حیدرآباد، نیا مہینہ شروع ہوتے ہی مبینہ پولیس مقابلہ، مطلوب ڈکیت ہلاک، ساتھی فرار
اشاعت کی تاریخ: 1st, April 2025 GMT
حیدر آباد:
نیا مہینہ شروع ہوتے ہی حیدرآباد میں پولیس نے ایک ڈکیتی گروہ کا مبینہ مقابلہ کیا، جس کے نتیجے میں ایک ملزم ہلاک ہو گیا، جبکہ اس کا ساتھی فرار ہو گیا۔
تفصیلات کے مطابق فورٹ پولیس نے شہر کے رکشہ مارکیٹ کے علاقے میں پیٹرولنگ کے دوران مشتبہ مسلح افراد کو دیکھا، جنہوں نے پولیس پر فائرنگ کر دی۔
پولیس نے فوری طور پر جوابی کارروائی کی جس کے دوران ایک ملزم ریاض السلام عرف مٹھو زخمی حالت میں گرفتار ہو گیا۔ پولیس کے مطابق گرفتار ملزم کو فوری طور پر اسپتال منتقل کیا جا رہا تھا کہ وہ دم توڑ گیا۔
مزید پڑھیں: حیدرآباد؛ پولیس پارٹی پر مسلح افراد کی فائرنگ، دو افراد جاں بحق، اے ایس آئی شدید زخمی
پولیس ترجمان نے بتایا کہ ہلاک ہونے والا ملزم انتہائی مطلوب تھا اور اس پر 21 سے زائد مقدمات درج تھے، جن میں ڈکیتی، لوٹ مار اور دیگر جرائم شامل ہیں۔ اس کے خلاف درجنوں وارداتوں میں ملوث ہونے کی اطلاعات تھیں۔
پولیس نے بتایا کہ اس کے ساتھی کی گرفتاری کے لیے چھاپے مارے جا رہے ہیں، اور فرار ملزم کی تلاش جاری ہے۔
پولیس حکام کا کہنا ہے کہ ان ملزمان کی گرفتاری کے بعد شہر میں امن و امان کی صورتحال میں مزید بہتری آئے گی۔
.ذریعہ: Express News
کلیدی لفظ: پولیس نے
پڑھیں:
کراچی میں گزشتہ رات دو مختلف حادثات میں دو افراد ہلاک
کراچی:شہر قائد میں گزشتہ رات دو مختلف حادثات میں دو افراد اپنی زندگی سے ہاتھ دھو بیٹھے۔
تفصیلات کے مطابق گلستان جوہر بلاک 19 گلشن بنگلوز کے قریب رہائشی عمارت کی تیسری منزل سے گر کر 22 سالہ نوجوان غلام بخش جاں بحق ہو گیا۔
ایدھی حکام نے ان کی لاش جناح اسپتال منتقل کی۔
ایک اور واقعہ میں ملیر معین آباد ریلوے لائن روڈ کے قریب ایک موٹر سائیکل سوار نوجوان 19 سالہ ارقم حادثے کا شکار ہو کر جاں بحق ہوگیا۔
ایدھی حکام نے ارقم کی لاش جناح اسپتال منتقل کی۔
پنجاب میں عید کے موقع پر تھیٹرز میں فحاشی اور عریانی روکنے کیلیے سخت اقدامات