سلمان خان کی میگا ایکشن فلم ’سکندر‘ ریلیز، ایڈوانس بکنگ مایوس کن رہی
اشاعت کی تاریخ: 31st, March 2025 GMT
ممبئی: بولی وڈ کے دبنگ ہیرو سلمان خان کی میگا ایکشن فلم ’سکندر‘ کو بھارت سمیت خلیجی، امریکی اور یورپی ممالک میں ریلیز کر دیا گیا۔ تاہم فلم کی ایڈوانس بکنگ توقع سے کم رہی، جس کے باعث اس کی ابتدائی کمائی کے حوالے سے مختلف قیاس آرائیاں کی جا رہی ہیں۔
فلمی تجزیہ کاروں کا ماننا تھا کہ ’سکندر‘ کی ایڈوانس بکنگ 10 کروڑ روپے تک پہنچے گی، لیکن ایسا نہیں ہو سکا، جس کے بعد اب خیال کیا جا رہا ہے کہ فلم اندازوں سے کم بزنس کرے گی۔
سلمان خان نے فلم کے ٹریلر لانچ کے دوران کہا تھا کہ چاہے فلم اچھی ہو یا بری، لیکن 200 کروڑ روپے سے زیادہ کمائے گی۔
’سکندر‘ سلمان خان کی دو سال بعد بڑی اسکرین پر واپسی ہے۔ ان کی آخری فلمیں ’ٹائیگر 3‘ اور ’کسی کا بھائی کسی کی جان‘ 2023 میں ریلیز ہوئی تھیں۔
فلم کا ٹریلر 23 مارچ کو ریلیز کیا گیا تھا، جسے 24 گھنٹوں میں ساڑھے 4 کروڑ بار دیکھا گیا، اور اس نے شاہ رخ خان کی ’جوان‘ کے ٹریلر کا ریکارڈ توڑ دیا۔
’سکندر‘ میں سلمان خان کے ساتھ رشمیکا مندانا، نواب شاہ، کاجل اگروال اور سنیل شیٹی بھی ایکشن میں نظر آئیں گے، جبکہ فلم کے شائقین سلمان خان کو ایک بار پھر دھماکہ دار انداز میں دیکھنے کے منتظر ہیں۔
.
ذریعہ: Express News
کلیدی لفظ: خان کی
پڑھیں:
عید الفطر پر پاکستانی فلم انڈسٹری کی رونقیں دوبارہ بحال، متعدد فلمیں ریلیز
کراچی: عید الفطر کے موقع پر پاکستانی فلم انڈسٹری کی رونقیں دوبارہ بحال ہو گئی ہیں، جہاں نئی اور پرانی فلموں کی ریلیز نے سینماؤں میں جوش و خروش بڑھا دیا۔ اس سال پاکستانی، بھارتی، انڈونیشین، جرمن اور ہالی وڈ فلمیں سینماؤں کی زینت بنی ہیں۔
نئی فلموں میں:
قلفی (شہروز سبزواری، سعیدہ امتیاز، بابر علی، جاوید شیخ، معمر رانا)
کبیر (عدنان شاہ ٹیپو، انعم تنویر، سخاوت ناز)
عشق لاہور (جاوید شیخ، صائمہ نور)
لمبی جدائی (بابر علی، حریم فاطمہ)
مارشل آرٹسٹ (شاز خان کی انگریزی فلم، پاکستانی سماج پر مبنی)
پاکستانی فلم سازوں نے جوانی پھر نہیں آنی، جوانی پھر نہیں آنی 2، پنجاب نہیں جاؤں گی، تیری میری کہانیاں اور ٹچ بٹن جیسی ہٹ فلمیں دوبارہ ریلیز کر دی ہیں۔ بھارتی پنجابی فلم کیری آن جٹا 3 اور انڈونیشین فلموں کو بھی اردو میں ڈب کرکے پیش کیا جا رہا ہے۔
عید کے موقع پر سینماؤں میں رش دیکھنے کو مل رہا ہے، جہاں لوگ اپنی پسندیدہ فلموں کا لطف اٹھا رہے ہیں۔ خاص طور پر پاکستانی ایکشن اور کامیڈی فلمیں شائقین کی توجہ کا مرکز بنی ہوئی ہیں۔
اسود ہارون نے نازش جہانگیر کے خلاف کیس کی تفصیلات شیئر کردیں، ویڈیو دیکھیں