند نظر آتے ہی حجاموں کی چاندنی، ریٹ دگنے ہوگئے
عید کے موقع پر دلکش اور ترو تازہ نظر آنے کے لیے نوجوان لڑکوں نے بھی مردانہ سیلون کا رخ کرلیا، شہر کے تمام سیلونز میں صبح سے گاہکوں کا رش لگ گیا، سیلون مالکان اور کاریگروں نے عید سے پہلے عیدی وصول کرنا شروع کردی۔
حجاموں نے حجامت کے ساتھ سروس چارجز کے ساتھ عیدی بھی شامل کردی گئی، کٹنگ، فیشل، ویکس کرانے والے نوجوانوں کی قطاریں لگ گئیں۔ اچھی ٹپ اور عیدی دینے والے گاہکوں کے لیے خصوصی سروس، چلتے پھرتے گاہکوں سے معذرت کرلی گئی۔
اتوار کے روز چاند رات سے قبل ہی نوجوانوں نے مردانہ سیلون کا رخ کیا۔ شہر بھر میں مردانہ سیلون پر صبح سے گاہکوں کا رش لگا رہا جو چاند رات کو صبح تک جاری رہے گا۔
مردانہ سیلونز پر کام کرنے والوں نے عید سے پہلے عیدی وصول کرلی، کٹنگ، فیشل، بلیچ، ویکس، خط بنوانے اور بالوں کو رنگنے کے سروس چارجز میں عیدی بھی شامل کردی گئی عام دنوں کے مقابلے میں چارجز دگنے کردیے گئے۔
خواتین کے سیلون کی طرح بڑے اور معروف مردانہ سیلونز میں نوجوانوں اور مردوں کے چہروں کو تروتازہ بنانے کے لیے آکسیجن اور ہربل فیشل بھی کیا جارہا ہے۔ سیلون پر بڑوں کے ساتھ بچوں کا بھی دن بھر رش لگا رہا جو رات گئے تک جاری رہا۔
اوسط درجے کے سیلونز اور ہیئر کٹنگ کے مراکز میں بڑوں کی ہیئرکٹنگ کی اجرت 300سے بڑھا کر 400روپے بچوں کی ہیئرکٹنگ 200سے بڑھا کر 300روپے کردی گئی، مختلف قسم کے فیشلز کی اجرت 1000سے 1500روپے، بلیچ اور ویکس کی اجرت 500سے 700روپے وصول کی گئی۔
پاکستانی ہائی کمیشن اوٹاوا میں پاکستان کا قومی دن روایتی جذبہ حب الوطنی کے ساتھ منایا گیا