کراچی میں عید کی چاند رات کی خوشی میں فائرنگ سے 14 شہری زخمی
اشاعت کی تاریخ: 30th, March 2025 GMT
واقعات قصبہ نیو میانوالی کالونی، نارتھ ناظم آباد حیدری مارکیٹ، اورنگی قصبہ موڑ، فرنٹیئر کالونی، لیاری ہنگوہ آباد، رنچھوڑ لائن رامسوامی، اورنگی ٹاؤن ساڑھے گیارہ نزد فاروق اعظم مسجد پر پیش آئے۔ اسلام ٹائمز۔ شہر قائد میں ماہ شوال کا چاند نظر آنے کی خوشی میں ہونے والی ہوائی فائرنگ کے نتیجے میں 14 شہری اندھی گولیاں لگنے سے زخمی ہوگئے۔ تفصیلات کے مطابق ماہ شوال کا چاند نظر آنے کے بعد کراچی کے مختلف علاقوں میں شدید ہوائی فائرنگ ہوئی، جس کے نتیجے میں خاتون اور بچیوں سمیت 14 شہری زخمی ہوئے۔ واقعات قصبہ نیو میانوالی کالونی، نارتھ ناظم آباد حیدری مارکیٹ، اورنگی قصبہ موڑ، فرنٹیئر کالونی، لیاری ہنگوہ آباد، رنچھوڑ لائن رامسوامی، اورنگی ٹاؤن ساڑھے گیارہ نزد فاروق اعظم مسجد پر پیش آئے۔ اورنگی ٹاؤن قصبہ موڑ پر فائرنگ سے 9 سالہ بچی آسیہ زخمی ہوئی، جبکہ ساڑھے گیارہ میں 35 سالہ نوشین نامی خاتون زخمی ہوئیں۔ اس کے علاوہ 11 سالہ ارم بھی اندھی گولی کا شکار بن کر زخمی ہوگئی۔
ناظم آباد ایک نمبر پر اندھی گولی لگنے سے منصور نامی شہری زخمی ہوا، جبکہ بلدیہ قائم خانی کالونی میں ہوائی فائرنگ سے 16 سالہ وحید زخمی ہوا۔ لیاری میں 11 سالہ ایان جبکہ بلدیہ گلشن مزدور میں فائرنگ سے ایک شخص زخمی ہوا۔ تمام زخمیوں کو اسپتال منتقل کردیا گیا ہے جبکہ حالت خطرے سے باہر ہے۔ دوسری جانب تھانہ منگھوپیر پولیس نے چاند رات کے موقع پر ہوائی فائرنگ کرنے والے ملزم کو رنگے ہاتھوں گرفتار کرلیا۔ ایس ایس پی ویسٹ طارق الہی مستوئی نے بتایا کہ گرفتار ملزم منگھوپیر کے علاقے سلطان آباد میں ہوائی فائرنگ جیسے جان لیوا جرم کا ارتکاب کر رہا تھا۔
ذریعہ: Islam Times
کلیدی لفظ: ہوائی فائرنگ فائرنگ سے
پڑھیں:
کراچی: مختلف ٹریفک حادثات میں 10 افراد زخمی
عیدالفطر کے دوسرے روز کراچی کے مختلف علاقوں میں ٹریفک حادثات میں 10 افراد زخمی ہوگئے۔
تفصیلات کے مطابق نادرن بائی پاس ایم ڈی کٹ کے قریب تیز رفتار رکشا ڈرائیور سے بے قابو ہوکر الٹ گیا جس کے نتیجے میں 6 افراد زخمی ہوگئے۔
حادثے کے اطلاع ملنے پر ایدھی کے رضا کار موقع پر پہنچ گئے اور زخمیوں کو فوری طبی امداد کے لیے قریبی اسپتال منتقل کیا۔
ریسکیو حکام کے مطابق زخمیوں کی شناخت 17 سالہ عادل، 15 سالہ عاشق، 14 کامران، 19 سالہ اسامہ، 24 سالہ محمد اور 21 سجالہ نعمان کے نام سے کی گئی۔
سی ویو دو دریا کے قریب رکشے اور موٹر سائیکل کے درمیان تصادم کے نتیجے میں 4 افراد زخمی ہوگئے جنہیں ایدھی ایمبولینسوں کے ذریعے جناح اسپتال لیجایا گیا جہاں ان کی شناخت 20 سالہ وقاص، 25 سالہ عثمان، 30 سالہ لیاقت اور 17 سالہ حسنین کے نام سے کی گئی۔
ریسکیو حکام کے مطابق زخمیوں کی حالت خطرے سے باہر بتائی جاتی ہے۔
پنجاب میں عید کے موقع پر تھیٹرز میں فحاشی اور عریانی روکنے کیلیے سخت اقدامات