امریکی سفارتخانے کی جانب سے اہل پاکستان کے نام عید مبارکباد کا پیغام
اشاعت کی تاریخ: 30th, March 2025 GMT
پاکستان میں موجود امریکی سفارتخانے کی جانب سے پاکستانی حکومت اور عوام کو عید کی مبارکباد کے ساتھ نیک تمناؤں کا اظہار۔
یہ بھی پڑھیں:وائٹ ہاؤس میں افطار پارٹی، پاکستانی سفیر کی شرکت پر ٹرمپ شکرگزار
یو ایس ایمبیسی پریس اسلام آباد کی جانب سے جاری ایک ویڈیو پیغام میں کہا گیا ہے کہ امریکی حکومت اور عوام کی جانب سے عید الفطر منانے والے تمام افراد کو پُرجوش مبارکباد پیش کرتے ہیں۔ یہ وہ تہوار جو رمضان المبارک کے اختتام پر منایا جاتا ہے۔
سماجی رابطوں کی ویب سائٹ ’فلیکر‘ پر جاری ویڈیو پیغام میں امریکی خاتون سفارتکار کو بازار میں عید کی شاپنگ کرتے دکھایا گیا، اس ویڈیو میں وہ انہیں کہتے سنا جا سکتا ہے کہ عید کا دن اُس اُمید، ہمت اور فیضان کے حصول کا موقع ہے جو ماہ رمضان میں روزے، نماز اور خیرات کی بدولت حاصل ہوتی ہے۔
بطور ایک ایسی قوم کے جو مذہبی آزادی سے لگاؤ رکھتی ہے، ریاستہائے متحدہ امریکا اپنی سرزمین، پاکستان اور دنیا بھر میں اللہ کی شفقت اور پیار کی شکر ادا کرنے کے موقع پر لاکھوں مسلمانوں کے ساتھ کھڑا ہے۔
اور ہم اس موقع پر امن پر مبنی ایسا مسقبل تشکیل دینے کےعزم کی تجدید کرتے ہیں، جس میں ہر انسان کی بنیادی عظمت کو تسلیم جائے۔
دعا ہے کہ اللہ اس مقدس موقع پر اور ہمیشہ آپ اور آپ کے خاندان والوں پر اپنی رحمت ناز ل فرمائے۔ عید مبارک۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا پاکستان پیغام عید عید الفطر یو ایس ایمبیسی.ذریعہ: WE News
کلیدی لفظ: امریکا پاکستان پیغام عید عید الفطر یو ایس ایمبیسی کی جانب سے
پڑھیں:
اس پُرمسرت موقع پر ٹیم کو دعاؤں میں یاد رکھیں، بابراعظم اور نسیم شاہ کا پیغام عید
قومی کرکٹ ٹیم نے نماز عید الفطر ہملٹن میں ادا کی، کھلاڑیوں کو نماز عید کے بعد ایک دوسرے سے گرم جوشی سے گلے ملتے دیکھا گیا۔ جب کہ اس دوران میں شائقین کرکٹ بھی قومی ٹیم کے کھلاڑیوں کے ساتھ تصاویر کھنچواتے رہے۔
Eid-ul-Fitr prayers offered in Hamilton as the ???????? team wishes everyone #EidMubarak ✨ pic.twitter.com/xi1O9jrp8O
— Pakistan Cricket (@TheRealPCB) April 1, 2025
عید الفطر کی مناسبت سے سابق کپتان بابر اعظم نے اپنے پیغام اپنی اور پاکستانی ٹیم کی طرف سے شائقین کو عید کی مبارکباد دیتے ہوئے کہا کہ عید کے ان ایام کو خوب انجوائے کریں اور اپنے پیاروں سے ملاقات کریں۔
بابر اعظم نے کہا کہ اس پُرمسرت موقع پر پاکستان اور پاکستانی ٹیم کو دعاؤں میں یاد رکھیں۔
اسٹار بولر نسیم شاہ نے اپنے پیغام میں اپنی اور قومی ٹیم کی جانب سے سب مسلمانوں کو عید کی مبارکباد پیش کرتے ہوئے کہا کہ اس موقع پر ایک دوسرے کو معاف کریں، خوش رہیں، کھانا ساتھ کھائیں اور انجوائے کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بابراعظم پیغام عید نسیم شاہ نماز عید ہملٹن
نیٹو کا چھوڑا ہوا 8 سے 10 ارب کا اسلحہ پاکستان کیخلاف استعمال ہو رہا ہے، گورنر کے پی