محسن نقوی کی شہید میجر سعد کے گھر آمد، اہلخانہ سے تعزیت
اشاعت کی تاریخ: 31st, March 2025 GMT
اسلام آباد (اپنے سٹاف رپورٹر سے) وفاقی وزیر داخلہ محسن نقوی نے شہید میجر سعد بن زبیر کے اہلخانہ سے تعزیت اور گہرے دکھ کا اظہار کیا ہے۔ وزیرداخلہ محسن نقوی باغ آزاد کشمیر میں شہید میجر سعد بن زبیر کی رہائش گاہ پہنچے جہاں انہوں نے شہید میجر سعد کے والد محمد زبیر خان، والدہ، بھائی اور دیگر اہل خانہ سے ملاقات کی اور جواں سال بیٹے کی شہادت پر گہرے دکھ اور افسوس کا اظہار کیا۔ محسن نقوی نے شہید میجر سعد کے والد، والدہ اور بھائی کو دلاسہ دیا اور ان کے بلند حوصلے کو سراہا۔ شہید میجر سعد بن زبیر کی بہادری کو زبردست الفاظ میں خراج عقیدت پیش کیا، مرحوم کیلئے فاتحہ خوانی کی اور سوگوار خاندان کے صبر جمیل کی دعا کی۔ محسن نقوی کا کہنا تھا کہ شہید میجر سعد بن زبیر نے شہادت کا عظیم رتبہ پایا، قوم کو لازوال قربانی پر ناز ہے، میجر سعد جیسے بہادر سپوت قوم کا ناقابل فراموش سرمایہ ہیں، شہید میجر سعد کے بلند حوصلہ والدین کو دیکھ کر ہمارا عزم مزید مضبوط ہوا ہے۔
.ذریعہ: Nawaiwaqt
کلیدی لفظ: شہید میجر سعد بن زبیر شہید میجر سعد کے محسن نقوی
پڑھیں:
سعودی ولی عہد شہزادہ محمد بن سلمان کا آرمی چیف جنرل سید عاصم منیر کو فون
سعودی ولی عہد شہزادہ محمد بن سلمان نے چیف آف آرمی سٹاف (سی او اے ایس) جنرل عاصم منیر سے ٹیلی فون پر ان کی والدہ کے انتقال پر اظہار تعزیت کیا ہے۔
سعودی ولی عہد شہزادہ محمد بن سلمان نے آرمی چیف سے ان کی والدہ کے انتقال پر تعزیت کی اور دعا کی کہ اللہ تعالیٰ مرحومہ کو اپنے جوار رحمت میں جگہ دے اور سوگوار خاندان کو یہ ناقابل تلافی نقصان برداشت کرنے کی ہمت اور حوصلہ عطا کرے۔
اظہار تعزیت پر آرمی چیف جنرل عاصم منیر نے سعودی ولی عہد شہزادہ محمد بن سلمان کا شکریہ ادا کیا۔
یہ بھی پڑھیے آرمی چیف جنرل عاصم منیر کی والدہ وفات پاگئیں، صدر، وزیراعظم سمیت دیگر سیاسی شخصیات کا اظہار افسوس
25 مارچ کو آرمی چیف جنرل عاصم منیر کی والدہ کا انتقال ہوگیا تھا، انہیں راولپنڈی کے مقامی قبرستان میں سپرد خاک کیا گیا۔ آرمی چیف جنرل عاصم منیر نے اپنی والدہ کی نماز جنازہ کی امامت کی جس میں صدر آصف علی زرداری، وزیراعظم شہباز شریف، سابق آرمی چیف جنرل (ریٹائرڈ) اشفاق پرویز کیانی اور جنرل (ریٹائرڈ) قمر جاوید باجوہ، سابق ڈی جی آئی ایس آئی لیفٹیننٹ جنرل (ر) ندیم انجم، سابق ڈی جی آئی ایس پی آر (آئی ایس پی آر) اور دیگر سینئر افسران کے ہمراہ تھے۔ جبکہ سول افسران کی ایک بڑی تعداد نے بھی شرکت کی۔ نماز جنازہ میں بڑی تعداد میں عام لوگ بھی شریک ہوئے۔
مزید پڑھیں راولپنڈی: آرمی چیف کی والدہ کی نماز جنازہ ادا، صدر، وزیراعظم اور نواز شریف سمیت دیگر کی شرکت
نماز جنازہ کے دوران قومی رہنماؤں نے آرمی چیف جنرل عاصم منیر سے اظہار تعزیت کیا اور ان کی والدہ کے درجات کی بلندی کے لیے دعا کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف سید عاصم منیر اظہار تعزیت سعودی ولی عہد محمد بن سلمان
اسلام آباد ہائیکورٹ نے عمران خان سے ہفتے میں دو دن کی جیل ملاقات بحال کر دی