سوناکشی سنہا اور ظہیر اقبال کی شادی کے بعد پہلی عید، ویڈیوز وائرل
اشاعت کی تاریخ: 31st, March 2025 GMT
ممبئی: بولی وڈ اداکارہ سوناکشی سنہا اور ان کے شوہر ظہیر اقبال نے اپنی شادی کے بعد پہلی عید جوش و خروش سے منائی۔ یہ دن ان کے لیے ایک خاص سنگ میل ثابت ہوا، جسے انہوں نے محبت، خوشی اور اسٹائل کے ساتھ منایا۔
اداکار جوڑے کو عید کے موقع پر ایک دوست کے گھر جاتے دیکھا گیا، جہاں انہوں نے عید کی خوشیاں اپنوں کے ساتھ بانٹیں۔ انسٹاگرام پر وائرل ہونے والی پاپارازی ویڈیوز میں دونوں کا دلکش انداز نمایاں تھا، جہاں انہوں نے میڈیا کو عید کی مبارکباد بھی دی۔
سوناکشی سنہا اور ظہیر اقبال کی جوڑی ہمیشہ مداحوں کی توجہ کا مرکز بنی رہتی ہے۔ اس خاص موقع پر ظہیر نے سفید شرٹ اور بلیک پینٹ میں اپنی شخصیت کو نمایاں کیا، جبکہ سوناکشی آل بلیک ڈریس میں شاندار نظر آئیں۔ ان کی خوشگوار مسکراہٹ اور خوش مزاجی نے مداحوں کے دل جیت لیے۔
عید کی تقریب کے دوران سوناکشی نے نہ صرف عید کی مبارکباد دی بلکہ گڑی پڑوا کے تہوار پر بھی نیک خواہشات کا اظہار کیا۔ ان کی اس محبت بھری ادا کو مداحوں نے خوب سراہا۔
View this post on InstagramA post shared by F I L M Y G Y A N (@filmygyan)
ظہیر اور سوناکشی، جنہوں نے گزشتہ سال شادی کی تھی، اپنی محبت بھرے لمحات اور خوشگوار زندگی کے باعث مداحوں کے پسندیدہ جوڑوں میں شامل ہو چکے ہیں۔
.
ذریعہ: Express News
کلیدی لفظ: عید کی
پڑھیں:
فاطمہ بنو یا راکھی بنو، مفتی قوی کی جیون ساتھی بنو،مفتی قوی کا راکھی ساونت کوعید کا پیغام
فاطمہ بنو یا راکھی بنو، مفتی قوی کی جیون ساتھی بنو،مفتی قوی کا راکھی ساونت کوعید کا پیغام WhatsAppFacebookTwitter 0 1 April, 2025 سب نیوز
اسلام آباد( سب نیوز) بالی ووڈ کی مشہور اداکارہ و رقاصہ راکھی ساونت کے ساتھ شادی کی خواہش رکھنے والے مفتی قوی نے عید کے موقع پر انہیں ایک خصوصی پیغام دیا ہے۔
حال ہی میں ایک انٹرویو میں مفتی قوی نے اپنے دل کی باتیں سوشل میڈیا پر شیئر کیں، جس میں انہوں نے راکھی ساونت کے لیے محبت بھرے پیغامات دیے۔
وائرل ویڈیو کلپ میں مفتی قوی نے عید کی خوشیوں میں شریک ہونے کی خواہش کا اظہار کرتے ہوئے کہا کہ، فاطمہ بنو یا راکھی بنو، مفتی قوی کی جیون ساتھی بنو۔
مفتی قوی نے مزید کہا کہ اگرچہ وہ راکھی ساونت کو محبت کے پیغامات بہت بھیج چکے ہیں، مگر اس بار عید کے موقع پر انہوں نے انہیں عیدی دینے کا پیغام بھیجا ہے۔
یاد رہے کہ جب راکھی ساونت نے پاکستانی سے شادی کی خواہش کا اظہار کیا تھا، تب مفتی قوی نے نہ صرف شادی کے پیغامات بھیجے تھے بلکہ شادی کرنے کی صورت میں راکھی ساونت کو کروڑوں روپے کے تحائف دینے کا وعدہ بھی کیا تھا۔ ان کی جانب سے شادی کی خواہش اور تحائف کی پیشکش سوشل میڈیا پر بڑی توجہ کا مرکز بنی تھی۔
اس عید پر مفتی قوی نے ایک نیا پیغام بھیجا، جس سے یہ ظاہر ہوتا ہے کہ ان کی راکھی ساونت کے ساتھ شادی کی خواہش ابھی تک برقرار ہے۔
چینی کی قیمت اور وزرا کی تنخواہ شہباز اسپیڈ سے بڑھ رہی ہے، بیرسٹر سیف کی وفاقی حکومت پر سخت تنقید