آرمی چیف جنرل عاصم منیر نے عید کہاں منائی ؟ جانی
اشاعت کی تاریخ: 31st, March 2025 GMT
راولپنڈی: آرمی چیف جنرل عاصم منیر نے جنوبی وزیرستان اور ڈی آئی خان میں جوانوں کے ساتھ عید منائی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل عاصم منیر نے نماز عید مغربی بارڈر پر جوانوں کے ساتھ ادا کی اور پاکستان کے استحکام اور ترقی کے یلے دعائیں کیں۔آرمی چیف کی آمد پر کور کمانڈر پشاور نے استقبال کیا۔
ترجمان پاک فوج کا بتانا ہے کہ آرمی چیف جنرل عاصم منیر نے جوانوں کو عید کی مبارک باد دی۔آرمی چیف نے قوم کے لیے جوانوں کے عزم اور مثالی خدمات کو سراہا، انہوں نے کے پی میں مسلح افواج، قانون نافذ کرنے والے اداروں کی کارکردگی کو بھی سراہا۔
پاک فوج کے سپہ سالار نے جوانوں سے کہا کہ بلاشبہ آپ پورے عزم اور بہادری سے مادر وطن کا دفاع کررہے ہیں۔انہوں نے کہا کہ آپ کی وطن کے لیے خدمت منہ بولتا ثبوت ہے، شہدا کی بے پناہ قربانیوں کے نتیجے میں کامیابیاں ممکن ہوئیں۔
.ذریعہ: Daily Ausaf
کلیدی لفظ: ا رمی چیف جنرل عاصم منیر نے
پڑھیں:
آرمی چیف کا عید الفطر پر وانا اور ڈیرہ اسماعیل خان کا دورہ، جوانوں سے ملاقات
آرمی چیف کا عید الفطر پر وانا اور ڈیرہ اسماعیل خان کا دورہ، جوانوں سے ملاقات WhatsAppFacebookTwitter 0 31 March, 2025 سب نیوز
راولپنڈی(سب نیوز)چیف آف آرمی اسٹاف جنرل سید عاصم منیر نے عید الفطر کے موقع پر جنوبی وزیرستان کے علاقے وانا اور ڈیرہ اسماعیل خان کے چکّن کا دورہ کیا۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آرمی چیف نے مغربی سرحد پر تعینات افسران اور جوانوں کے ساتھ عید منائی، آرمی چیف نے عید کی نماز ادا کی اور پاکستان کے پائیدار استحکام اور خوشحالی کے لیے دعا کی۔
ترجمان پاک فوج کے مطابق ارمی چیف نے جوانوں کو عید کی مبارکباد دی اور ان کی بے لوث خدمات اور غیر متزلزل عزم کو سراہا۔
آئی ایس پی آر کے مطابق سپہ سالار نے کہا کہ “آپ کی وابستگی اور قربانیاں نہ صرف ہمارے وطن کے تحفظ کی ضمانت ہیں، پاکستان سے آپ کی گہری محبت کی بھی عکاسی کرتی ہیں۔
ترجمان پاک فوج نے بتایا کہ انہوں نے مسلح افواج، قانون نافذ کرنے والے اداروں اور خیبر پختونخوا کے بہادر عوام کی کارکردگی کو سراہا اور کہا کہ وہ ہمیشہ دہشت گردی کے خلاف ثابت قدم رہے ہیں۔
بیان کے مطابق آرمی چیف نے شہداء کی قربانیوں کو خراجِ عقیدت پیش کیا اور کہا کہ امن و استحکام کے قیام کے لیے ان کی جدوجہد ہی ہماری کامیابی کی بنیاد ہے۔
آرمی چیف کے دورے پر پہنچنے پر کور کمانڈر پشاور نے ان کا پرتپاک استقبال کیا۔
پشاور میں بینک آف پنجاب کی کیش گاڑی کو لوٹ لیا گیا