کس سیاستدان نے کہاں عید منائی؟ جانیں تفصیلات
اشاعت کی تاریخ: 31st, March 2025 GMT
پاکستان بھر میں آج عیدالفطر مذہبی جوش وجذبے کے ساتھ منائی جا رہی ہے حکمراں طبقے اور سیاستدان اپنے آبائی علاقوں میں عید منا رہے ہیں۔
پاکستان سمیت ملک بھر میں آج عیدالفطر کا تہوار مذہبی جوش وجذبے کے ساتھ منایا جا رہا ہے۔ جس طرح عام شہری عید اپنے پیاروں کے درمیان کر رہے ہیں۔ اسی طرح حکمراں طبقہ اور سیاستدان بھی عید اپنے آبائی علاقوں میں اہلخانہ، دوست احباب اور حلقہ انتخاب کے افراد کے ساتھ منا رہے ہیں۔
صدر مملکت آصف علی زرداری نوابشاہ میں عید منا رہے ہیں۔ انہوں نے نماز عید زرداری ہاؤس میں ادا کی۔ نماز عید کی ادائیگی کے بعد صدر پاکستان عوام الناس سے ملے اور انہیں عید کی مبارکباد دی۔ ڈپٹی اسپیکر قومی اسمبلی غلام مصطفیٰ شاہ، صوبائی وزیر علی حسن لنجار ودیگر بھی موجود تھے۔
وزیر اعظم شہباز شریف اپنے صاحبزادے اور سابق وزیراعلیٰ پنجاب حمزہ شہباز کے ہمراہ لاہور میں عید منا رہے ہیں۔ انہوں نے ماڈل ٹاؤن میں نماز عید ادا کی اور لوگوں کو عید کی مبارکباد دی۔
چیئرمین سینیٹ یوسف رضا گیلانی نے ملتان، اسپیکر قومی اسمبلی ایاز صادق، وفاقی وزیر داخلہ محسن نقوی اور وفاقی وزیر مواصلات عبدالعلیم خان عیدالفطر لاہور میں نماز عید ادا کی۔
جمعیت علمائے اسلام کے سربراہ مولانا فضل الرحمان نے ڈی آئی خان میں، مسلم لیگ ن کے مرکزی رہنما رانا ثنا اللہ نے فیصل آباد، احسن اقبال نے نارووال اور رانا تنویر نے مرید کے میں نماز عید ادا کی۔
مسلم لیگ ن کے صدر اور سابق وزیراعظم نواز شریف نے صاحبزادوں حسن اور حسیننواز کے ہمراہ جاتی امرا لاہور میں نماز عید ادا کی۔ وزیر اعلیٰ پنجاب نے بھی جاتی امرا میں عید منائی۔ اس موقع پر ن لیگ کے کئی رہنما بھی موجود تھے۔
نماز عید کی ادائیگی کے بعد انہوں نے میاں شریف اور بیگم کلثوم نواز کی قبروں پر حاضری دی اور فاتحہ خوانی کی۔
پاکستان پیپلز پارٹی کے چیئرمین اور سابق وزیر خارجہ بلاول بھٹو لاڑکانہ میں عید منا رہے ہیں۔ انہوں نے گڑھی خدا بخش میں نماز عید ادا کی۔ وزیراعلیٰ سندھ سید مراد علی شاہ، سابق وزیراعلیٰ سید قائم علی شاہ، نثار کھوڑو، سراج درانی ودیگر پارٹی رہنماؤں نے بھی گڑھی خدا بخش میں نماز عید ادا کی۔
نماز عید کے بعد بلاول بھٹو نے شہریوں سے ملاقات کرکے انہیں عید کی مبارکباد پیش کی بعد ازاں انہوں نے شہدائے جمہوریت کے مزارات پر حاضری دی۔
بلاول بھٹو نے سابق وزرا اعظم اپنی والدہ بینظیر بھٹو، ذوالفقار علی بھٹو، نصرت بھٹو، میر مرتضیٰ بھٹو اور شاہنواز بھٹو کی قبروں پر پھول چڑھائے اور فاتحہ خوانی کی۔
وزیراعلیٰ کے پی علی امین گنڈاپور نے عیدالفطر کی نماز ڈی آئی خان میں الامین ہاؤس ڈیرہ پر ادا کی۔ نماز عید کے بعد وہ اہل علاقہ اور پارٹی کارکنوں سے عید ملے۔
