کراچی میں عید کے پہلے روز ٹریفک حادثات میں 3 افراد جاں بحق، 5 زخمی
اشاعت کی تاریخ: 31st, March 2025 GMT
گلشن اقبال ڈسکو بیکری کے قریب ٹریفک حادثے میں ایک کم عمر لڑکا جاں بحق، جبکہ دوسرا شدید زخمی ہو گیا، جاں بحق اور زخمی ہونے والے آپس میں ماموں بھانجا ہیں۔ اسلام ٹائمز۔ شہر قائد کے علاقے لانڈھی، گلشن اقبال، کارساز میں عید کے پہلے روز ہونے والے ٹریفک حادثات میں 3 شہری جاں بحق، جبکہ 5 زخمی ہوگئے۔ تفصیلات کے مطابق شرافی گوٹھ کے علاقے لانڈھی 89 موڑ کے قریب دو موٹرسائیکلوں میں تصادم کے نتیجے میں موٹرسائیکل سوار ایک شخص جاں بحق اور 2 شدید زخمی ہوگئے۔ جاں بحق و زخمی ہونے والوں کو چھیپا ایمبولینس کے ذریعے جناح اسپتال منتقل کیا گیا۔ شاہ لطیف کے علاقے لانڈھی منزل پیٹرول پمپ پل کے قریب کوسٹر کی ٹکر سے موٹرسائیکل سوار ایک شخص جاں بحق اور ایک زخمی ہوگیا۔ گلشن اقبال ڈسکو بیکری کے قریب ٹریفک حادثے میں ایک کم عمر لڑکا جاں بحق، جبکہ دوسرا شدید زخمی ہو گیا، جاں بحق اور زخمی ہونے والے آپس میں ماموں بھانجا ہیں۔ جاں بحق نوجوان کا ماموں ماجد تشویشناک حالت میں اسپتال میں تاحال زیر علاج ہے۔
پولیس کے مطابق ابتدائی تفتیش کے مطابق نامعلوم تیز رفتار کار موٹر سائیکل سوار ماموں بھانجے کو ٹکر مار کر فرار ہوئی، تاہم واقعے کے حوالے سے مزید تفتیش جاری ہے۔ دوسری جانب کارساز روڈ پر میری ٹائم میوزیم کے سامنے 2 تیز رفتار گاڑیاں آپس میں ٹکرا گئیں۔ حادثے کے نتیجے میں دونوں گاڑیوں کو شدید نقصان پہنچا۔ ایس ایچ او بہادر آباد نوید سومرو کے مطابق واقعے میں ایک شخص معمولی زخمی ہوا، واقعہ تیز رفتاری کے باعث پیش آیا تھا۔ متاثرہ افراد کی جانب سے قانونی کارروائی کیلئے رابطہ نہیں کیا گیا۔
ذریعہ: Islam Times
کلیدی لفظ: جاں بحق اور کے مطابق کے قریب
پڑھیں:
کراچی: نیٹی جیٹی مندر کے قریب سمندر سے نوجوان کی لاش برآمد
کراچی کے علاقے کیماڑی نیٹی جیٹی مندر کے قریب سمندر سے نوجوان کی لاش ملی ہے۔
کیماڑی نیٹی جیٹی مندر کے قریب سمندر سے نوجوان کی لاش ملی جس کی اطلاع پر چھیپا کے رضا کاروں نے لاش نکال کر ضابطے کی کارروائی کے لیے سول اسپتال پہنچائی۔
ایس ایچ او ڈاکس نفیس الرحمٰن نے بتایا کہ متوفی کی فوری طور پر شناخت نہیں ہو سکی جبکہ اس کی عمر 24 سال کے قریب بتائی جاتی ہے جس کے ماتھے پر ہلکی سے چوٹ کا نشان ہے جو کہ گرنے کے باعث بھی لگ سکتی ہے۔
متوفی کی شناخت کے حوالے سے بائیو میٹرک سسٹم کی مدد حاصل کی جا رہی ہے جبکہ پولیس نے ضابطے کی کارروائی کے بعد لاش تلاش ورثا کے لیے چھیپا سرد خانے میں رکھوا دی ہے۔
سانپ کیسے اُڑتے ہیں؟