عمران خان کو بھی عید کی بہت مبارک ہو: شرجیل میمن
اشاعت کی تاریخ: 31st, March 2025 GMT
اسکرین گریب
سندھ کے سینئر وزیر شرجیل انعام میمن نے بانئ پی ٹی آئی کو بھی عید کی مبارکباد دیتے ہوئے مشورہ دیا ہے کہ وہ جب بھی باہر نکلیں مثبت سیاست کریں۔
ٹنڈوجام میں میڈیا سے گفتگو میں انہوں نے کہا کہ واضح ہے کہ کوئی کینال منظور نہیں ہوئی، کینال منظور کرنے کے لیے فورم ہیں، اس پروجیکٹ کو اب تک اپروول نہیں ملی ہے، پہلے ہی 50 فیصد پانی کی کمی ہے، پیپلز پارٹی دریائے سندھ پر کسی بھی کینال کے خلاف تھی ہے اور مرتے دم تک رہے گی۔
انہوں نے کہا کہ پاکستان کے ایک ایک انچ کی ترقی چاہتے ہیں، صدر آصف زرداری نے جوائنٹ سیشن میں کہا کہ وہ اس پروجیکٹ کو منظور نہیں کر سکتے، صدر کے پاس پروجیکٹ منظور کرنے کا اختیار ہی نہیں ہے، پیپلز پارٹی یہ سمجھتی ہے کہ اس وقت پبلک کے ساتھ کھڑا ہونا ہے۔
بانی پی ٹی آئی تیسری عید اڈیالا جیل میں گزار رہے ہیں اور وہ اس مرتبہ سیکیورٹی وجوہات کے باعث نمازِ عید ادا نہیں کرسکے۔
ان کا کہنا ہے وزیراعظم صاحب آپ اس معاملے میں مداخلت کریں، اعلان کریں کہ یہ پروجیکٹ ختم کیا جاتا ہے، اگر وزیراعظم اعلان کردیں تو ہم شکر گزار ہوں گے۔
شرجیل میمن نے کہا کہ حادثات پر لوگ سیاست کی کوشش کرتے ہیں مجھے بڑا افسوس ہوتا ہے، جنہیں لوگوں نے مسترد کر دیا وہ اس طرح کی سیاست کرتے ہیں، یہ نہیں ہونا چاہیے کہ آپ لاشوں کی سیاست کرنا شروع کر دیں، بیچ میں یہ شروع ہوا تھا کہ اگر ایسا حادثہ ہوا تو گاڑی کو آگ لگا دیں گے۔
انہوں نےکہا کہ جگہ جگہ پیڈسٹرین برج ہیں لیکن لوگ استعمال کرنے کی زحمت نہیں کرتے، ڈرائیونگ لائسنس سخت اسکروٹنی کے بعد ملنا چاہیے، سندھ حکومت نے اپنے ٹریفک کے نظام کو بہتر کیا ہے، اگر ڈمپر والے کی غلطی ہے تو اسے گرفتار ہونا چاہیے۔
صوبائی وزیر نے کہا کہ ٹریفک ٹرانسپورٹ محکمہ کے انڈر نہیں آتی، کوئی ایک بھی افسوسناک حادثہ ہو ایک بھی جان جائے وہ بہت افسوسناک ہے، کوئی ڈمپر چلا رہا ہے اس کو احتیاط کرنی چاہیے، یہاں ہر کوئی ریسنگ کر رہا ہے، ہر کسی کو جلدی ہے۔
ان کا مزید کہنا ہے کہ تمام پاکستانیوں نے تمام اختلافات بھلا کر ملک کے لئے مل کر کوشش کرنی ہے، اپنے ملک کو مضبوط بنانا ہے، ملک کو درپیش چیلنجز کا مل کر سامنا کرنا ہے، پوری قوم کو متحد ہونا ہوگا، ہمارا مذہب بھی ہمیں یہی سکھاتا ہے کہ دل سے ایک ہوں، دشمن ممالک ہم میں دراڑیں ڈالنا چاہتے ہیں، وہ چاہتے ہیں کہ بھائی بھائی سے لڑے، عید پر دل سے تہیہ کریں کہ تمام اختلافات ختم کریں اور ملک کو مضبوط کریں۔
انہوں نے کہا کہ آج کے دن ہم فلسطین کے معصوم لوگوں کو بھی یاد کریں ان کے ساتھ بھی اظہار یکجہتی کریں۔
.ذریعہ: Jang News
کلیدی لفظ: نے کہا کہ انہوں نے نہیں کر
پڑھیں:
اعظم سواتی کی عمران خان سے اڈیالہ جیل میں ملاقات، اہم ہدایت مل گئیں
راولپنڈی(ڈیلی پاکستان آن لائن)بانی چیئرمین پاکستان تحریک انصاف (پی ٹی آئی) اور بشریٰ بی بی سے اعظم سواتی، مبشر اعوان اور نادیہ خٹک کی ملاقات ختم ہوگئی۔اڈیالہ جیل راولپنڈی میں بانی پی ٹی آئی سے ملاقات کے بعد اعظم سواتی اور دیگر افراد باہر آگئے۔
بانی پی ٹی آئی سے ملاقات 20 سے 25 منٹ تک جاری رہی جبکہ سلمان اکرم راجہ، شعیب شاہین اور نیازاللہ نیازی کو تاحال ملاقات کی اجازت نہیں ملی۔اس بارے میں اعظم سواتی کا کہنا تھا کہ بانی پی ٹی آئی نے کہا ہے کہ جنید اکبر کی طرف سے کی گئی تعیناتیوں کوفوری واپس لیا جائے۔اعظم سواتی نے مزید کہا کہ ہم نے بانی پی ٹی آئی کو مانسہرہ کی کرپشن کے معاملات کا بتایا ، پنجاب کے امور پر بریف کیا اور بتایا کہ وہاں عالیہ حمزہ کا راستہ روکا جارہا ہے۔سلمان اکرم راجا نے کہا کہ اعظم سواتی کی بات پر جنید اکبر سے بات کریں گے،پنجاب میں اگر کوئی مسئلہ ہے تو اس پر بھی گفتگو ہوسکتی ہے۔اُن یہ بھی کہنا تھا کہ پارٹی میں کوئی لڑائی جھگڑا موجود نہیں ہےجبکہ چھوٹے موٹے معاملات چلتے رہتے ہیں۔
لاہور میں چار ملزمان نے کمسن بچے کو زیادتی کا نشانہ بنا دیا
مزید :
وزیراعلیٰ پنجاب کا اچانک دورہ، صفائی مہم اور طبی سہولیات کا جائزہ