وزیراعلیٰ بلوچستان سرفراز بگٹی نے کوئٹہ میں صوبائی وزرا، اراکین اسمبلی اور اعلیٰ حکام کے ہمراہ نماز عید ادا کی۔
گورنر سندھ کامران ٹیسوری نے گورنر ہاؤس کراچی جب کہ گورنرپنجاب سردار سلیم حیدر خان نے اپنے آبائی گاؤں دھرنال میں نماز عید ادا کی۔ اسپیکر پنجاب اسمبلی نے عید الفطر کی نماز آبائی گاؤں کھائی ہٹھاڑ قصور میں ادا کی۔
ایم کیو ایم پاکستان کے چیئرمین خالد مقبول صدیقی اور ڈاکٹر فاروق ستار نے گورنر ہاؤس کراچی، امیر جماعت اسلامی پاکستان حافظ نعیم نے ناظم آباد گراؤنڈ عیدگاہ میں، میئر کراچی مرتضیٰ وہاب نے پولو گراؤنڈ میں نماز عید ادا کی۔
سابق وزیر اعلیٰ پنجاب پرویز الٰہی اور وفاقی وزیر چوہدری سالک حسین نے عید نماز گجرات کی جامع مسجد خاتم النبین جھنڈے وال میں ادا کی۔ سابق وزیر داخلہ شیخ رشید ودیگر نے نماز عید لیاقت باغ میں ادا کی۔
.ذریعہ: Daily Ausaf
کلیدی لفظ: میں عید منا رہے ہیں میں نماز عید ادا کی میں ادا کی انہوں نے عید کی کے بعد
پڑھیں:
عید الفطر کی تیاریاں زور شور سے جاری ، سیاستدان عید منانے اپنےاپنے علاقوں میں پہنچ گئے
اسلام آباد(نیوزڈیسک) کل بروز پیر عیدالفطر کی تیاریاں مکمل، عوام کیساتھ سیاسی قائدین بھی اپنے اپنے آبائی علاقوں میں عید منائیں گے۔وزیراعظم شہبازشریف لاہور ماڈل ٹاؤن اور مسلم لیگ ن کے صدر نوازشریف اورمریم نواز جاتی امرا میں عید منائیں گے۔ وفاقی وزیرداخلہ بھی عیدالفطر لاہورمیں اہل خانہ کےساتھ کریں گے۔
ذرائع کے مطابق صدر مملکت آصف علی زرداری عیدالفطر کی نماز نواب شاہ میں ادا کریں گے۔ چیئرمین پیپلز پارٹی بلاول بھٹو زرداری لاڑکانہ گڑھی خدا بخش میں نماز عید پڑھیں گے، چیئرمین سینیٹ یوسف رضا گیلانی ملتان، سپیکر قومی اسمبلی سردار ایاز صادق لاہور جبکہ ڈپٹی سپیکر قومی اسمبلی سید غلام مصطفیٰ شاہ آبائی شہر نواب شاہ میں نماز ادا کریں گے۔جبکہ سابق وزیراعظم عمران خان اور بشریٰ بی بی اڈیالہ جیل میںہی عید منائیں گی
وفاقی وزیرمواصلات عبدالعلیم خان عیدالفطر لاہور میں منائیں گے، صدر استحکام پاکستان پارٹی ڈی ایچ اے میں نماز عید اداکریں گے۔ سابق وزیراعلیٰ پنجاب حمزہ شہبازبھی عید لاہورمیں منائیں گے۔ اسپیکر پنجاب اسمبلی ملک احمد خان عید آبائی علاقے قصور میں منائیں گے۔
مسلم لیگ ن کے مرکزی رہنما رانا ثنااللہ اور طلال چوہدری عید کی نماز فیصل آباد میں اداکریں گے۔ وفاقی وزرا احسن اقبال نارروال ، رانا تنویرمریدکے اور محسن نقوی بھِی لاہورمیں عید کریں گے۔
چیئرمین پی ٹی آئی بیرسٹر گوہر خان بونیر، اپوزیشن لیڈر عمر ایوب ہری پور، کنونیئر ایم کیو ایم ڈاکٹر خالد مقبول صدیقی کراچی، سابق چیئرمین سینیٹ صادق سنجرانی چاغی میں عید کی نماز پڑھیں گے۔
ملک دشمن مہم کا منہ توڑ جواب دینے کیلئے فلمیں اور ڈرامے بنانے کا فیصلہ
سانپ کیسے اُڑتے ہیں؟